Kaca:Bali-lontar-gaguritan-pakangraras-02-300ppi.pdf/54

Saking Wikisource
Kaca puniki sampun kauji-wacén

[᭕᭓ 53B]
᭕᭓᭟
ᬫᬸᬮᬶᬳᬶᬤᬓᬧᬗ᭄ᬕᬸᬄ᭞ᬲᬯᬦᬾᬓᬳᬸᬗ᭄ᬕᬳᬂ᭞ᬓᬲᬶᬭᬫᬶᬦ᭄᭞ᬚᬦ᭄ᬢᭂᬦ᭄ᬮᬬᭀᬦᬶᬤᬭᬳᬤ᭄ᬬᬦ᭄᭟᭜᭟ᬧᬸᬦ᭄ᬢᬚ᭄ᬭᬸᬤᬾᬄᬮᬦ᭄ᬓᬃᬣᬮ᭞ᬳᬶᬧᬸᬦᬺᬓᬾᬲᬮᬶᬂᬢᬭᬶ᭞ᬧᬘᬂᬗᬫᬸᬓ᭄ᬓ
ᬦᬵᬕᬭ᭞ᬭᬭᬶᬲᬺᬓᬾᬯᬾᬦ᭄ᬢᭂᬦ᭄ᬭᬯᬸᬄ᭞ᬥᬂᬥᬂᬧᭂᬝᬓ᭄ᬫᬯᬘᬦ᭞ᬪᬲᬚᬦ᭄ᬫᬶ᭞ᬭᬶᬂᬳᬶᬧᬸᬦ᭄ᬢᬚ᭄ᬭᬸᬤᬾᬄᬓᬃᬣᬮ᭟᭜᭟ᬳᭂᬤᬗᬫᬸᬓ᭄ᬓᬦᬵᬕᬭ᭞ᬮᬬᭀᬦᬾᬤᬶᬦᬶᬢᭀᬗᭀᬲᬶᬦ᭄
᭞ᬦᬶᬭᬚᬦᬶᬗᬸᬦᬶᬗᬬᬂ᭞ᬭᬶᬂᬪᬝᬭᬳᬶᬤᬳ᭄ᬬᬂᬮᬸᬳᬸᬃ᭞ᬭᬭᬶᬲ᭄ᬩᬸᬤᬮᬺᬓᬾᬚᬳᬦ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬭᬶᬲ᭄ᬗᬸᬭᬶᬧ᭄ᬳᬶᬤᬭᬳᬤ᭄ᬬᬦ᭄᭟᭜᭟ᬲᬧᬸᬦᬶᬓᬫᬃᬕ᭄ᬕᬶᬦᭂᬕᭂᬲᬂ᭞ᬧᬸᬢ᭄ᬭᬦ᭄ᬧᬤᬸᬓ᭠
ᬭᬤᬾᬦ᭄ᬫᬦ᭄ᬢ᭄ᬭᬷ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬕᬦ᭄ᬢᬶᬦ᭄ᬚᬕᬢ᭄ᬤᬳᬭᬳᬬᬸ᭞ᬬᬾᬦ᭄ᬢᬦ᭄ᬕᭂᬮᬶᬲ᭄ᬲᬂᬕᬕᬓ᭄᭞ᬫᬗᭂᬓᭂᬢᬶᬦ᭄᭞ᬢ᭄ᬯᬭᬩᬸᬯᬸᬂᬚᬕᬢᬾᬭᬸᬲᬓ᭄᭟᭜᭟ᬧᬸᬦ᭄ᬢᬚ᭄ᬭᬸᬤᬾᬄᬮᬦ᭄ᬓᬃᬣ
[᭕᭔ 54A]
ᬮ᭞ᬢᭂᬕᬸᬄᬢᬶᬫ᭄ᬩᬸᬮ᭄ᬢᭀᬢᭀᬲᬶᬂᬚᬸᬭᬶᬢ᭄᭞ᬢᬦ᭄ᬢᭂᬢᭂᬲᬶᬂᬲᬃᬯ᭄ᬯᬲᬜ᭄ᬚᬢ᭞ᬲᬶᬂᬓᬧᬭᬕ᭄ᬚᬕᬢᬾᬍᬩᬸᬂ᭞ᬕᬸᬲ᭄ᬢᬶᬧᬶᬄᬓᬤᬾᬭᬷᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬕᬦ᭄ᬢᬶᬦ᭄ᬚᬕᬢ᭄ᬯᬗ᭄ᬤᬾᬭᬸᬲᬓ᭄᭟᭜᭟ᬳᬶ᭠
ᬗ᭄ᬕᬶᬄᬫᬗ᭄ᬓᬾᬦ᭄ᬧᬓᬬᬸᬦᬦ᭄᭞ᬲᬦᬾᬧᬢᬹᬢ᭄ᬢᬶᬢ᭄ᬬᬂᬗᬶᬭᬶᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬢ᭄ᬬᬂᬗᬢᬸᬭᬂᬲᬸᬭᬵᬢ᭄ᬳᬢᬸᬃ᭞ᬭᬶᬂᬳᬶᬤᬳᬶᬓᬓᬦᬵᬣ᭞ᬓᬮᬶᬄᬳᬶᬘᭂᬦᬶᬂ᭞ᬫᬗ᭄ᬤᬳᬶᬤᬕᬸᬂᬲᬵᬫ᭄ᬧᬸᬭ᭟
᭐᭟ᬓᬮᬶᬄᬗᬢᬸᬭᬂᬧᬯᬶᬓᬦ᭄᭞ᬩ᭄ᬯᬢᬶᬦᬦᬓ᭄ᬕᬮᬸᬄᬮᬮᬶᬲ᭄᭞ᬓᭂᬦᬶᬲᬵᬫ᭄ᬧᬸᬦ᭄ᬓᬤᬸᬭᬸᬲ᭄ᬫᬗ᭄ᬕᬄ᭞ᬳᬶᬧᬢᬶᬄᬕᭂᬮᬶᬲᬸᬫᬢᬸᬃ᭞ᬧᬢᬹᬢ᭄ᬤᬾᬯᬲᬧᬸᬦᬶᬓ᭞ᬢᬶᬢ᭄ᬬᬂᬗᬶᬭᬶᬂ᭞ᬗᬢᬸᬭᬂᬳᬢᬸᬃᬭᬶᬂ
ᬲᬸᬭᬵᬢ᭄᭟᭜᭟ᬭᬶᬂᬳᬶᬤᬦᬭᬾᬦ᭄ᬤ᭄ᬭᬸᬢ᭄ᬭ᭞ᬳᬦ᭄ᬢᬸᬓ᭄ᬢᬶᬢ᭄ᬬᬗᬾᬦᬗᬦᬶᬦ᭄᭞ᬓᭂᬦᬶᬳᬶᬤᬲᬂᬗᬫ᭄ᬧᬸᬭ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬦᬄᬚᬮᬦ᭄ᬓᬓᬜᬸᬭᬵᬢ᭄᭞ᬕᭂᬮᬶ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pakangraras-02-300ppi.pdf/54&oldid=49853"