[᭕᭕ 55B]
᭕᭕᭟
᭐᭟ᬧᬢᬶᬄᬓᬤᬾᬭᬷᬫᬢᬸᬃᬜᭂᬫ᭄ᬩᬄ᭞ᬤᬾᬯᬳᬬᬸᬰ᭄ᬭᬷᬫᬳᬶᬲᬶ᭞ᬲᬵᬫ᭄ᬧᬸᬭᬬᬂᬢᬶᬢ᭄ᬬᬂᬫᭀᬫᭀ᭞ᬲᬧᬸᬦᬶᬓᬓᬲᬸᬫ᭄ᬧᭂᬦᬦ᭄ᬭᬢᬸ᭞ᬗ᭄ᬳᬶᬂᬧᬫᬃᬡ᭄ᬦᬦ᭄ᬫᬦᬄᬢᬶᬢ᭄ᬬᬂ᭞ᬧᬘᬂᬧᬗ᭄ᬕᬶᬄ᭞ᬭᬢᬸᬳᬬᬸᬧᬸᬢ᭄ᬭᬶᬦᬶ
ᬤᬾᬯ᭟᭜᭟ᬦᬗ᭄ᬳᬶᬂᬲᬵᬫ᭄ᬧᬸᬦ᭄ᬫᬭᬩ᭄ᬬᬦ᭄᭞ᬬᬾᬦ᭄ᬤᬶᬚᬳᬶᬤᬫᬮᬶᬗ᭄ᬕᬶᬄ᭞ᬓᬾᬯᬦ᭄ᬢᭂᬦ᭄ᬚ᭄ᬭᭀᬦᬶᬂᬓᬭᬢᭀᬦ᭄᭞ᬕᬕᭂᬮᬂᬮᬦ᭄ᬲᬶᬗ᭄ᬳᬲᬦ᭄ᬢᬸᬦ᭄᭞ᬭᬶᬂᬧᬚᬂᬫ᭄ᬯᬂᬫᬢᬭᬫ᭄᭞ᬭᬢᬸᬲᬫᬶ᭞ᬦᬧᬶᬫᬮᬶᬄ
ᬭᬶᬂᬚᬗ᭄ᬕᬮ᭟᭜᭟ᬲᬫᬶᬳᬶᬤᬫᭂᬗ᭄ᬓᬸᬚᬕᬢ᭄᭞ᬲᬫᬶᬭᬵᬕᬦ᭄ᬤᬲᬂᬳᬚᬶ᭞ᬤᬶᬚᬓᬧᭀᬮᬶᬗ᭄ᬕᬶᬄᬳᬶᬤ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬤ᭄ᬬᬧᬶᬦ᭄ᬤᬶᬚᬤᬶᬚᬕᭂᬦᬳ᭞ᬧᬘᬂᬳᬮᬶᬄ᭞ᬬᬾᬦᬶᬂ
ᬲᬸᬩᬚᬦ᭄ᬢᭂᬦ᭄ᬢᭂᬭᬂ᭟᭜᭟ᬢᬦ᭄ᬓᭀᬘᬧᬦ᭄ᬭᬶᬂᬧᬸᬭᬷᬤᬳ᭞ᬓᬘᬭᬶᬢᬭᬤᬾᬦ᭄ᬫᬦ᭄ᬢ᭄ᬭᬷ᭞ᬮᬸᬗ᭄ᬳᬳᬶᬤᬫᬲᬲᬜ᭄ᬚᬦ᭄᭞ᬲᬃᬯ᭄ᬯᬶᬳᬶᬤᬳᬦᬦᬸᬮᬸᬧ᭄᭞ᬧᬸᬦ᭄ᬢᬚ᭄ᬭᬸᬤᬾᬄᬮᬦ᭄ᬓᬃᬣᬮ᭞ᬧᬥᬗᬶᬭᬶᬂ᭞
[᭕᭖ 56A]
ᬫᬦᬸᬲᬸᬧ᭄ᬓᬤᬾᬰᬤᬾᬰ᭟᭜᭟ᬭᬯᬸᬄᬋᬓᬾᬭᬶᬂᬮ᭄ᬯᬄᬫᬸᬗ᭄ᬕ᭞ᬗᬮᭀᬃᬓᬸᬮᭀᬦᬶᬤᬗ᭄ᬭᬭᬶᬲ᭄᭞ᬭᬯᬸᬄᬋᬓᬾᬭᬶᬂᬭᬾᬧᭀᬕᬾᬫ᭄ᬩᭀᬂ᭞ᬫᬭᬃᬬ᭄ᬬᬦ᭄ᬤᬶᬯᬗᬦ᭄ᬤᬾᬩᭂᬓᬸᬂ᭞ᬓᬲ᭄ᬯᬾᬦᬶᬤᬫᬭᬃᬬ᭄ᬬ᭠
ᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬭᬤᬾᬦ᭄ᬕᬮᬸᬄᬮᬸᬗ᭄ᬳᬫᬲᬶᬭᬫ᭄᭟᭜᭟ᬦᬶᬳᬮᬶᬢ᭄ᬢᬦ᭄ᬲᬄᬗᬶᬭᬶᬗᬂ᭞ᬓᬘᬶᬗᬓ᭄ᬳᬦ᭄ᬢᬸᬓ᭄ᬢ᭄ᬯᬦ᭄ᬫᬦ᭄ᬢ᭄ᬭᬷ᭞ᬭᬭᬶᬲᬶᬤᬗᬦ᭄ᬤᬶᬓᬳᬮᭀᬦ᭄᭞ᬭᬤᬾᬦ᭄ᬕᬮᬸᬄᬢᬦ᭄ᬧᬲᬯᬸᬃ᭞ᬗ᭄ᬳᭂᬮᬶᬂᬲᬂᬳᬶ
ᬤᬫᬫᬃᬕ᭄ᬕ᭞ᬦᬶᬥᬬᬦ᭄ᬳᬮᬶᬢ᭄᭞ᬫᬢᬸᬃᬭᬶᬂᬳᬶᬤᬭᬳᬤ᭄ᬬᬦ᭄᭟᭜᭟ᬳᬶᬗ᭄ᬕᬶᬄᬢᬶᬢ᭄ᬬᬂᬓᬯᬸᬮᬰᬸᬤ᭄ᬭ᭞ᬫᬕᭂᬦᬄᬢᬶᬢ᭄ᬬᬂᬳᬶᬭᬶᬓᬶ᭞ᬗᬶᬭᬶᬂᬤᬦᬾᬧᬫᭂᬓᭂᬮ᭄ᬢᬶᬢ᭄ᬬᬂ᭞ᬳᭀᬓᬦ᭄ᬤᬦᬾᬤᬕᬂᬳᬧᬸ᭞ᬭ
ᬤᬾᬦ᭄ᬫᬦ᭄ᬢ᭄ᬭᬷᬓᬬᬸᬦᬾᬓᬕ᭄ᬬᬢ᭄᭞ᬢᭂᬫ᭄ᬩᬾᬗᬓ᭄ᬱᬶ᭞ᬳᬬᬸᬦᬾᬫᬗᬬᬗᬬᬂ᭟᭜᭟ᬲᭀᬮᬄᬯᬃᬡ᭄ᬦᬢ᭄ᬯᬭᬪᬶᬦ᭞ᬳᬶᬬᬤᬶᬤᬾᬯᬷᬭᬶᬂᬓᬤᬾᬭᬷ᭞ᬮᬾᬦᬾᬢᬸᬦᬬᬦ᭄ᬧᬗᬗ᭄ᬕᭀ᭞ᬦᬄᬚᬦᬶ
Kaca:Bali-lontar-gaguritan-pakangraras-02-300ppi.pdf/56
Kaca puniki sampun kauji-wacén
