[᭓᭕ 35B]
᭓᭕᭟
ᬗ᭄ᬓᬶᬮ᭄᭞ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶᬓ᭞ᬳᬧᬓᭀᬚᬭᬦ᭄ᬜᬢᬸᬳᬸ᭞ᬳᬶᬩᬶᬲᬜ᭄ᬚᬦᬶᬭᬦᬶᬤ᭄ᬭ᭞ᬮᬦ᭄ᬢᬲ᭄ᬗᬶᬧᬶ᭞ᬘᬭᬶᬢᬮᬸᬯᬲ᭄ᬓᬢᬫᬦ᭄᭟᭜᭟ᬲᬸᬩᬢᭂᬓᭂᬤ᭄ᬬᬤᬶᬢᬫᬦ᭄᭞ᬓᬮᬗᬾᬦᬾᬢᬦ᭄ᬲᬶᬦᬶ
ᬧᬶ᭞ᬢᬸᬜ᭄ᬚᬸᬗᬾᬫᬭᬹᬧᬓᬯᭀᬢ᭄᭞ᬓᬭᬵᬕᬦ᭄ᬦᬶᬭᬳᬦ᭄ᬤᬸᬮᬸ᭞ᬮᬦ᭄ᬢᬲ᭄ᬦᬶᬭᬕᭂᬮᬶᬲ᭄ᬗᬮᬧ᭄᭞ᬫᬗᬾᬤᬦᬶᬦ᭄᭞ᬓᭀᬘᬧ᭄ᬢᬜ᭄ᬚᬸᬂᬦᬶᬮᬓᬺᬱ᭄ᬡ᭟᭜᭟ᬮᬦ᭄ᬢᬲ᭄ᬦᬶᬭᬫᬜᭂᬓᬭᬂ᭞ᬢᭂᬓᬕᭀᬯ
ᬓᬾᬫᬜᬦ᭄ᬤᭂᬭᬶᬦ᭄᭞ᬫᬜᬾᬢ᭄ᬲᬾᬢ᭄ᬩᬸᬗ᭄ᬳᬦᬾᬋᬓᭀ᭞ᬓᬕ᭄ᬬᬢ᭄ᬦᬶᬭᬤᬤᬶᬩᬗᬸᬦ᭄᭞ᬦᬶᬩᬬᬦ᭄ᬯ᭄ᬭᬸᬳᬶᬂᬢᬶᬗ᭄ᬓᬄ᭞ᬫᬢᬸᬃᬳᬭᬶᬲ᭄᭞ᬳᬶᬘᬳᬶᬭᬢᬸᬗᬫ᭄ᬧᬸᬭ᭟᭜᭟ᬯᬾᬦ᭄ᬢᭂᬦᬺᬓᬾᬢᬸᬢᬸᬭᬦ᭄ᬜ᭞
ᬓᭀᬘᬧ᭄ᬤᭀᬬᬦ᭄ᬧᭂᬕᬢᬦ᭄ᬲᬶᬄ᭞ᬭᬤᬾᬦ᭄ᬕᬮᬸᬄᬦᬦᭂᬂᬩᭂᬗᭀᬂ᭞ᬫᬘᭂᬮᭀᬲ᭄ᬳᬢᬶᬦᬾᬳᬶᬩᬸᬓ᭄᭞ᬳᬾᬮᬶᬂᬢᭂᬓᬾᬦ᭄ᬧᬳᬶᬗᭂᬢᬦ᭄᭞ᬗ᭄ᬭᬲᬾᬂᬳᬢᬶ᭞ᬢᬦᬸᬭᬸᬂᬫᬗ᭄ᬕᬶᬄᬲᬗ᭄ᬲᬭ᭟᭜
[᭓᭖ 36A]
᭟ᬭᬭᬶᬲᬶᬤᬫᬗᬦ᭄ᬤᬶᬓ᭞ᬓᬓᬩᬬᬦ᭄ᬓᭂᬫᬳᬮᬶᬄ᭞ᬳᬶᬧᬓᬂᬭᬭᬲ᭄ᬤᬶᬚᬩ᭞ᬦᬶᬩᬬᬦ᭄ᬭᬭᬶᬲ᭄ᬮᬸᬫᬓᬸ᭞ᬲᬢᭂᬓᬦᬾᬩᬬᬦᬗᬸᬘᬧ᭄᭞ᬲᬤᬕᬢᬶ᭞ᬗᬯᬸᬓᬶᬦᬶᬧᬓᬂᬭᬭᬲ᭄᭟᭐
᭟ᬘᬳᬶᬫᬥᬾᬧᬓᬂᬭᬭᬲ᭄᭞ᬘᬳᬶᬦ᭄ᬤᬶᬓᬬᬂᬓᬧᬸᬭᬷ᭞ᬳᬦ᭄ᬢᬸᬓᬶᬤᬭᬵᬚᬚ᭄ᬯᬶᬢ᭞ᬓᬲ᭄ᬯᬾᬦ᭄ᬢ᭄ᬯᬭᬫᬲᬯᬸᬢ᭄᭞ᬦᬶᬩᬬᬦ᭄ᬗᬫ᭄ᬧᬓ᭄ᬚᭂᬮᬦᬦ᭄᭞ᬢᬦ᭄ᬧᬓᬜ᭄ᬚᬶᬂ᭞ᬦᬶᬩᬬᬦ᭄ᬮᬦ᭄ᬢᬲ᭄ᬫᬸᬮ᭄ᬬᬦ᭄᭟᭜᭟
ᬲᬵᬫ᭄ᬧᬸᬦ᭄ᬦᬶᬩᬬᬦ᭄ᬚᬸᬫᬳᬦ᭄᭞ᬗ᭄ᬭᬾᬕᬂᬮᬗ᭄ᬲᬾᬫᬜᭂᬳᭂᬩᬶᬦ᭄᭞ᬦᬾᬤᬶᬢ᭄ᬯᬭᬤᬚᬸᬫᬄ᭞ᬧᬲᭂᬫᭂᬗᬦ᭄ᬲᬸᬩᬫᬗ᭄ᬕᬶᬸᬂᬗᬗ᭄ᬕᬸᬃ᭞ᬫᬶᬭᬶᬩ᭄ᬲᬸᬩᬳᬶᬩᬶᬲᬜ᭄ᬚ᭞ᬬᬫᬕᭂᬤᬶ᭞ᬢᬦ᭄ᬯᬗ᭄ᬤᬾᬫᬦᬶᬗ᭄ᬕ
ᬮ᭄ᬤᬾᬰ᭟᭜᭟ᬦᬶᬩᬬᬦ᭄ᬭᬭᬭᬶᬲ᭄ᬫᬢᬸᬮᬓ᭄᭞ᬫᬢᬸᬃᬭᬶᬂᬭᬳᬤᬾᬦ᭄ᬤᬾᬯᬷ᭞ᬢᬦ᭄ᬯᬾᬦ᭄ᬢᭂᬦ᭄ᬓᬭᬶᬳᬶᬭᬶᬓ᭞ᬳᬶᬩᬲᬦ᭄ᬤᬾᬢᬫ᭄ᬧᬓᬶᬧᬸᬦ᭄᭞ᬧᭂᬥᭂᬫᬦᬶᬧᬸᬦ᭄ᬫᬢᬮᬂ᭞ᬳᭂᬜᭂᬫ᭄ᬮᬢᬶᬕ᭄᭞ᬢ᭄ᬯᬭ᭠
Kaca:Bali-lontar-gaguritan-pakangraras-02-300ppi.pdf/36
Kaca puniki sampun kauji-wacén
