[᭔᭖ 46B]
᭔᭖᭟
ᬳᬮᬲ᭄᭟᭜᭟ᬓᬤᬸᬂᬢ᭄ᬯᬓᬗᭂᬮᬄᬧ᭄ᬬᬦᬓ᭄᭞ᬩᬶᬮᬶᬄᬳᬤᬳᬶᬘᬦ᭄ᬯᬶᬥᬶ᭞ᬤᬦᬾᬓᬬᬸᬦ᭄ᬳᬚᬓ᭄ᬓᬮᬭᬦ᭄᭞ᬫᬜᬫ᭄ᬧᭀᬮᬶᬄᬢᬶᬢ᭄ᬬᬂᬮᬘᬸᬃ᭞ᬳᬗ᭄ᬕᭀᬦ᭄ᬧ᭄ᬬᬦᬓ᭄ᬧᬘᬂᬳᬾᬫᬦ᭄᭞
ᬫᬓᬓᬮᬶᬄ᭞ᬳᬦᬓᬾᬓᬢᬄᬫᬗᬸᬘᬧ᭄᭟᭜᭟ᬩᬶᬩᬶᬢᬶᬢ᭄ᬬᬂᬫᬶᬮᬸᬗᬶᬭᬶᬗᬂ᭞ᬫᬦ᭄ᬢᬸᬓ᭄ᬫᬭᬶᬂᬳᬸᬫᬄᬩᬶᬩᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬤᬶᬚᬮᬦ᭄ᬚᬮᬦ᭄ᬫᬯᬸᬯᬸᬄ᭞ᬳᬤᬚᬦ᭄ᬫᬧᬢᬂᬤᬰ᭞
ᬮᬸᬄᬫ᭄ᬯᬦᬶ᭞ᬢᬺᬱ᭄ᬡᬢᭂᬓᬾᬦ᭄ᬭᬵᬚᬚ᭄ᬯᬶᬢ᭟᭜᭟ᬲᬢᭂᬓᬦᬾᬤᬾᬩᭂᬓᬸᬂᬚᬸᬫᬄ᭞ᬓᬮᬶᬄᬳᬶᬤᬭᬤᬾᬦ᭄ᬤᬾᬯᬷ᭞ᬤᬦᬾᬩᭂᬓᬸᬂᬮᬦᬂᬯᬤᭀᬦ᭄᭞ᬲᬸᬓᬦ᭄ᬳᬶᬥᭂᬧᬾᬓᬮᬗ᭄ᬓᬸᬂ᭞ᬧᬶᬲᬕᬦᬾᬮᬶᬬᬸᬢᭂ
ᬓ᭞ᬫᬦᭂᬮᭀᬓᬶᬦ᭄᭞ᬫᬗᬩᬬᬂᬯ᭄ᬯᬳᬦ᭄ᬤᬄ᭟᭜᭟ᬳᬤᬗᬩᬩᬲᬾᬩᬸᬯᬄ᭞ᬗᬩᬢᭂᬫᬓᭀᬕᬫ᭄ᬩᬶᬃ᭞ᬳᬤᬫᬗᬩᬯᭀᬄᬯᭀᬳᬦ᭄᭞ᬲᬾᬬᭀᬲ᭄ᬗᬩᬩ᭄ᬭᬲ᭄ᬮᬶᬬᬸ᭞ᬳ
[᭔᭗ 47A]
ᬤᬗᬩᬲᬶᬬᬧᬸᬓᬸᬤᬦ᭄᭞ᬮᬸᬄᬫ᭄ᬯᬦᬶ᭞ᬳᬤᬗᬩᬧᬘᬂᬚᬗᬦ᭄᭟᭜᭟ᬳᬤᬭᬶᬸᬂᬭᬧᭀᬢ᭄ᬫᬜᬓᬦᬂ᭞ᬳᬤᬓᬢᬄᬫᬗᭂᬦᭂᬫᬶᬦ᭄᭞ᬗᬶᬭᬶᬂᬳᬶᬤᬭᬵᬚᬚ᭄ᬯᬶᬢ᭞ᬳᬤᬗᭀᬫᭀᬂ
ᬭᬶᬂᬤᬾᬩᭂᬓᬸᬂ᭞ᬘᬸᬘᬸᬤ᭄ᬫᬦᬓᭀᬦᬂᬧᬭᬩ᭄᭞ᬦᬶᬓᬶᬩᬶᬩᬶ᭞ᬲᬧᬲᬶᬭᬋᬓᬾᬧᬭᬩ᭄ᬜ᭟᭜᭟ᬤᬾᬩᭂᬓᬸᬂᬮᬸᬄᬫᬗᬸᬘᬧ᭄᭞ᬢ᭄ᬬᬂᬫᬭᬩᬶᬦ᭄ᬤᬦᬾᬚᬦᬶ᭞ᬕᬸᬲ᭄ᬢᬶᬫᬥᬾᬯᬦᬲᭂᬓᬃ᭞ᬤᬾᬦᬶᬂ
ᬪᬕ᭄ᬬᬦᬾᬫᬫᬸᬧᬸ᭞ᬤᬶᬳᬮᬲᬾᬫᬓᬮᬶᬳᬦ᭄᭞ᬦᬾᬳᬲᬶᬓᬶ᭞ᬫᬯᬱ᭄ᬝᬦᬶᬫᬥᬾᬕᬸᬮ᭟᭜᭟ᬤᬤᬶᬳᭀᬃᬣᬦᬾᬫᬫ᭄ᬩᬸᬭᬦ᭄᭞ᬤᬾᬩᭂᬓᬸᬂᬦᬸᬤᬸᬓ᭄ᬟᬥᬭᬷ᭞ᬧᬶᬲᬕᬦᬾᬧᬥᬳᬶᬬᭀᬂ
᭞ᬧᬲᬸᬩᬶᬦᬮ᭄ᬩᭂᬮᭀᬕᬚᬸᬫ᭄᭞ᬫᬗ᭄ᬤᬾᬦ᭄ᬜᬫᬧᬗᬗ᭄ᬕᭀᬳᬜᬃ᭞ᬫᬯᬗᬶᬯᬗᬶ᭞ᬫᬗ᭄ᬲᬶᬕᭂᬦᬄᬓᬋᬧᬦ᭄᭟᭜᭟ᬓᬤᬶᬮᬃᬯ᭄ᬯᬫᬗ᭄ᬕᬶᬄᬲᬸᬯᬃ᭞ᬩᬸᬓᬜᬯᬦᬾᬗᬩᬩᬶᬦ᭄᭞ᬧᬥ
Kaca:Bali-lontar-gaguritan-pakangraras-02-300ppi.pdf/47
Kaca puniki sampun kauji-wacén
