[᭓᭔ 34B]
᭓᭔᭟
ᬯᬪ᭞ᬓᬍᬢᬸᬳᬶᬦ᭄᭞ᬩᬜᭀᬦᬾᬗ᭄ᬭᬜ᭄ᬚᬶᬂᬓᬕ᭄ᬭᬶᬬ᭟ᬲᬮ᭄ᬯᬶᬭᬶᬂᬍᬢᬸᬄᬓᬜᬸ᭠ᬤᬂ᭞ᬳ᭄ᬬᬦᭀᬫ᭄ᬭᬭᬶᬲ᭄ᬗᬯᬭᬳᬶᬦ᭄᭞ᬭᬶᬂᬭᬩᬶᬧᬶᬸᬂᬧᬸᬢ᭄ᬭᬧᭀᬢ᭄ᬭᬓ᭞ᬳᭂᬤᬦᬸᬦᬲ᭄ᬢᬷᬃᬣᬭᬶᬂᬪᬶᬓ᭄ᬱᬸ᭞
ᬢᬷᬃᬣᬍᬢᬸᬄᬧᬶᬘᬬᬂᬳᬶᬤ᭞ᬗᬮᬶᬄᬰᬸᬘᬶ᭞ᬤᬤᬶᬩᬓᬢ᭄ᬢᭀᬬᬫᬮ᭟᭜᭟ᬚᬦᬶᬫᭂᬮᬳᬦ᭄ᬤᬶᬲᬗ᭄ᬕᬄ᭞ᬲᬘᬶᬢᬓᬋᬧᬾᬍᬯᬶᬄ᭞ᬩ᭄ᬯᬾᬦ᭄ᬢ᭄ᬯᬭᬓᬮᬄᬧᬶᬭᬓ᭄᭞ᬤᬤᬶᬳᬸᬦᬶᬂᬳᬶᬤᬲᬂᬫ᭄ᬧᬸ᭞
ᬧᬭᬦ᭄ᬟᬰᬓ᭄ᬢᬶᬦᭀᬯᬪ᭞ᬫᬗ᭄ᬯᬲ᭄ᬢᭀᬦᬶᬦ᭄᭞ᬰᬸᬤ᭄ᬭᬲ᭄ᬬᬦᭀᬫ᭄ᬢᬦ᭄ᬧᬰᬶᬯ᭟᭜᭟ᬓᬢᬄᬳᬦ᭄ᬢᬸᬓᬶᬧᬧᬸᬦ᭄ᬦᬸᬢᬸᬭᬂ᭞ᬢᬶᬗ᭄ᬓᬳᬾᬫᬰᬶᬯᬭᬵᬕᬶ᭞ᬓᬭᬡᬫᬾᬡᬓᬾᬢᬦ᭄ᬳᭀᬕ᭄ᬬ᭞ᬓᬲ
ᬫ᭄ᬩ᭄ᬭᬫᬤᬶᬢᬸᬓᬳᬶᬗᬸ᭞ᬓᬵᬮᬦ᭄ᬜᬦᬾᬫᬲᬸᬓᬤᬸᬄᬓ᭞ᬓᬍᬧᬲᬶᬦ᭄᭞ᬫᬧᬦ᭄ᬲᬸᬩ᭠ᬓᬤᬶᬦ᭄ᬰᬸᬤ᭄ᬭ᭟᭜᭟ᬲᬧᬸᬦᬶᬓᬳᬶᬧᬸᬦ᭄ᬫᬧᬚᬃ᭞ᬲᬤᬾᬭᬾᬗᬾᬳᬶᬧᬸᬦ᭄ᬫᬢᬶ᭞ᬭᬶᬂᬲᬵᬫ᭄ᬧᬦᬶ
[᭓᭕ 35A]
ᬧᬸᬦᬾᬧᭂᬚᬄ᭞ᬳᭂᬭᬄᬳᬶᬧᬸᬦ᭄ᬫᬶᬬᬶᬓ᭄ᬗᬮᬸᬩ᭄᭞ᬫᬶᬬᬶᬓᬾᬗᭂᬩᭂᬓᬶᬦ᭄ᬲᬾᬢ᭄ᬭ᭞ᬰ᭄ᬭᬷᬪᬹᬧᬢᬶ᭞ᬳᬮᭀᬦ᭄ᬫᭂᬤᬮ᭄ᬧᬗᬦ᭄ᬤᬶᬓ᭟᭜᭟ᬓᬓᬳᭂᬤᬫᬗ᭄ᬯᬾᬭᬬᬂ᭞ᬳᬧᬂᬳᭂᬤᬢᬳᬸᬳᬶᬘᭂᬦᬶᬂ᭞ᬳᬶᬧᬢᬶᬄ
ᬳᬸᬫᬢᬸᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬭᬢᬸ᭞ᬳᬶᬗ᭄ᬕᬶᬄᬤᬾᬯᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬢᬸᬃᬫ᭠ᬪᬓ᭄ᬢᬶ᭞ᬕᬸᬲ᭄ᬢᬶᬧᬢᬶᬄᬗ᭄ᬭᬭᬶᬲ᭄ᬩᬸᬤᬮ᭄᭟᭜᭟ᬲᬩᬸᬤᬮᬾᬳᬶᬕᬸᬲ᭄ᬢᬶᬗᬸᬭᬄ᭞ᬲᬂᬧ᭄ᬭᬪᬸᬗ᭄ᬭᬯᭀᬲᬾᬂᬕᬮᬶᬄ᭞
ᬳᭀᬲᭂᬓᬶᬤᬦᬦᭂᬂᬩᭂᬗᭀᬂ᭞ᬧᭂᬤᬲᬤᬳᬦᬓ᭄ᬢᬳᬸ᭞ᬓᬸᬤ᭄ᬬᬂᬚᬦᬶᬫᬗᭂᬗ᭄ᬓᭂᬩᬂ᭞ᬫᬲᬢᬦᬶ᭞ᬦᬦᬓ᭄ᬕᬮᬸᬄᬬᬫᬦᬯᬂ᭟᭜᭟ᬢᬦ᭄ᬓᭀᬘᬧᬶᬤᬲᬂᬦᬵᬣ᭞ᬓᬘᬭᬶᬢᬭᬤᬾᬦ᭄ᬤᬾᬯᬷ᭞ᬲᬸᬩᬍᬫᬄ
ᬧᬲᭂᬫᭂᬗᬦ᭄᭞ᬭᬤᬾᬦ᭄ᬕᬮᬸᬄᬲᬵᬫ᭄ᬧᬸᬦ᭄ᬫᬯᬸᬗᬸ᭞ᬭᬭᬶᬲᬶᬤᬓᬧᬜ᭄ᬘᭀᬭᬦ᭄᭞ᬢᬸᬃᬫᬰᬸᬘᬶ᭞ᬲᬵᬫ᭄ᬧᬸᬦᬶᬤᬯᬸᬲᬦ᭄ᬫᬳ᭄ᬬᬲ᭄᭟᭜᭟ᬫᬮᬶᬗ᭄ᬕᬶᬄᬭᬶᬂᬓᬸᬃᬲᬶᬳᭂᬫᬵᬲ᭄᭞ᬓᬓᬓᬓᬲᬫᬶᬦ᭠
Kaca:Bali-lontar-gaguritan-pakangraras-02-300ppi.pdf/35
Kaca puniki sampun kauji-wacén
