[᭔᭕ 45B]
᭔᭕᭟
ᬚ᭄ᬯᬶᬢ᭟᭜᭟ᬓᬲᭂᬗ᭄ᬕᬸᬄᬅᬧ᭄ᬲᬭᬷᬓᬾᬦ᭄ᬤ᭄ᬭ᭞ᬭᬭᬶᬲ᭄ᬕᭂᬮᬶᬲ᭄ᬫᬦᬫ᭄ᬧᭂᬓᬶᬦ᭄᭞ᬢᬸᬫᬸᬮᬶᬫᬰᬩ᭄ᬤᬗᬲᭀᬃ᭞ᬲᬧᬲᬶᬭᬚ᭄ᬯᬳᬶᬭᬢᬸ᭞ᬢᬶᬢ᭄ᬬᬂᬦᬸᬦᬲ᭄ᬧᬗᬦ᭄ᬤᬶᬓ᭞ᬤᬾᬯᬕᬸᬲ᭄ᬢᬶ
᭞ᬭᬤᬾᬦ᭄ᬤᬾᬯᬶᬫᬗᬦ᭄ᬤᬶᬓ᭟᭜᭟ᬢᬶᬢ᭄ᬬᬂᬯᭀᬂᬲᬸᬦᬦ᭄ᬢᬭ᭞ᬦᬵᬭᬓᬧᬵᬧᬓᬲ᭄ᬬᬲᬶᬄ᭞ᬢ᭄ᬯᬭᬦᬯᬂᬫᬾᬫᬾᬩᬧ᭞ᬢᬦ᭄ᬳᬾᬮᬶᬂᬭᬶᬂᬲᬗ᭄ᬓᬦᬾᬫᬮᬸ᭞ᬓᬲᬲᬃᬤᬶᬢᭂᬗᬄᬳᬮ
ᬲ᭄᭞ᬲᬸᬓᬫᬢᬶ᭞ᬓᬮᬭᬩᬳᬦ᭄ᬬᬫᬤᬶᬩᬮ᭟᭜᭟ᬤᬾᬩᭂᬓᬸᬂᬲᭂᬫᬸᬓᬭᬸᬡ᭞ᬫᬗ᭄ᬭᬸᬗᬸᬦ᭄ᬤᬶᬓᬦ᭄ᬢᬸᬯᬦ᭄ᬤᬾᬯᬷ᭞ᬢᬸᬫᬸᬮᬶᬫᬰᬩ᭄ᬤᬳᬮᭀᬦ᭄᭞ᬬᬾᬦ᭄ᬓᬬᬸᬦᬶᬕᬸ
ᬲ᭄ᬢᬶᬫᬦ᭄ᬢᬸᬓ᭄᭞ᬓᬦᬵᬕᬭᬚᬸᬫᬄᬢᬶᬢ᭄ᬬᬂ᭞ᬕᬸᬲ᭄ᬢᬶᬫᬮᬶᬗ᭄ᬕᬶᬄ᭞ᬲᬋᬂᬢᬶᬢ᭄ᬬᬂᬲᬸᬓᬤᬸᬄᬓ᭟᭜᭟ᬭᬤᬾᬦ᭄ᬕᬮᬸᬄᬲᬯᬂᬳᭀᬮᬲ᭄᭞ᬭᬶᬂᬳᬢᬸᬃᬤᬾᬩᭂᬓᬸᬂᬫᬦᬶᬲ᭄᭞ᬢᬸᬫᬸ
[᭔᭖ 46A]
ᬮᬶᬗᬦ᭄ᬤᬶᬓᬳᬮᭀᬦ᭄᭞ᬳᬶᬗ᭄ᬕᬶᬄᬫᬾᬫᬾᬢᬶᬢ᭄ᬬᬂᬫᬶᬢᬸᬭᬹᬢ᭄᭞ᬬᬾᬦᬶᬂᬫᬾᬫᬾᬢᬸᬳᬸᬲᬸᬓ᭞ᬫᬫᬸᬧᭀᬦᬶᬦ᭄᭞ᬫᬗᬓ᭄ᬯᬶᬦ᭄ᬢᬶᬢ᭄ᬬᬂᬧ᭄ᬬᬦᬓ᭄᭟᭜᭟ᬤᬾᬩᭂᬓᬸᬂᬲᬸᬓᬓᬮᬶᬯᬢ᭄
᭞ᬅᬃᬱᬦᬾᬮᬸᬄᬫ᭄ᬯᬦᬶ᭞ᬢᬸᬫᬸᬮᬶᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬧᬜ᭄ᬚ᭄ᬭᭀᬯᬦᬾᬢᬦ᭄ᬲᬄᬭᬶᬂᬧᬸᬗ᭄ᬓᬸᬃ᭞ᬧᬫᬃᬕ᭄ᬕᬶᬦᬾᬲᬋᬂᬧᬢ᭄ᬧᬢ᭄᭞ᬫᬗ᭄ᬭᬶᬳᬶᬦᬶᬦ᭄᭞ᬤᬦᬾᬩᭂᬓᬸᬮᬸᬄᬫᬚᬮᬦ᭄᭟᭜᭟ᬤᬾᬩᭂᬓᬸᬂᬓᬓᬸᬂ
ᬧᬫᬸᬦ᭄ᬢᬢ᭄᭞ᬤᬶᬢᭂᬗᬄᬭᬳᬤᬾᬦ᭄ᬤᬾᬯᬷ᭞ᬲᬢᭂᬓᬦᬾᬭᬶᬂᬤᬾᬰᬋᬓᭀ᭞ᬓᬢᬄᬳᬦᬓᬾᬓᬧᬗ᭄ᬕᬸᬄ᭞ᬮᬸᬄᬫ᭄ᬯᬦᬶᬓᬕᬯᭀᬦᬦ᭄᭞ᬫᬦᬶᬗ᭄ᬳᬮᬶᬦ᭄᭞ᬭᬶᬂᬯᬃᬡ᭄ᬦᬦᬾᬭᬵᬚᬚ᭄ᬯᬶᬢ᭟᭜᭟ᬧᬩᬶ
ᬲᬶᬓ᭄ᬢᭂᬓᬾᬦᬶᬂᬢᬶᬫ᭄ᬧᬮ᭄᭞ᬳᬤᬮᬸᬘᬸᬫᬦᬫ᭄ᬧᭂᬓᬶᬦ᭄᭞ᬢᭂᬓᬾᬦ᭄ᬤᬾᬩᭂᬓᬸᬂᬫᬢᬓᭀᬦ᭄᭞ᬳᭂᬜᬾᬦ᭄ᬳᭂᬦᬾᬢᬶᬢ᭄ᬬᬂᬢᬦ᭄ᬤ᭄ᬭᬸᬄ᭞ᬳᬶᬤᬕᬂᬳᬧᬸᬄᬦᬸᬯᬸᬭᬂ᭞ᬦᬶᬓᬶᬜᬳᬶ᭞ᬢ᭄ᬬᬂᬦᬸᬤᬸᬓ᭄ᬢᭂᬗᬳᬶᬂ
Kaca:Bali-lontar-gaguritan-pakangraras-02-300ppi.pdf/46
Kaca puniki sampun kauji-wacén
