[᭓᭓ 33B]
᭓᭓᭟
ᬭᬢᬯᬂ᭞ᬢ᭄ᬯᬄᬦᬾᬳᬾᬲ᭄ᬢᬶ᭞ᬜᬥ᭄ᬬᬗᬶᬭᬶᬂᬓᬬᬸᬦ᭄ᬲᬂᬦᬵᬣ᭟᭜᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬢᭂᬓᬾᬦᬶᬭᬶᬗᬦᬾᬲᬫᬶ᭞ᬦᬄᬓᬾᬧᬥᬧ᭄ᬭᬕᬢᬂ᭞ᬳᬩᬓᬩᬂᬩᬗᬾ
ᬢᬸᬃᬳᬸᬭᬸᬕ᭄᭞ᬢᭂᬓᬦᬶᬂᬲᬗ᭄ᬕᬃᬮᬳᬧᬦ᭄᭞ᬧᬸᬧᬸᬢ᭄ᬲᬫᬶ᭞ᬲᬧᬭᬓ᭄ᬭᬫᬦ᭄ᬯᭀᬂᬧᭂᬚᬄ᭟᭜᭟ᬢᬦ᭄ᬓᭀᬘᬧᬦ᭄ᬫᬭᬶᬂᬲᬾᬢ᭄ᬭ᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬩᬸᬤᬮ᭄ᬲᬫᬶ᭞ᬧᬥᬫᬗ᭄ᬭᬲᬯᬶᬢᬺ
ᬱ᭄ᬡ᭞ᬧᬚᬮᬦᬾᬗᬦ᭄ᬢᬸᬦᬦ᭄ᬢᬸᬦ᭄᭞ᬢᬦ᭄ᬓᭀᬘᬧ᭄ᬚᬦᬶᬭᬶᬂᬫᬃᬕ᭄ᬕ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬫᬗᭀᬚᭀᬕ᭄ᬭᬭᬶᬲ᭄ᬓᬧᬸᬭ᭟᭜᭟ᬲᬢᭂᬓᬦᬾᬫᬭᬶᬂᬧᬸᬭ᭞ᬲᬂᬧ᭄ᬭᬪᬸᬓᬭᬶᬫᬮᬶᬗ᭄ᬕᬶᬄ᭞ᬲᬂᬦᬵᬣ
ᬗᬦ᭄ᬤᬶᬓᬳᬮᭀᬦ᭄᭞ᬓᬾᬦ᭄ᬓᬾᬦ᭄ᬓᬓᬧᭂᬢᭂᬂᬭᬸᬯᬸᬄ᭞ᬳᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ᭞ᬤᬸᬄᬲᬂᬳᬚᬷ᭞ᬢᬶᬢ᭄ᬬᬂᬦᬸᬦᬲ᭄ᬕᭃᬂᬲᬵᬫ᭄ᬧᬸᬭ᭟᭜᭟ᬳᬶᬗ᭄ᬕᬶᬄᬲᬫ᭄ᬧᬸᬦᬶᬧᬸᬦ᭄ᬧᭂᬚᬄ᭞
[᭓᭔ 34A]
ᬭᬶᬂᬲᬾᬢ᭄ᬭᬤᬳᬳᬶᬭᬶᬓᬶ᭞ᬫᬳᬵᬭᬚᬓᬕ᭄ᬬᬢ᭄ᬗᬦ᭄ᬤᬶᬓ᭞ᬗᬸᬤᬤᬶᬢᬸᬓᬓᬜᬸ᭠ᬤᬸᬓ᭄᭞ᬳᬶᬧᬢᬶᬄᬭᬭᬶᬲ᭄ᬫᬜᬸᬫ᭄ᬩᬄ᭞ᬫᬢᬸᬃᬲᬶᬲᬶᬧ᭄᭞ᬳᬶᬧᬸᬦ᭄ᬫᬫ᭄ᬭᬤᬶᬳᬶᬭᬶᬓ᭟᭜᭟ᬤᬸ
ᬕᬶᬢᬶᬢ᭄ᬬᬂᬫᬦᬢᬲᬂ᭞ᬭᬶᬂᬯᬗ᭄ᬰᬦᬶᬧᬸᬦ᭄ᬯ᭄ᬬᬓ᭄ᬢᬶ᭞ᬳᬶᬧᬸᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬚᬭᬂ᭞ᬫᬮᬶᬄᬢᬶᬢ᭄ᬬᬂᬜᭂᬲᭂᬤᬶᬧᬸᬦ᭄᭞ᬧᬶᬢᭂᬓᭂᬢᬶᬧᬸᬦ᭄ᬭᬶᬂᬢᬶᬢ᭄ᬬᬂ᭞ᬲᬸᬩᬫᬢᬶ᭞ᬳᬶᬭᬶᬓᬋᬓᬾᬓᬦ᭄ᬢᭂᬦᬂ᭟
᭐᭟ᬘᬶᬭᬶᬫᬾᬡᬓ᭄ᬫᬶᬯᬄᬰᬸᬤ᭄ᬭ᭞ᬬᬾᬦᬶᬂᬫᬶᬚᬶᬮ᭄ᬕᭂᬢᬶᬳᬾᬫᬶᬬᬶᬓ᭄᭞ᬘᬶᬭᬶᬦ᭄ᬲᬢ᭄ᬭ᭄ᬬᬫᬉᬢ᭄ᬢᬫ᭞ᬢᬸᬯᬶᬢᬺᬄᬧᬭᬭᬢᬸ᭞ᬬᬾᬦ᭄ᬩᬗᭂᬲ᭄ᬳᬫ᭄ᬩᬸᬦᬶᬂᬭᬄ᭞ᬚᬦ᭄ᬫᬢᬦᬶ᭞ᬢᬺᬄᬩᬮᬶᬫᬰᬶᬯ
ᬭᬵᬕ᭟᭜᭟ᬤ᭄ᬬᬧᬶᬦ᭄ᬯᬾᬦ᭄ᬢᭂᬦᬺᬓᬾᬫᬾᬡᬓ᭄᭞ᬫᬸᬮᬳᬶᬭᬶᬗᬦ᭄ᬲᬓᬶᬂᬚᬯᬶ᭞ᬧᬗᬾᬭᬦᬦᭀᬫᬋᬓᭀ᭞ᬘᬵᬭᬄᬚᬸᬢᬶᬭᬶᬂᬲᬂᬪᬶᬓ᭄ᬱᬸ᭞ᬭᬶᬂᬧᬭᬦ᭄ᬟᬰᬓ᭄ᬢᬶᬦᬸ
Kaca:Bali-lontar-gaguritan-pakangraras-02-300ppi.pdf/34
Kaca puniki sampun kauji-wacén
