Kaca:Bali-lontar-gaguritan-pakangraras-02-300ppi.pdf/48

[᭔᭗ 47B]
᭔᭗᭟
ᬬᬫᬗ᭄ᬕᬯᬾᬩᬶᬓᬲ᭄᭞ᬫᬜᬢ᭄ᬯᬲᬯᬸᬃᬕᬸᬬᬸ᭞ᬢ᭄ᬯᬭᬳᬤᬫᬗᬺᬲᭂᬧᬂ᭞ᬢᬸᬮᬸᬲ᭄ᬮᭂᬫᬶᬕ᭄᭞ᬩᬶᬩᬳᬾᬳᬗ᭄ᬕᭀᬦᬫᬺᬢ᭟᭜᭟ᬳᬦᬾᬢ᭄ᬯᬢᬶᬯᬲᬗᬸᬘᬧ᭄᭞ᬫᬸᬮᬓᬾᬢᭀᬮᬸᬄ
ᬫ᭄ᬯᬦᬶ᭞ᬩᬚᬂᬮᬸᬄᬗᭂᬢᭀᬦ᭄ᬯᭀᬂᬮᬦᬂ᭞ᬢᬸᬃᬭᬸᬧᬦ᭄ᬜᬦᬾᬩᬕᬸᬲ᭄᭞ᬫᬲᬶᬄᬧᭂᬲᬸᬢᬶᬗ᭄ᬓᬄᬩᬶᬦᬮ᭄᭞ᬤ᭄ᬬᬧᬶᬦ᭄ᬫ᭄ᬯᬦᬶ᭞ᬗᭂᬢᭀᬦᬶᬲ᭄ᬢ᭄ᬭᬷᬳᬬᬸᬧ᭄ᬭᬯᬦ᭄᭟᭜᭟ᬓᬮᬶᬂᬓᬾᬳᬦᬓᬾᬫᭂᬮᬄ᭞ᬲᬦ᭄ᬤᬂ
ᬧᬗᬦᬾᬗᬩᬳᬶᬦ᭄᭞ᬳᬦᬾᬢᬶᬯᬲᬶᬸᬂᬲ᭄ᬧᬳᭂᬦ᭄ᬤᭀᬦᬦ᭄᭞ᬢᬦᬶᬕᭀᬩᬕᭂᬦᭂᬧᬳᬸᬓᬸᬤ᭄᭞ᬫᬲᬶᬄᬬᬫᬩᬶᬓᬲ᭄ᬩᬶᬦᬮ᭄᭞ᬓᬤᬾᬦᬧᬗᬶᬤ᭄᭞ᬭᬹᬧᬦᬾᬫᬓᭂᬤᬸᬲ᭄ᬤᭀᬫ᭄ᬩ᭟᭜᭟
ᬳ᭄ᬦᭂᬗᬓ᭄ᬦᬢᬧᬸᬦᬶᬓ᭞ᬓᬘᬭᬶᬢᬭᬤᬾᬦ᭄ᬫᬦ᭄ᬢ᭄ᬭᬷ᭞ᬲᬭᬯᬸᬳᬾᬫᬭᬶᬚ᭄ᬭᭀ᭞ᬧᬸᬭᬷᬦᬾᬓᬮᬶᬦ᭄ᬢᬂᬲᬫᬸᬦ᭄᭞ᬫᬶᬭᬶᬩ᭄ᬢ᭄ᬯᬭᬢᬫ᭄ᬧᬓ᭄ᬫᬵᬦᬸᬱ᭞ᬲᬶᬋᬧ᭄ᬲᭂᬧᬶ᭞ᬭᬤᬾᬦ᭄ᬫᬦ᭄ᬢ᭄ᬭᬷᬭᬭᬶᬲ᭄ᬗ
[᭔᭘ 48A]
ᬧᬸᬃᬬ᭄ᬬᬂ᭟᭜᭟ᬧᬋᬓᬦ᭄ᬧᬜ᭄ᬚ᭄ᬭᭀᬯᬦ᭄ᬓᬕ᭄ᬬᬢ᭄᭞ᬗᭂᬢᭀᬦ᭄ᬭᬤᬾᬦ᭄ᬫᬦ᭄ᬢ᭄ᬭᬷᬧ᭄ᬭᬧ᭄ᬢᬶ᭞ᬧᬥᬗᭂᬮᬶᬂᬜᬯᬸᬧ᭄ᬘᭀᬓᭀᬃ᭞ᬢᭀᬂᬫᬤᬬᬢᬶᬢ᭄ᬬᬂᬭᬢᬸ᭞ᬭᬲᬓᬤᬶᬭᬶᬂᬧᬗᬶᬧ᭄ᬬᬦ᭄᭞ᬢᬶᬢ᭄ᬬᬂᬓᬧ
ᬗ᭄ᬕᬶᬄ᭞ᬭᬶᬂᬧᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ᭟᭜᭟ᬩᬶᬩᬶᬳᬚᬷᬦ᭄ᬤᬓᬭᬸᬡ᭞ᬫᬫᭂᬓᬸᬮ᭄ᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬫᬵᬲᬶᬩᬶᬬᬂᬤᬾᬯᬦᬶᬩᬧ᭞ᬲᬳᬶᬘᬮᬶᬤᬾᬯᬦᬾᬤᬸᬫᬸᬦ᭄᭞ᬫᬾᬫᬾᬩᬧᬓᬮᬶ
ᬯᬢᬦ᭄᭞ᬲᭂᬤᬶᬄᬓᬶᬂᬓᬶᬂ᭞ᬧᭂᬢᭂᬂᬍᬫᬄᬫᭂᬲ᭄ᬧᭂᬲ᭄ᬬᬾᬄᬫᬢ᭟᭜᭟ᬧᬜ᭄ᬚᬓ᭄ᬦᬦᬓᬾᬳᭀᬜᬗᬦ᭄᭞ᬓᬮᬶᬄᬧᬸᬗ᭄ᬕᬯᬦᬾᬲᬫᬶ᭞ᬧᬥᬫᬗ᭄ᬭᬸᬭᬸᬄᬫᬭᬶᬂᬳᬮᬲ᭄᭞ᬭᬶᬂᬢᬸᬓᬤ᭄ᬫᬶᬲᬄᬭᬶᬂ
ᬧᬓᬸᬂ᭞ᬫᬲᬶᬄᬦᬦᬓ᭄ᬢᬦ᭄ᬓᬧᭂᬦ᭄ᬤᬓ᭄᭞ᬦᬾᬦᬾᬚᬦᬶ᭞ᬳᬸᬮᬶᬤᬶᬚᬭᬯᬸᬄᬦᬦᬓ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬷᬫᬢᬸᬃᬜᭂᬫ᭄ᬩᬄ᭞ᬩᬶᬬᬂᬰᭀᬭᬶᬕᬸᬭᬸᬳᬚᬷ᭞ᬩᬸᬤᬮ᭄ᬢᬶᬢ᭄ᬬᬂᬲᬓᬶᬂᬤᬳ᭞ᬦᬗ᭄ᬳᬶᬂ