[᭔᭘ 48B]
᭔᭘᭟
ᬫᬃᬕ᭄ᬕᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬧᬫᬦ᭄ᬧᬢᬶᬄᬗᬫᬢ᭄ᬬᬂ᭞ᬢᬶᬢ᭄ᬬᬂᬲᬶᬲᬶᬧ᭄᭞ᬭᬶᬂᬳᬶᬤᬳᬶᬩᬧᬦᬵᬣ᭟᭜᭟ᬲᬶᬲᬶᬧ᭄ᬢᬶᬢ᭄ᬬᬂᬢᬦ᭄ᬓᭂᬦᬾᬂᬳᬃᬕ᭄ᬕᬦ᭄᭞ᬓᬮᬶᬄᬢᬶᬢ᭄ᬬᬂᬫᬗ᭄ᬮᬶᬜᭀᬓᬶᬦ᭄᭞
ᬢᬶᬢ᭄ᬬᬂᬗᬓᬸᬚᬦ᭄ᬫᬰᬸᬤ᭄ᬭ᭞ᬫᬮᬶᬄᬢᬶᬢ᭄ᬬᬂᬮᬶᬦ᭄ᬢᬂᬮᬸᬘᬸ᭞ᬢᬶᬗ᭄ᬓᬄᬢᬶᬢ᭄ᬬᬂᬮᬶᬦ᭄ᬢᬂᬘᭂᬓᬧ᭄᭞ᬭᬶᬂᬳᬶᬬᬤᬶ᭞ᬫᬗᬫ᭄ᬩᬶᬮ᭄ᬲᭂᬓᬃᬭᬶᬂᬓᬃᬡ᭄ᬦ᭟᭜᭟ᬭᬭᬶᬲ᭄ᬢᬶᬢ᭄ᬬᬂᬫᬜᭂᬓᬭᬂ᭞ᬓᬢᬄᬧᬜ᭄ᬚ᭄ᬭᭀ
ᬯᬦᬾᬳᬸᬦᬶᬂ᭞ᬭᬶᬂᬢᬶᬗ᭄ᬓᬄᬢᬶᬢ᭄ᬬᬗᬾᬮᬗ᭄ᬖ᭄ᬬ᭞ᬓᬢᬸᬃᬭᬶᬂᬳᬶᬩᬧᬧ᭄ᬭᬪᬸ᭞ᬦᬶᬓᬫᬃᬕ᭄ᬕᬦ᭄ᬢᬶᬢ᭄ᬬᬂᬧᭂᬚᬄ᭞ᬓᬧᭀᬓᬯᬶ᭞ᬗᬯᬗ᭄ᬤᬾᬬᬂᬢᬶᬢ᭄ᬬᬂᬧᭂᬚᬄ᭟᭜᭟ᬓᬮᬶᬄᬳᬶᬬᬤᬶᬮᬶᬦ᭄ᬢᬂᬢᬺᬱ᭄ᬡ᭞
ᬢᬶᬢ᭄ᬬᬂᬭᬭᬶᬲ᭄ᬓᬯᬱ᭄ᬝᬦᬶᬦ᭄᭞ᬳᬶᬫᬥᬾᬧᬓᬂᬭᬭᬲ᭄᭞ᬧᬋᬓᬦ᭄ᬧᬜ᭄ᬚ᭄ᬭᭀᬲᬦ᭄ᬤᬶᬢᬸ᭞ᬫᬦᭂᬩᬄᬩᬲᬭᬶᬢᬶᬢ᭄ᬬᬂ᭞ᬮᬸᬄᬫ᭄ᬯᬦᬶ᭞ᬰ᭄ᬭᬷᬧ᭄ᬭᬫᬶᬰ᭄ᬯᬭᬗᬦ᭄ᬤᬶᬓ᭟᭜᭟ᬓᬮᬶᬄᬳᬶᬤᬰ᭄ᬭᬶᬦᬭᬾ
[᭔᭙ 49A]
ᬦ᭄ᬤ᭄ᬭ᭞ᬧᬢᬹᬢ᭄ᬦᬦᬓ᭄ᬫᬃᬕ᭄ᬕᬲᬶᬲᬶᬧ᭄᭞ᬭᬶᬂᬧᬫᬦ᭄ᬦᬦᬓ᭄ᬭᬶᬂᬤᬳ᭞ᬫᬧᬦᬶᬤᬢ᭄ᬯᬭᬯ᭄ᬭᬸᬄ᭞ᬦᬦᬓ᭄ᬮᬗ᭄ᬖ᭄ᬬᬢᬸᬃᬗᬓᬸᬰᬸᬤ᭄ᬭ᭞ᬤ᭄ᬬᬧᬶᬦ᭄ᬤᬶᬦᬶ᭞ᬩᬧᬩᬶᬬᬂᬢ᭄ᬯᬭᬢᬢᬲ᭄᭟᭜᭟ᬫᬲᬶᬄᬢ᭄ᬯᬄᬫᬦᬳᬾᬩ᭄ᬭᬵᬳ᭄ᬫ
᭞ᬢᬦ᭄ᬯᬗ᭄ᬤᬾᬩᬧᬫᬢᬾᬦᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬜᬸᬯᬸᬦ᭄᭞ᬧᬗᬦ᭄ᬤᬶᬓᬦ᭄ᬳᬚᬷᬩᬶᬬᬂ᭞ᬮ᭄ᬬᬦ᭄ᬓᬯᬃᬡ᭄ᬦᬾ᭞ᬧᬸᬗ᭄ᬕᬯᬦᬾᬦ᭄ᬤᬶᬗᭂᬄᬳᭀᬃᬣ᭟᭜᭟ᬫᬲᭂᬮᬸᬭᬦ᭄ᬧ
ᬥᬗᬧᬸᬃᬬ᭄ᬬᬂ᭞ᬘ᭄ᬭᬓ᭄ᬓᭂᬮᬶᬄᬮᬦᬂᬳᬶᬲ᭄ᬢ᭄ᬭᬷ᭞ᬳᬾᬩᭂᬓ᭄ᬲᭂᬓ᭄ᬱᭂᬓ᭄ᬭᬶᬂᬓᬭᬢᭀᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬓᬓᬧᬢᬶᬄᬢ᭄ᬬᬂᬫᬶᬤᬃᬣ᭞ᬦᬾᬦᬾᬫᬗ᭄ᬓᬶᬦ᭄᭞ᬢ᭄ᬬᬂᬧᬘᬂᬦᬯᬸᬃᬰᬩ᭄ᬤ᭟᭜
᭟ᬬᬾᬦ᭄ᬪᬕ᭄ᬬᬭᬯᬸᬄᬳᬶᬦᬦᬓ᭄᭞ᬲᬗ᭄ᬕᬸᬧ᭄ᬢᬶᬢ᭄ᬬᬂᬗᬶᬗᬸᬲᬫᬶ᭞ᬫᬦᬸᬯᬸᬃᬳᬶᬤᬧᬭᬦ᭄ᬟ᭞ᬫᬯᬾᬤᬳᬶᬤᬫᬧᬶᬓᬸᬮ᭄᭞ᬗᬶᬍᬳᬶᬦ᭄ᬫᬃᬕ᭄ᬕᬶᬤᬾᬓᭀᬢ᭞ᬧᬸᬗ᭄ᬕᬯᬲᬫᬶ᭞ᬲᭂᬤᬳᬦ᭄ᬫ᭄ᬯᬄᬧᬭᬓᭂ
Kaca:Bali-lontar-gaguritan-pakangraras-02-300ppi.pdf/49
Kaca puniki sampun kauji-wacén
