[᭓᭖ 36B]
᭓᭖᭟
ᬫᬮᬳᬤ᭄ᬫᬵᬦᬸᬱ᭟᭜᭟ᬭᬤᬾᬦ᭄ᬕᬮᬸᬄᬭᬭᬶᬲ᭄ᬮᬸᬗ᭄ᬳ᭞ᬫᬗ᭄ᬭᬭᬶᬲᬶᬤᬓᬭᬗ᭄ᬓᬶ᭞ᬓᬤᬶᬫᬗᭂᬫ᭄ᬩᭂᬂᬬᬾᬄᬧᬦᭀᬦ᭄᭞ᬲᬭᬯᬸᬳᬾᬫᭂᬤᬮ᭄ᬯᬸᬯᬸᬲ᭄᭞ᬧᬫᬸᬜᬶᬦ᭄ᬘᬳᬶᬩᬋᬂᬧᬵᬧ᭞ᬚᬯᬢ᭄ᬫᬢᬶ᭞
ᬚᭂᬮᬾᬫᭂᬮᬄᬩᬋᬂᬦᬶᬭ᭟᭜᭟ᬤᬤᬶᬚᬦᬶᬘᬳᬶᬫᬢᬶᬗ᭄ᬕᬮ᭄᭞ᬳᭂᬫ᭄ᬩᭀᬓ᭄ᬓᬸᬢᬂᬘᬳᬶᬤᬶᬦᬶ᭞ᬳᬧᬚᭂᬮᬾᬦ᭄ᬳᭂᬫ᭄ᬩᭀᬓᬾᬲᬸᬩ᭞ᬤᬤᬶᬘᬳᬶᬦᬶᬗ᭄ᬕᬮ᭄ᬲᬗ᭄ᬕᬸᬧ᭄᭞ᬓᬲᬸᬃᬮᬗ᭄ᬲᬾᬦᬵᬫ᭄ᬧᬶᬕᬫ᭄ᬧᬶᬕᬂ
ᬧᬧᭂᬥᭂᬓ᭄ᬲᬫᬶ᭞ᬓᬩ᭄ᬭᬭᬓᬂᬤᬶᬢᭂᬗᬄᬦᬢᬃ᭟᭜᭟ᬓᬘᬶᬗᬓ᭄ᬲᬸᬭᬵᬢ᭄ᬭᬷᬦᬢᬃ᭞ᬕᭂᬮᬶᬲ᭄ᬭᬤᬾᬦ᭄ᬤᬾᬯᬷᬗᬫ᭄ᬩᬶᬮ᭄᭞ᬭᬭᬶᬲ᭄ᬲᬸᬭᬵᬢᬾᬓᬧᬯᭀᬲ᭄᭞ᬫᬸᬗ᭄ᬕᬸᬄᬢᬸᬮᬶᬲᬾᬗᬓᬸ᭞ᬥᬸᬄᬤᬾᬯ
ᬅᬢ᭄ᬫᬚ᭄ᬚᬶᬢ᭞ᬭᬢᬸᬫᬡᬶᬓ᭄᭞ᬩᭂᬮᬶᬫᬗ᭄ᬓᬶᬦ᭄ᬫᭂᬕᬢ᭄ᬢᬺᬱ᭄ᬡ᭟᭜᭟ᬬᬾᬦᬶᬂᬳᬤᬶᬢ᭄ᬯᬄᬫᬗᭂᬕ᭞ᬩᭂᬮᬶᬫᬫᬶᬲᬦ᭄ᬭᬶᬂᬳᬤᬶ᭞ᬩᭂᬮᬶᬫᬦ᭄ᬢ᭄ᬭᬷᬦᬶᬂᬓᭀᬭᬶᬧᬦ᭄᭞ᬳᬶᬤᬳᬶᬩᬧᬫᬗᬸᬢᬸᬲ᭄᭞
[᭓᭗ 37A]
ᬢᬦᬸᬭᬂᬢ᭄ᬯᬄᬩᭂᬮᬶᬧᭂᬚᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬧᬂᬳᬶᬬᬤᬶᬳᬸᬦᬶᬗ᭟᭜᭟ᬧᬗᬗ᭄ᬕᬾᬦ᭄ᬩᭂᬮᬶᬦᬾᬤᬶᬢᬫᬦ᭄᭞ᬳᬧᬂᬳᬶᬬᬤᬶᬫᬗᬫ᭄ᬩᬶᬮ᭄᭞ᬧᭂᬦ᭄ᬟᭂᬫ᭄ᬩᭂᬮᬶᬲᬫᬶᬳᬶᬭᬶᬓ᭞ᬲᭀᬭᬶᬂᬦᬵ
ᬕᬲᬭᬷᬓᬸᬫ᭄ᬧᬸᬮ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬩᭂᬮᬶᬢᬺᬱ᭄ᬡ᭞ᬢᭂᬓᬾᬦᬶᬂᬳᬤᬶ᭞ᬩᭂᬮᬶᬫᬧᬫᬶᬢ᭄ᬲᬧᬶᬲᬦ᭄᭟᭜᭟ᬲᬧᬸᬦᬶᬓᬫᬸᬗ᭄ᬕ᭄ᬯᬶᬂᬲᬸᬭᬵᬢ᭄᭞ᬍᬂᬍᬂᬓᬗᭂᬦ᭄ᬭᬤᬾᬦ᭄ᬤᬾᬯᬷ᭞ᬭᬭᬶᬲᬶᬤᬫᬗᬦ᭄ᬤᬶᬓ᭞
ᬓᬓᬧᬥᬚᬮᬦ᭄ᬫᬦ᭄ᬢᬸᬓ᭄᭞ᬳᭂᬗ᭄ᬲᬧ᭄ᬬᬳᬶᬧᬓᬂᬭᬭᬲ᭄᭞ᬢᭂᬓᬾᬦᬶᬂᬫᬸᬜᬶ᭞ᬫ᭄ᬭᬲᬳᬶᬮᬂᬢᬺᬱ᭄ᬡᬦ᭄ᬦᬶᬭ᭟᭜᭟ᬫᬾᬮᬶᬂᬧᬶᬢᭂᬓᭂᬢᬶᬂᬲᬸᬭᬵᬢ᭄᭞ᬓᭂᬫᬲᬗ᭄ᬳᬶᬢ᭄ᬜᬳᬶᬢᬗ᭄ᬓᬶᬮ᭄᭞ᬳᬸᬦᬶᬗᬂ
ᬦᬶᬭᬓᬢᬫᬦ᭄᭞ᬦᬶᬲᬗ᭄ᬳᬶᬢ᭄ᬫᬦᭂᬫ᭄ᬩᬄᬫᬢᬸᬃ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬭᬭᬶᬲ᭄ᬧᬋᬓ᭄ᬭᬶᬂᬲᬂᬦᬵᬣ᭟᭜᭟ᬲᬢᭂᬓᬦᬾᬦᬶᬲᬗ᭄ᬳᬶᬢ᭄ᬜᭂᬫ᭄ᬩᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬕᭂᬮᬶ
Kaca:Bali-lontar-gaguritan-pakangraras-02-300ppi.pdf/37
Kaca puniki sampun kauji-wacén
