[᭓᭑ 31B]
᭓᭑᭟
ᬧᬫᬃᬕ᭄ᬕᬶᬢ᭄ᬬᬗᬾᬧᭂᬚᬄᬢᬶᬢ᭄ᬬᬂᬫᬪᬓ᭄ᬢᬶ᭞ᬭᬶᬂᬳᬶᬤᬲᬫᬶᬪᬝᬭ᭟᭜᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬦᬄᬩᭂᬮᬶᬗᬦ᭄ᬢᭀᬲ᭄ᬘᬳᬶ᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬫᬢᬶᬗ᭄ᬓᬄ᭞ᬫᬫᬸᬱ᭄ᬝᬶᬦᬸᬗ᭄ᬕᬮᬂᬢᬦᬸ᭞
ᬫᬗᬃᬕ᭄ᬕᬳᬚᬷᬓᬫᭀᬓ᭄ᬱᬦ᭄᭞ᬲᬹᬓ᭄ᬱ᭄ᬫᬚᬵᬢᬶ᭞ᬫᬪᬓ᭄ᬢᬶᬫᬳᬶᬤᭂᬃᬪᬸᬯᬦ᭟᭜᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬗᬸᬗ᭄ᬲᬶᬗᬲ᭄ᬢᬯ᭞ᬭᬳᬤ᭄ᬬᬦ᭄ᬯᬘᬦᬳᬭᬶᬲ᭄᭞ᬳᬶᬗ᭄ᬕᬶᬄᬫᬭᬶᬓᬶᬢᬫ᭄ᬧᭂᬓᬂ᭞ᬲᬧ
ᬲᬶᬭᬧᬘᬂᬜᬸᬤᬸᬓ᭄᭞ᬧ᭄ᬭᬲᬶᬤᬫ᭄ᬭᬕᬢᬂᬢᬶᬢ᭄ᬬᬂ᭞ᬕᬸᬲ᭄ᬢᬶᬧᬢᬶᬄ᭞ᬳᬮᭀᬦ᭄ᬫᬶᬚᬶᬮᬧᬗᬦ᭄ᬤᬶᬓ᭟᭜᭟ᬩᭂᬮᬶᬦ᭄ᬤᬶᬓᬬᬂᬫ᭄ᬭᬕᬢᬂ᭞ᬧᬕᭂᬳᬂᬘᬳᬶᬫᬗᬾᬲ᭄ᬢᬶ᭞ᬲᬮᬶᬬᬸᬦᬶᬭᬶᬗᬦᬾᬗᭂᬢᭀᬦ᭄᭞ᬧ
ᬥᬬᬩᭂᬗᭀᬓᬧᬗ᭄ᬕᬸᬄ᭞ᬲᭂᬫᬸᬦᬾᬢ᭄ᬯᬭᬤᬕᬶᬗ᭄ᬕᬂ᭞ᬩᬕᬸᬲ᭄ᬭᬶᬭᬶᬄ᭞ᬢᬸᬃᬩᬶᬲᬫᬗᬮᬧ᭄ᬚᬶᬯ᭟᭜᭟ᬕᬸᬲ᭄ᬢᬶᬧᬢᬶᬄᬫᬮᬶᬄᬗᬦ᭄ᬤᬶᬓ᭞ᬩᭂᬮᬶᬫᬢᬓᭀᬦ᭄ᬭᬶᬂᬘᬳᬶ᭞ᬤᬾᬦᬶᬂᬩᭂᬮᬶᬢᬦᬸᬦᬶᬗ᭞ᬓᬯᬶ
[᭓᭒ 32A]
ᬢ᭄ᬘᬳᬶᬦᬾᬦᬾᬫᬮᬸ᭞ᬯᬗ᭄ᬰᬦ᭄ᬘᬳᬶᬦᬾᬢᬸᬢᬸᬭᬂ᭞ᬳᬧᬂᬕᬢᬶ᭞ᬭᬳᬤ᭄ᬬᬦ᭄ᬭᬭᬶᬲᬗᬸᬘᬧ᭄᭟᭜᭟ᬲᬧᬤᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬩᭂᬘᬶᬓ᭄ᬕᬸᬲ᭄ᬢᬶᬫᬫᬶᬤᭀᬦᬶᬦ᭄᭞ᬬᬾᬦᬶᬂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬧᭂᬚᬄ᭞ᬳᬶ
ᬭᬶᬓᬳᬶᬕᬸᬲ᭄ᬢᬶᬜᬸᬮᬸᬄ᭞ᬬᬾᬦᬶᬂᬢᬶᬢ᭄ᬬᬂᬫᭂᬤᬮ᭄ᬭᬄ᭞ᬫ᭄ᬭᬶᬓ᭄ᬫᬶᬗᬶᬂ᭞ᬢᬗᬶᬦᬾᬗᭂᬩᭂᬓᬶᬦ᭄ᬲᬾᬢ᭄ᬭ᭟᭜᭟ᬧᬸᬦᬶᬓᬘᬶᬭᬶᬦᬶᬂᬫᬾᬡᬓ᭄᭞ᬢ᭄ᬯᬶᬢ᭄ᬯᬄᬧᬸᬢ᭄ᬭᬦ᭄ᬦᬵᬭᬧᬢᬶ᭞ᬬᬾᬦ᭄ᬫᬶᬚᬶᬮ᭄ᬕᭂᬢᬶᬄᬫᬭᭀᬓ᭄ᬩᭀᬓ᭄᭞ᬳ
ᬦ᭄ᬤᬶᬄᬩᬗᭂᬲᬾᬓᬮᬗ᭄ᬓᬸᬂ᭞ᬦᬶᬓᬰᬸᬤ᭄ᬭᬫᬰᬶᬯᬭᬵᬕ᭞ᬦᬶᬓᬳᬾᬮᬶᬗᬶᬦ᭄᭞ᬚᬦ᭄ᬫᬦᬾᬲᬓ᭠ᬤᬶᬢᬶᬢ᭄ᬬᬂ᭟᭜᭟ᬳᬶᬧᬢᬶᬄᬳᬾᬫᭂᬂᬦᬶᬗᭂᬳᬂ᭞ᬫᬶᬯᬄᬓᬯᬸᬮᬦᬾᬲᬫᬶ᭞ᬧᬥᬬᬗᭂᬫ᭄ᬩᭂᬂᬬᬾᬄᬧᬦᭀ
ᬦ᭄᭞ᬢᬺᬱ᭄ᬡᬦᬾᬳᬸᬗ᭄ᬓᬸᬮᬶᬦ᭄ᬢᬓᬸᬢ᭄᭞ᬤᬾᬦᬶᬗᬶᬭᬶᬂᬧᬓᬬᬸᬦᬦ᭄᭞ᬰ᭄ᬭᬷᬪᬹᬧᬢᬶ᭞ᬓᬾᬦ᭄ᬓᭀᬦᬂᬚᬦᬶᬫᬤᬬ᭟᭜᭟ᬳᬶᬧᬢᬶᬄᬳᬃᬱᬦᬾᬳᭀᬮᬲ᭄᭞ᬭᬳᬤ᭄ᬬᬦ᭄ᬫᬗᭂᬮᬸᬲ᭄ᬕᭂᬮᬶᬲ᭄᭞ᬲᬶᬫ᭄ᬲᬶᬫᬾᬫᬫ
Kaca:Bali-lontar-gaguritan-pakangraras-02-300ppi.pdf/32
Kaca puniki sampun kauji-wacén
