[᭕᭔ 54B]
᭕᭔᭟
ᬲ᭄ᬦᬸᬮᬶᬲ᭄᭞ᬲᬵᬫ᭄ᬧᬸᬦᬶᬤᬧᬸᬧᬸᬢ᭄ᬜᬭᬵᬢ᭄᭟᭜᭟ᬲᬵᬫ᭄ᬧᬸᬦ᭄ᬫᬳᬸᬍᬲ᭄ᬲᬸᬢ᭄ᬭᬚᭂᬦᬃ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬭᬶᬓᬶᬅᬃᬬ᭄ᬬᬤᭂᬫᬸᬂᬚᬗ᭄ᬕᬮ᭞ᬚᬯᬶᬦᬶᬂᬲᬸᬭᬵᬢ᭄ᬤᭂᬫᬸᬂᬫᬢᬸᬃ᭞ᬦᬾ
ᬲᬸᬭᬵᬢᬾᬤᭂᬫᬸᬂᬗᬢᬸᬭᬂ᭞ᬭᬶᬂᬦᬦᬓ᭄ᬫᬦ᭄ᬢ᭄ᬭᬷ᭞ᬭᬭᬶᬲ᭄ᬤᭂᬫᬸᬂᬫᬶᬤᬃᬣᬬᬂ᭟᭜᭟ᬳᬶᬤᭂᬫᬸᬂᬫᬢᬸᬃᬲᬦ᭄ᬤᬶᬓ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬢᬸᬫᬸᬮᬶᬫᬗ᭄ᬭᬭᬶᬲ᭄ᬫᭂᬤᬮ᭄᭞ᬢᬦ᭄ᬓ
ᬯᬃᬡ᭄ᬦᬫᬭᬶᬂᬳᭂᬦᬸ᭞ᬲᬂᬧ᭄ᬭᬪᬸᬳᬶᬤᬩᬸᬤᬮ᭄᭞ᬳᬶᬧᬢᬶᬄᬗᬶᬭᬶᬂ᭞ᬫᬗ᭄ᬭᬭᬶᬲᬶᬤᬗᬧᬸᬃᬬ᭄ᬬᬂ᭟᭜᭟ᬰ᭄ᬭᬷᬧ᭄ᬭᬫᬾᬰ᭄ᬯᬭᬶᬫᬫᬧᬕ᭄᭞ᬭᬭᬶᬲ᭄ᬫᬢᬸᬃᬭᬶᬂᬦᬭᬧᬢᬶ᭞ᬲᬳᬶᬦ᭄ᬤᬶᬓᬸᬢᬸᬲᬦᬾ
ᬢᭂᬓ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬳᬸᬢᬸᬲᬦ᭄ᬫᬗᬩᬲᬸᬭᬵᬢ᭄᭞ᬓᬓᬳᬚᬷ᭞ᬓᬃᬱᬦᬶᬤᬳᬸᬓᬸᬄᬗᬮᬫᬃ᭟᭜᭟ᬤᬾᬦᬶᬂᬦᬦᬓ᭄ᬕᬮᬸᬄᬳᬶᬮᬂ᭞ᬤᬤᬶᬢ᭄ᬬᬂᬗᬢᬸᬭᬂ
[᭕᭕ 55A]
ᬢᬸᬮᬶᬲ᭄᭞ᬫᬗᬢᬸᬭᬂᬓᬮᬸᬧᬸᬢᬦ᭄᭞ᬭᬶᬂᬳᬶᬤᬳᬶᬓᬓᬧ᭄ᬭᬪᬸ᭞ᬫᬮᬶᬄᬭᬶᬳᬶᬦᬦᬓ᭄ᬫᬦ᭄ᬢ᭄ᬭᬷᬬ᭞ᬚᬯᬶᬦᬶᬂᬢᬸᬮᬶᬲ᭄᭞ᬅᬃᬬ᭄ᬬᬤᭂᬫᬸᬂᬧᭂᬢᭂᬮᬲᬶᬦ᭄ᬢᬶᬢ᭄ᬬᬂ᭟᭜᭟ᬧ᭄ᬭᬫᬾᬰ᭄ᬯᬭᬷᬲᭂ
ᬫᬸᬯᬱ᭄ᬧ᭞ᬫᬾᬮᬶᬂᬭᬶᬭᬳᬤᬾᬦ᭄ᬤᬾᬯᬶ᭞ᬫᬢᬸᬃᬭᬶᬂᬭᬵᬓᬦᬾᬳᬮᭀᬦ᭄᭞ᬦᬧᬶᬳᬮᬦᬾᬓᬧᬗ᭄ᬕᬸᬄ᭞ᬢᬶᬢ᭄ᬬᬂᬗᬶᬧᬶᬳᬶᬩᬶᬲᬜ᭄ᬚ᭞ᬫᬩᬺᬲᬶᬄ᭞ᬧᬶᬦ᭄ᬤᬦ᭄ᬜᬮᬸᬗ᭄ᬳᬓᬢᬫᬦ᭄᭟᭜
᭟ᬲᬯᬸᬲ᭄ᬢᬶᬢ᭄ᬬᬂᬫᬓ᭄ᬭᬫᬲ᭄᭞ᬲᭂᬓᬃᬫᬵᬲᬾᬢᬦ᭄ᬓᬧᬗ᭄ᬕᬶᬄ᭞ᬧᭂᬕᭂᬮ᭄ᬢᬶᬢ᭄ᬬᬂᬫᬳᬶᬍᬳᬦ᭄᭞ᬫᬲᬶᬄᬬᬢ᭄ᬯᬭᬓᬧᬗ᭄ᬕᬸᬄ᭞ᬧᬶᬦ᭄ᬤᬗ᭄ᬭᬭᬶᬲ᭄ᬢᬶᬢ᭄ᬬᬂᬩᬸᬤᬮ᭄᭞ᬭᬯᬸᬭᬷ᭞ᬗ᭄ᬭᬭᬶᬲ᭄ᬢᬶᬢ᭄ᬬᬂᬓᬧᬫᬺᬫᬦ᭄᭟᭜᭟
ᬭᬭᬶᬲ᭄ᬓᬦ᭄ᬢᭂᬦ᭄ᬲᭂᬓᬭᬾᬓᭂᬫ᭄ᬩᬃ᭞ᬕᭂᬮᬶᬲ᭄ᬢᬶᬢ᭄ᬬᬂᬧᬶᬦ᭄ᬤᬗᬫ᭄ᬩᬶᬮ᭄᭞ᬢᬦ᭄ᬮ᭄ᬬᬦ᭄ᬲᭂᬓᬭᬾᬳᬶᬘᬮ᭄᭞ᬓᭂᬦ᭄ᬤᭂᬮ᭄ᬢᬶᬢ᭄ᬬᬂᬗ᭄ᬭᬭᬶᬲ᭄ᬩᬗᬸᬦ᭄᭞ᬲᬧᬸᬦᬧᬶᬫᬮᬶᬄᬓᬧᭂᬦ᭄ᬤᬓ᭄᭞ᬗᭂᬮᬶᬄᬧᬢᬶᬄ᭞ᬧᬸᬦᬶᬓᬩᭂᬮᬶᬩᬯᭀᬲᬂ᭟
Kaca:Bali-lontar-gaguritan-pakangraras-02-300ppi.pdf/55
Kaca puniki sampun kauji-wacén
