Kaca:Bali-lontar-gaguritan-pakangraras-02-300ppi.pdf/30

Kaca puniki sampun kauji-wacén

[᭒᭙ 29B]
᭒᭙᭟
ᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬸᬦᬶᬗ᭟᭜᭟ᬓᬮᬶᬄᬤᬾᬰᬢᬶᬢ᭄ᬬᬂᬓᬸᬦ᭞ᬫᬾᬮᬶᬂᬢᬶᬢ᭄ᬬᬂᬲᬵᬫ᭄ᬧᬸᬦᬶᬭᬶᬓᬶ᭞ᬤᬾᬦᬶᬂᬢᬶᬢ᭄ᬬᬂᬓᭀᬮᭀᬓ᭄ᬮᭀᬮᭀ᭞ᬢᬦ᭄ᬳᬾᬮᬶᬂᬭᬶᬂᬭᬵᬫᬳᬶᬩᬸ᭞ᬳᬸᬦᬶᬂᬢᬶᬢ᭄ᬬᬂᬩᭂᬢᭂ
ᬓ᭄ᬭᬶᬂᬮᬬᬄ᭞ᬰ᭄ᬭᬷᬪᬹᬧᬢᬶ᭞ᬫᬮᬶᬄᬳᬶᬤᬫᬗᬦ᭄ᬤᬶᬓ᭟᭜᭟ᬦᬾᬚᬦᬶᬳᬧᬦ᭄ᬫᬦᬶᬭ᭞ᬫᬫᬸᬜᬶᬢᭂᬓᬾᬦᬶᬂᬘᬳᬶ᭞ᬦᬶᬭᬦᬸᬦ᭄ᬤᬾᬦ᭄ᬘᬳᬶᬮᬸᬯᬲ᭄᭞ᬦᬾᬚᬦᬶᬫᬚᬮᬦ᭄ᬓᬯᬸᬄ᭞ᬓᬦᬵᬕᬭ
ᬧᬚᬭᬓᬦ᭄᭞ᬫᬦᬢᬲᬶᬦ᭄᭞ᬓᬺᬧᬗ᭄ᬭᬯᭀᬲᬾᬭᬸᬲᬓ᭄᭟᭜᭟ᬳᬚᬓ᭄ᬘᬳᬶᬲᬸᬩᬳᬤ᭞ᬤᭂᬫᬸᬂᬧᬢᬶᬄᬩᬋᬂᬘᬳᬶ᭞ᬤᬶᬩᬜ᭄ᬘᬶᬗᬄᬧᬥᬗᬦ᭄ᬢᭀᬲ᭄᭞ᬭᬳᬤ᭄ᬬᬦ᭄ᬕᬮᬶᬲᬸᬫᬢᬸᬃ᭞
ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬶᬢ᭄ᬬᬂᬓᬭᬶᬫᬤᬩ᭄ᬤᬩᬦ᭄᭟᭜᭟ᬲᬂᬧ᭄ᬭᬪᬸᬳᬶᬤᬗᬦ᭄ᬤᬶᬓ᭞ᬦᬄᬓᬓᭂᬫᬧᬕᬗ᭄ᬲᬭᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬭᬭᬶᬲ᭄ᬩᬸᬤᬮ᭄᭞ᬲᬢᭂ
[᭓᭐ 30A]
ᬓᬦᬾᬗ᭄ᬭᬲᬭᬶᬂᬓᬬᬸᬦ᭄᭞ᬢᬦ᭄ᬯᬗ᭄ᬤᬾᬦᬦ᭄ᬧᬘᬂᬧᭂᬚᬄ᭞ᬕᭂᬮᬶᬲ᭄ᬗᬫ᭄ᬩᬶᬮ᭄᭞ᬭᭀᬦ᭄ᬢᬮ᭄ᬫᬗ᭄ᬭᬭᬶᬲ᭄ᬲᬶᬸᬂᬲ᭄ᬜᬭᬵᬢ᭄᭟᭜᭟ᬢᬦ᭄ᬮ᭄ᬬᬦ᭄ᬦᬾᬓᬳᬸᬗ᭄ᬕᬳᬂ᭞ᬲᬓᬦ᭄ᬤᬦᬾᬫᬸᬗ᭄ᬕᬸᬄᬲᬫᬶ᭞ᬢᬸᬲ᭄ᬢᬸᬲᬦ᭄ᬯ
ᬗ᭄ᬲᬓᬧ᭄ᬭᬪᭀᬦ᭄᭞ᬭᬶᬂᬚᬗ᭄ᬕᬮᬫᭂᬗ᭄ᬓᬸᬦᬵᬕᬦ᭄ᬢᬸᬘ᭄᭞ᬭᬵᬕᬦᬾᬓᬪᬱᬬᬂᬳᬤᬶᬤᬾᬯᬶ᭞ᬩᭂᬮᬶᬚᬦᬶᬫᭂᬕᬢ᭄ᬢᬺᬖ᭄ᬡ᭟᭜᭟ᬬᬾᬦ᭄ᬢᬸᬯᬄᬳᬶᬬᬤᬶᬫᬗᭂᬕ᭞ᬩᭂᬮᬶᬫᬫᬶᬲᬦ᭄ᬭᬶᬂᬳᬤᬶ᭞
ᬩᭂᬮᬶᬫᬦ᭄ᬢ᭄ᬭᬶᬦᬶᬂᬓᭀᬭᬶᬧᬦ᭄᭞ᬦᬾᬚᬦᬶᬳᬶᬩᬧᬫᬗᬸᬢᬸᬲ᭄᭞ᬢᬦᬸᬭᬸᬂᬢᬸᬯᬄᬩᭂᬮᬶᬧᭂᬚᬄ᭞ᬳᬤᬶᬗᬫ᭄ᬩᬶᬮ᭄᭞ᬳᬗᬗ᭄ᬕᭀᬦ᭄ᬩᭂᬮᬶᬦᬾᬤᬶᬢᬫᬦ᭄᭟᭜᭟ᬤᬶᬢᬸᬩᭂᬮᬶᬫᬦᬓᭂᬫᬂ
᭞ᬤᬶᬩᭀᬗ᭄ᬓᭀᬮ᭄ᬯᬶᬢ᭄ᬦᬵᬕᬲᬭᬷ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬩᭂᬮᬶᬢᬺᬱ᭄ᬡ᭞ᬳᬶᬥᭂᬧ᭄ᬩᭂᬮᬶᬭᬶᬂᬳᬤᬶᬕᬮᬸᬄ᭞ᬲᬓ᭄ᬱᬢ᭄ᬩᭂᬮᬶᬧᭂᬢᭂᬂᬍᬫᬄ᭞ᬩᬋᬂᬳᬤᬶ᭞ᬳᭂᬤᬲᬗᭂᬢ᭄ᬯᬯᬗᭂᬦᬦ᭄᭟᭜᭟ᬬᬾ