[᭔᭓ 43B]
᭔᭓᭟
ᬳᬦ᭄ᬤᬭᬸᬂ᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬭᬶᬂᬦᬵᬕᬭ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬯᬯᭂᬗ᭄ᬓᬦ᭄ᬳᬮᬲ᭄ᬚᬗ᭄ᬕᬮ᭟᭜᭟ᬢᬦ᭄ᬘᬭᬶᬢᬫᬭᬶᬂᬳᬮᬲ᭄᭞ᬓᬯᬸᬯᬸᬲᬦ᭄ᬭᬶᬂᬓᬤᬾᬭᬶ᭞ᬲᬤᬕᬶᬂᬧᬸᬭᬶᬦᬾᬋᬓᭀ᭞ᬦ᭄ᬢᬾᬗᭂᬫ᭄ᬩᬦ᭄ᬭ
ᬤᬾᬦ᭄ᬕᬮᬸᬄ᭞ᬓᬧᬲᬶᬭᬦ᭄ᬧᬗᬸᬦᭂᬗᬦ᭄᭞ᬩᬬ᭄ᬲᬗ᭄ᬳᬶᬢ᭄᭞ᬩᬗᬸᬦ᭄ᬲᬵᬫ᭄ᬧᬸᬦ᭄ᬢᭂᬕᭂᬄᬲᬹᬃᬬ᭄ᬬ᭟᭜᭟ᬦᬶᬗᬶᬦ᭄ᬢᬾᬗᭀᬚᭀᬕ᭄ᬓᬧᬫᬺᬫᬦ᭄᭞ᬳᬸᬫᬢᬸᬃᬚᬩᬦᬶᬂᬓᭀᬭᬶ᭞ᬭᬢᬸᬳᬬᬸᬕᬸᬲ᭄ᬢᬶ᭠
ᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬮᭂᬫᬄᬦᬸᬦᬲ᭄ᬫᬯᬸᬗᬸ᭞ᬗᬶᬭᬶᬂᬓᬢᬫ᭄ᬫᬲᬶᬭᬫ᭄᭞ᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬤᬾᬯᬳᬬᬸᬦᬸᬦᬲ᭄ᬓᬾᬫᭂᬤᬮ᭄᭟᭜᭟ᬲᬸᬯᬾᬢ᭄ᬯᬭᬓᬯᬸᬭᬦ᭄᭞ᬦᬶᬧᬗᬶᬦ᭄ᬢᬾᬫᬫᬳᭂ
ᬓᬶᬦ᭄᭞ᬫᬗ᭄ᬭᬭᬶᬲ᭄ᬗᬫ᭄ᬧᬓ᭄ᬮᬯᬗᬦ᭄᭞ᬭᬤᬾᬦ᭄ᬤᬾᬯᬷᬢ᭄ᬯᬭᬓᬦ᭄ᬢᬸᬦ᭄᭞ᬦᬶᬧᬗᬶᬦ᭄ᬢᬾᬕᭂᬮᬶᬲ᭄ᬫᬢᬸᬮᬓ᭄᭞ᬲᬤᬕᬶᬧᬶᬄ᭞ᬫᬗ᭄ᬭᬭᬶᬲ᭄ᬓᬧᬲᬶᬭᬫᬦ᭄᭟᭜᭟ᬫᬲᬶᬄᬢᬦᬶᬤ
[᭔᭔ 44A]
ᬫᬲᬶᬭᬫ᭄᭞ᬦᬶᬗᬶᬦ᭄ᬢᬾᬫᬯᬗ᭄ᬲᬸᬮ᭄ᬕᭂᬮᬶᬲ᭄᭞ᬦᬶᬗᭂᬫ᭄ᬩᬦ᭄ᬫᬢᭂᬫᬸᬫᬢᬓᭀᬦ᭄᭞ᬤᬶᬚᬳᬶᬤᬭᬤᬾᬦ᭄ᬕᬮᬸᬄ᭞ᬦᬶᬗᬶᬦ᭄ᬢᬾᬭᬭᬶᬲ᭄ᬳᬗᬸᬘᬧ᭄᭞ᬢᬦ᭄ᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬗᬮᬶᬄᬫᬳᬶᬍᬳᬦ᭄
᭟᭜᭟ᬚᬦᬶᬤᬶᬚᬳᬮᬶᬄᬳᬶᬤ᭞ᬦᬶᬲᬗ᭄ᬳᬶᬢ᭄ᬓᬲᬸᬲᬸᬗᬚᬓᬶᬦ᭄᭞ᬫᬃᬕ᭄ᬕᬶᬫᬢᬸᬃᬭᬶᬂᬲᬂᬦᬵ᭠ᬣ᭞ᬢᬸᬫᬸᬮᬶᬫᬫᬋᬓ᭄ᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬳᬧᬓᬮᬶᬄ᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬫᬢᬸᬃᬜᭂ
ᬫ᭄ᬩᬄ᭟᭜᭟ᬳᬶᬗ᭄ᬕᬶᬄᬤᬾᬯᬢᬶᬢ᭄ᬬᬂᬗᬸᬦᬶᬗ᭞ᬢᬸᬯᬦ᭄ᬤᬾᬯᬷᬢᬦ᭄ᬓᬧᬗ᭄ᬕᬶᬄ᭞ᬳᬶᬘᬮ᭄ᬲ᭠ᬓᬾᬂᬧᬫᬺᬫᬦ᭄᭞ᬢᭂᬮᬲ᭄ᬳᬦ᭄ᬢᬓ᭄ᬢᬶᬢ᭄ᬬᬂᬫᬗ᭄ᬭᬸᬭᬸᬄ᭞ᬚ᭄ᬭᭀᬦᬶᬂᬧᬸᬭᬷᬢᬦ᭄ᬓᬧᬗ᭄ᬕᬶᬳ᭞ᬰ᭄ᬭᬷᬪᬹᬧᬢᬶ᭞ᬕᭂ
ᬮᬶᬲᬶᬤᬫᬗᬦ᭄ᬤᬶᬓ᭟᭜᭟ᬓᬾᬫᬸᬤ᭄ᬓᭂᬫᬚᬦᬶᬓᬚᬩ᭞ᬳᬢᬸᬭᬶᬦᬶᬓᬓᬧᬢᬶᬄ᭞ᬳᬧᬂᬳᬾᬗ᭄ᬕᬮ᭄ᬫᬳᬶᬢᭂᬓ᭞ᬳᬶᬓᬾᬫᬸᬤ᭄ᬕᭂᬮᬶᬲᬸᬫᬢᬸᬃ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬕᭂᬮᬶᬲ᭄ᬫ
Kaca:Bali-lontar-gaguritan-pakangraras-02-300ppi.pdf/44
Kaca puniki sampun kauji-wacén
