[᭒᭘ 28B]
᭒᭘᭟
ᬓᭀᬃᬳᬶᬤᬾᬯ᭞ᬳᬾᬫᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬳᬶᬧᬸᬦ᭄᭞ᬗᬚᬓ᭄ᬓᬯᬸᬄᬓᬧᬚᬭᬓᬦ᭄᭞ᬫᬦᬶᬮᬶᬓᬶᬦ᭄᭞ᬳᭀᬃᬣᬬᬂᬚᬕᬢᬾᬭᬸᬦ᭄ᬤᬄ᭟᭜᭟ᬳᬶᬗ᭄ᬕᬶᬄᬤᬾᬯᬰ᭄ᬭᬷᬦᬭᬾᬦ᭄ᬤ᭄ᬭ᭞ᬢᬶᬢ᭄ᬬᬂᬫᬦᬸᬦ
ᬲ᭄ᬫᬧᬫᬶᬢ᭄᭞ᬳᬶᬧᬢᬶᬄᬓᬚᬩᬋᬓᭀ᭞ᬲᬂᬧ᭄ᬭᬪᬸᬫᬮᬶᬄᬫᬗᬸᬢᬸᬲ᭄᭞ᬧᬋᬓᬦ᭄ᬫᬤᬦᬶᬚᬚᬃ᭞ᬫᬦ᭄ᬤᬯᬸᬳᬶᬦ᭄᭞ᬫᬗᬮᬶᬄᬳᬶᬧᬓᬂᬭᬭᬲ᭄᭟᭜᭟ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬳᬶᬚ᭠
ᬚᬃᬗᭀᬚᭀᬕ᭄ᬓᬭᬗ᭄ᬓᬶ᭞ᬓᬧᬗ᭄ᬕᬶᬄᬳᬶᬧᬓᬂᬭᬭᬲ᭄᭞ᬕᭂᬮᬶᬲᬶᬚᬚᬃᬫᬯᬸᬯᬸᬲ᭄᭞ᬫᬦ᭄ᬤᬯᬸ᭠ᬳᬂᬧᬓᬬᬸᬦᬦ᭄᭞ᬦᬾᬓᭀᬘᬳᬶ᭞ᬧᬓᬂᬭᬭᬲ᭄ᬚᬮᬦ᭄ᬓᬧᬸᬭ᭟᭜᭟ᬧᬓᬬᬸᬦᬦ᭄ᬳᬶᬤᬲᬂᬦᬵ
ᬣ᭞ᬳᬧᬂᬚᬦᬶᬘᬳᬶᬢᬗ᭄ᬓᬶᬮ᭄᭞ᬭᬳᬤ᭄ᬬᬦ᭄ᬫᬲᬯᬸᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬩᬮᬶᬢ᭄ᬬᬂᬜᬸᬯᬸᬦ᭄᭞ᬧᬓᬬᬸᬦᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬭᬭᬶᬲ᭄ᬧᬋᬓ᭄ᬭᬶᬂᬲᬂᬦᬵᬣ᭟᭜᭟ᬲᬂᬧ᭄ᬭᬪᬸᬓ
[᭒᭙ 29A]
ᬗ᭄ᬕᭂᬓ᭄ᬭᬶᬂᬘᬶᬢ᭞ᬢᬸᬫᭀᬦ᭄ᬭᬶᬂᬯᬃᬡ᭄ᬦᬦᬾᬧᭂᬓᬶᬓ᭄᭞ᬧᬗ᭄ᬭᬯᭀᬲᬾᬚ᭄ᬭᭀᬦᬶᬂᬕᬃᬪ᭞ᬢᭀᬂᬧᬦ᭄ᬢᭂᬲ᭄ᬬᬰᬸᬤ᭄ᬭᬢᬸᬳᬸ᭞ᬢᬶᬗ᭄ᬓᬄᬲ᭄ᬯᬪᬯᬦᬾᬫᬾᬦᬓ᭄᭞ᬢᬸᬳᬸᬍᬯᬶᬄ᭞ᬧᬦ᭄ᬢᭂᬲ᭄ᬲᬢ᭄ᬭᬶᬬᬫᬉᬢ᭄ᬢᬫ᭟᭜
᭟ᬲᬂᬧ᭄ᬭᬪᬸᬕᭂᬮᬶᬲ᭄ᬗᬦ᭄ᬤᬶᬓ᭞ᬧᬓᬂᬭᬭᬲ᭄ᬫᬳᬶᬤᬶᬦᬶ᭞ᬢᬸᬫ᭄ᬩᬾᬦ᭄ᬚᬦᬶᬦᬶᬭᬗᭂᬢᭀᬦ᭄᭞ᬭᬳᬤ᭄ᬬᬦ᭄ᬫᬦᭂᬫ᭄ᬩᬄᬫᬢᬸᬃ᭞ᬳᬶᬗ᭄ᬕᬶᬄᬧᬤᬸᬓᬲᬂᬦᬵᬣ᭞ᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬢᬗ᭄ᬓᬶᬮ᭄ᬭᬶᬂᬳᬶᬤᬾᬯ᭟᭐
᭟ᬢᬶᬢ᭄ᬬᬂᬜᬸᬯᬸᬦ᭄ᬧᬗᬦ᭄ᬤᬶᬓ᭞ᬲ᭄ᬯᬾᬘᬭᬢᬸᬫᬫᭀᬗᭀᬭᬶᬦ᭄᭞ᬤᬾᬦᬶᬂᬢᬶᬢ᭄ᬬᬂᬮᬶᬦ᭄ᬢᬂᬫᭀᬫᭀ᭞ᬫᬫᬋᬓᬦ᭄ᬭᬶᬂᬳᬶᬭᬢᬸ᭞ᬤ᭄ᬬᬧᬶᬦ᭄ᬓᬦ᭄ᬤᬶᬓᬬᬂᬧᭂᬚᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬬᬾᬦᬶᬂᬲᬵᬫ᭄ᬧᬸᬦ᭄ᬧ᭠
ᬓᬬᬸᬦᬦ᭄᭟᭜᭟ᬲᬂᬧ᭄ᬭᬪᬸᬗᬦ᭄ᬤᬶᬓᬦᬢᬲᬂ᭞ᬳᬸᬮᬶᬤᬶᬚᬫᬸᬮᬦ᭄ᬘᬳᬶ᭞ᬯᬗ᭄ᬲᬦ᭄ᬘᬳᬶᬦᬾᬢᬸᬢᬸᬭᬂ᭞ᬧᬂᬤᬦᬶᬭᬲᬮᬄᬳᬸᬦ᭄ᬤᬸᬓ᭄᭞ᬭᬳᬤ᭄ᬬᬦ᭄ᬫᬢᬸᬃᬫᬦᭂᬫ᭄ᬩᬄ᭞ᬫᬢᬸᬃᬲᬶᬲᬶᬧ᭄᭞ᬢ
Kaca:Bali-lontar-gaguritan-pakangraras-02-300ppi.pdf/29
Kaca puniki sampun kauji-wacén
