[᭓᭐ 30B]
᭓᭐᭟
ᬦ᭄ᬮᬾᬦ᭄ᬭᬶᬂᬧᬸᬢ᭄ᬭᬚᬗ᭄ᬕᬮ᭞ᬜᬾᬦ᭄ᬧᬸᬭᬸᬦ᭄ᬭᬶᬂᬳᬶᬬᬤᬶ᭞ᬮᬗ᭄ᬕᬧ᭄ᬬᬫᬗᬫᬾᬢ᭄ᬲᭂᬓᬃ᭞ᬭᬶᬂᬓᬃᬡ᭄ᬦᬦ᭄ᬳᬤᬶᬦᬾᬲᬵᬫ᭄ᬧᬸᬦ᭄᭞ᬲᭂᬥᭂᬂᬧᬹᬃᬡ᭄ᬦᬫᬦᬶᬂᬓᬧᬢ᭄᭞ᬯᬸᬲᬦ᭄ᬫᬩᬺᬲᬶᬄ᭞ᬤᬶᬢᬸᬩᭂᬮᬶᬫᬳᬸᬭᬸᬧ᭄ᬲᭂ
ᬓᬃ᭟᭜᭟ᬲᬯᬸᬲᬦᬶᬤᬫᬜᬸᬭᬢ᭄᭞ᬭᬭᬶᬲ᭄ᬓᬕᭂᬦᬳᬂᬕᭂᬮᬶᬲ᭄᭞ᬭᬶᬩᬢᬦ᭄ᬓᬮᬰᬵᬧᬢᬸᬭᭀᬦ᭞ᬫᬲᬸᬲᬸᬦ᭄ᬧᬧᭂᬥᭂᬓᬾᬤᬶᬢᬸ᭞ᬕᭂᬮᬶᬲᬶᬤᬗᬫ᭄ᬩᬶᬮ᭄ᬘᬦᬂ᭞ᬭᬭᬶᬲ᭄ᬫᬶᬚᬶᬮ᭄᭞ᬲᬭᬯᬸ
ᬳᬾᬫᬭᬶᬂᬩᬜ᭄ᬘᬶᬗᬄ᭟᭜᭟ᬳᬶᬕᬸᬲ᭄ᬢᬶᬧᬢᬶᬄᬗᬦ᭄ᬤᬶᬓ᭞ᬗᬓᬂᬭᬭᬲ᭄ᬚᬮᬦ᭄ᬚᬦᬶ᭞ᬲᬯᬸᬭᬾᬋᬓᬾᬭᬤ᭄ᬬᬦ᭄᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬭᬢᬸ᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬲᬳᬸᬦᬶᬗ᭞ᬲᬦᬾᬫᬗ᭄ᬓᬶᬦ᭄
᭞ᬲᬶᬲᬶᬧ᭄ᬢᬶᬢ᭄ᬬᬂᬭᬶᬂᬲᬂᬦᬵᬣ᭟᭜᭟ᬳᬶᬧᬢᬶᬄᬓᬗ᭄ᬕᭂᬓ᭄ᬭᬶᬂᬘᬶᬢ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬢᬸᬯᬶᬳᬤᬩᬸᬓᬓᬾᬢᭀ᭞ᬳᭂᬜᬾᬦ᭄ᬗᭀᬃᬣᬳᬶᬦ᭄ᬘᬶᬢᬳᬸ᭞ᬲᬯᬸᬭᬾᬋᬓᭀᬭᬳ
[᭓᭑ 31A]
ᬤ᭄ᬬᬦ᭄᭞ᬢᬶᬢ᭄ᬬᬂᬳᬸᬦᬶᬂ᭞ᬤ᭄ᬬᬧᬶᬦ᭄ᬢᬦ᭄ᬯᬾᬦ᭄ᬢᭂᬦ᭄ᬗᭀᬃᬣᬬᬂ᭟᭜᭟ᬳᬶᬕᬸᬲ᭄ᬢᬶᬓᬳᬸᬢᬸᬲ᭄ᬮᬸᬗ᭄ᬳ᭞ᬫᬥᭂᬫᬂᬢᬶᬢ᭄ᬬᬂᬭᬶᬂᬫᬃᬕ᭄ᬕᬶ᭞ᬲᬧᬸᬦᬧᬶᬓᬧᬓᬬᬸᬦᬦ᭄᭞ᬳᬶᬧᬢᬶᬄᬳᬮᭀᬦᬫᬸᬯᬸᬲ᭄᭞ᬢᬸᬳᬸᬩᬸᬓᬓᬾ
ᬢᭀᬲᬚ᭞ᬳᬧᬂᬘᬳᬶ᭞ᬧᬕᭂᬄᬗᬾᬲ᭄ᬢ᭄ᬬᬂᬳᬯᬓ᭄᭟᭜᭟ᬭᬳᬤ᭄ᬬᬦ᭄ᬲᬯᬸᬭᬾᬕᭂᬢᬃ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬫᬗᬶᬭᬶᬂ᭞ᬧᬸᬦᬧᬶᬫᬮᬶᬄᬳᭂᬤᭀᬳᬂ᭞ᬳᬧᬂᬢᬶᬢ᭄ᬬᬂᬕᭂᬮᬶᬲ᭄ᬧᬸᬧᬸᬢ᭄᭞ᬳᬶᬭᬶᬓᬶᬭᬶᬂᬲᬾ
ᬢ᭄ᬭᬤᬳ᭞ᬩᬸᬯᬶᬦᬧᬮᬶᬄ᭞ᬢᬶᬢ᭄ᬬᬂᬦᬸᬢᬸᬕᬂᬗᬯᬸᬮ᭟᭜᭟ᬳᬧᬂᬳᭂᬤᬦᭂᬫᬸᬲᬗ᭄ᬲᬭᬭᬶᬂᬭᬳᬤᬾᬦ᭄ᬤᬾᬯᬷᬪᬓ᭄ᬢᬶ᭞ᬫᬾᬲᭂᬫᬶᬗᬢᬶᬄᬫᬶᬋᬗᬂ᭞ᬢᬸᬫᬸᬮᬶᬕᭂᬮᬶᬲ᭄ᬮᬸᬫᬓᬸ᭞ᬳᬶᬧᬢᬶᬄᬲᬤᬧ᭄ᬭ
ᬬᬢ᭄ᬦ᭞ᬫᬦ᭄ᬭᬢᬾᬦᬶᬦ᭄᭞ᬲᬢᭂᬓᬦᬾᬫᬭᬶᬂᬲᬾᬢ᭄ᬭ᭟᭜᭟ᬭᬳᬤ᭄ᬬᬦ᭄ᬭᬭᬶᬲ᭄ᬯᬘᬦ᭞ᬕᬸᬲ᭄ᬢᬶᬳᬦ᭄ᬢᭀᬲ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬸᬢᬸᬕᬂᬫᬢᬶᬗ᭄ᬓᬄ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬲᭂᬫ᭄ᬧᬸᬢ᭄᭞
Kaca:Bali-lontar-gaguritan-pakangraras-02-300ppi.pdf/31
Kaca puniki sampun kauji-wacén
