[᭔᭔ 44B]
᭔᭔᭟
ᬫᬃᬕ᭄ᬕᬶ᭞ᬕᬸᬲ᭄ᬢᬶᬧᬢᬶᬄᬓᬧᭂᬦ᭄ᬤᬓ᭄ᬤᬶᬚ᭟᭜᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬯᬬᬦ᭄ᬲᬤᬕᬢᬶ᭞ᬳᬶᬓᬾᬫᬸᬤ᭄ᬫᬳᬢᬸᬃᬳᬮᭀᬦ᭄᭞ᬢᬶᬢ᭄ᬬᬂᬧᬋᬓ᭄ᬭᬶᬂᬳᬶᬭᬢᬸ᭞ᬲᬂᬧ᭄ᬭᬪᬸᬫᬗ᭄ᬤᬶᬓᬬᬂ᭞ᬓᭂ
ᬦᬶᬕᭂᬮᬶᬲ᭄᭞ᬳᬶᬭᬢᬸᬫᬗ᭄ᬓᬶᬦ᭄ᬓᬧᬸᬭ᭟᭜᭟ᬳᬶᬧᬢᬶᬄᬕᭂᬮᬶᬲ᭄ᬗᬧᬸᬭᬶᬬᬂ᭞ᬭᬭᬶᬲ᭄ᬧᬋᬓ᭄ᬭᬶᬂᬲᬂᬳᬚᬷ᭞ᬲᬂᬦᬵᬣᬗᬦ᭄ᬤᬶᬓᬕᬾᬲᭀᬄ᭞ᬓᬓᬧᬢᬶᬄᬳᬧᬂᬢᬳᬸ᭞ᬦᬦᬓ᭄ᬕᬮᬸᬄᬬᬳᬶ
ᬮᬂ᭞ᬳᬸᬮᬶᬤᬶᬦᬶ᭞ᬚᬦᬶᬓᬓᬩᬋᬂᬜᭂᬋᬧᬂ᭟᭜᭟ᬳᬶᬧᬢᬶᬄᬫᬢᬸᬃᬲᬦ᭄ᬤᬶᬓ᭞ᬢᬸᬫᬸᬮᬶᬭᬭᬶᬲ᭄ᬫᬧᬫᬶᬢ᭄᭞ᬳᬶᬧᬢᬶᬄᬫᬫᬃᬕ᭄ᬕᬶᬗᬶᬸᬂᬜᭂᬋᬧᬂ᭞ᬓᬤᬾᬰᬤᬾᬰᬜᬮᬸᬓ᭄ᬱᬸᬓ᭄᭞ᬯ᭄ᬯᬂ
ᬚ᭄ᬭᭀᬦᬾᬩᬋᬂᬜᬮᬓ᭄ᬱᬓ᭄᭞ᬫᬗᬮᬶᬳᬶᬦ᭄᭞ᬭᬶᬂᬤᬾᬰᬭᬶᬂᬢᬫᬦ᭄ᬢᬫᬦ᭄᭟᭜᭟ᬕᬾᬕᬾᬃᬲᬫᬶᬓᬢᬳᬸᬭᬕ᭄᭞ᬧᬜ᭄ᬚᬓ᭄ᬤᬳᬮᬸᬄᬫ᭄ᬯᬦᬶ᭞ᬧᬥᬜᬮᬸᬦ᭄ᬱᬸᬓ᭄ᬫᬢᬓᭀᬦ᭄᭞
[᭔᭕ 45A]
ᬲᬫᬶᬢ᭄ᬯᬭᬤᬫᬫᬗ᭄ᬕᬸᬄ᭞ᬰ᭄ᬭᬷᬧ᭄ᬭᬫᬾᬰ᭄ᬯᬭᬷᬓᬵᬦ᭄ᬢᬓ᭞ᬳᬦ᭄ᬢᬸᬓ᭄ᬲᭂᬤᬶᬄ᭞ᬓᬮᬶᬄᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭟᭜᭟ᬲᬤᬕᬶᬂᬧᬸᬭᬶᬓᬭᬸᬡ᭞ᬕᬾᬕᬾᬃᬕᬸᬂᬫᬸᬭᬸᬄᬭᬶᬂᬧᬸᬭᬷ᭞ᬫᬶᬯᬄᬫᬭᬶᬂᬚ
ᬩᬚᬩ᭞ᬧ᭄ᬭᬫᬗ᭄ᬓᬶᬦ᭄ᬧᬲᬭᬾᬲᬫᬸᬦ᭄᭞ᬢ᭄ᬯᬭᬳᬤᬫᭂᬤᬮ᭄ᬤᬕᬂ᭞ᬲᬶᬋᬧ᭄ᬲᭂᬧᬶ᭞ᬗᬗᭂᬦᬶᬤᬭᬵᬚᬚ᭄ᬯᬶᬢ᭟᭜᭟ᬢᬦ᭄ᬓᭀᬘᬧ᭄ᬲᭂᬤᬶᬳᬾᬭᬶᬂᬤᬳ᭞ᬓᬘᬭᬶᬢᬭᬤᬾᬦ᭄ᬤᬾᬯᬷ᭞
ᬓᬭᬶᬳᬶᬤᬢᭂᬗᬳᬶᬂᬳᬮᬲ᭄᭞ᬧᬓᬓᬮᬶᬳᬦᬶᬤᬮᬸᬫᬓᬸ᭞ᬲᬵᬫ᭄ᬧᬸᬦ᭄ᬫᬦᬫ᭄ᬧᭂᬓᬶᬦ᭄ᬤᬾᬰ᭞ᬭᬶᬂᬧᬦᭂᬧᬶ᭞ᬤᬶᬢᬸᬋᬓᬾᬳᬶᬤᬫᬭᬃᬬ᭄ᬬᬦ᭄᭟᭜᭟ᬳᬦᬢᬫᬮᬶᬄᬓᭀ
ᬘᬧᬦ᭄᭞ᬯᭀᬂᬚᬗ᭄ᬕᬮᬮᬸᬄᬫ᭄ᬯᬦᬶ᭞ᬚᬦ᭄ᬫᬢᬶᬯᬲ᭄ᬦᬶᬃᬲᬦ᭄ᬢᬦ᭞ᬕᬕᬯᬾᬦᬾᬗᬤᭀᬮᬧᬸᬄ᭞ᬲᭂᬥᭂᬓ᭄ᬫᬗᬮᬶᬄᬤᭀᬦ᭄ᬤᭀᬦᬦ᭄᭞ᬓᬮᬂᬳᬶᬤᬶᬂ᭞ᬓᬕ᭄ᬬᬢ᭄ᬗᭂᬢᭀᬦ᭄ᬭᬚ
Kaca:Bali-lontar-gaguritan-pakangraras-02-300ppi.pdf/45
Kaca puniki sampun kauji-wacén
