Kaca:Bali-lontar-gaguritan-pakangraras-01-350ppi.pdf/84

Saking Wikisource
Kaca puniki sampun kauji-wacén

[᭘᭓ 83B]
᭘᭓
ᬢᬦ᭄ᬓᬯᬃᬡ᭄ᬦᬭᬶᬂᬧᬫᬃᬕ᭄ᬕ᭟ᬕᭂᬮᬶᬄᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄ᭞ᬫᬗ᭄ᬭᬭᬶᬲ᭄ᬳᬶᬤᬓᬧᬸᬭᬶ᭞ᬲᬭᬯᬸᬳᬾᬫᬭᬶᬂᬚ᭄ᬭᭀ᭞ᬕᭂᬮᬶᬲ᭄ᬧᬋᬓ᭄ᬭᬶᬂᬲᬂᬧ᭄ᬭᬪᬸ᭞ᬧ᭄ᬭᬫᬾ
ᬰ᭄ᬯᬭᬶᬫᬗᬢᬸᬭᬂ᭞ᬓᬓᬳᬚᬶ᭞ᬢᬶᬢ᭄ᬬᬂᬓᬲᭀᬩ᭄ᬗᭂᬢᭀᬦᬶᬦᬦᬓ᭄᭟ᬳᬬᬸᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬲᬓ᭄ᬱᬢ᭄ᬓᬤᬶᬲᬂᬳ᭄ᬬᬂᬭᬢᬶᬄ᭞ᬲᬸᬩ
ᬜᬦ᭄ᬤᬂᬲᭂᬓᬃᬓᬥᬢᭀᬦ᭄᭞ᬢᬗ᭄ᬓᬶᬮᬶᬦ᭄ᬧᬸᬗ᭄ᬕᬯᬳᬕᬸᬂ᭞ᬫᬓᬅᬃᬤ᭄ᬥᬦᬭᬾᬰ᭄ᬯᬃᬬ᭄ᬬ᭞ᬲᬸᬫᭂᬦ᭄ᬤᬶᬳᬶ᭞ᬫᭂᬗ᭄ᬓᬸᬚᬕᬢ᭄ᬭᬶᬂᬚᬗ᭄ᬕᬮ᭟ᬤᬾᬦᬶᬂᬲᬵ
ᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬳᭂᬦᭂᬗᬦ᭄ᬦᬫᬗ᭄ᬓᬾᬭᬶᬂᬧᬸᬭᬶ᭞ᬕᭂᬮᬶᬲᬶᬂᬘᬭᬶᬢᬋᬓᭀ᭞ᬕᬸᬲ᭄ᬢᬶᬤᭂᬫᬸᬂᬚᬦᬶᬓᬯᬸᬯᬸᬲ᭄᭞ᬲᬸᬩᬕᭂᬦᭂᬧ᭄ᬢᬶᬕᬂᬤᬶᬦ᭞ᬕᭂᬮᬶ
[᭘᭔ 84A]
ᬲ᭄ᬫᬫᬃᬕ᭄ᬕᬶ᭞ᬲᬫ᭄ᬧᬸᬦ᭄ᬭᬯᬸᬄᬫᬭᬶᬂᬤᭂᬳ᭟ᬲᬢᭂᬓᬦᬾᬩᬢᬦ᭄ᬩᬜ᭄ᬘᬶᬗᬄ᭞ᬗᬮᬶᬄᬯᭂᬓᬲᬦ᭄ᬓᬧᬸᬭᬶ᭞ᬲᬕᬾᬢ᭄ᬳᬤᬧᬋᬓᬦ᭄ᬦᭂᬮᭀᬓ᭄᭞ᬫᬯᬱ᭄ᬝ
ᬳᬶᬯᬬᬦ᭄ᬲᬸᬩᬸᬓ᭄᭞ᬘᬭᬓᬓᬧᬭᬲᬭ᭞ᬚᬸᬭᬸᬦᬗᬦᬶᬦ᭄᭞ᬲᬦᬾᬓᬭᬯᭀᬲ᭄ᬳᭀᬕ᭄ᬬᬧᭂᬚᬄ᭟ᬧᬸᬦᬶᬓᬋᬓᬾᬫᬜᬧ᭞ᬳᬶᬤᭂᬫᬂᬗᬦ᭄ᬤᬶ
ᬓᬳᬭᬶᬲ᭄᭞ᬩᭂᬮᬶᬯᬬᬦ᭄ᬢᬶᬬᬂᬯᭂᬓᬲᬂ᭞ᬭᬶᬂᬳᬶᬤᬳᬦᬓᬾᬳᬕᬸᬂ᭞ᬳᬶᬲᬸᬩᬸᬓ᭄ᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬕᭂᬮᬶᬲ᭄ᬗᬧᬹᬃᬬ᭄ᬬᬂ᭟ᬲᬢᭂ
ᬓᬦᬾᬳᬶᬲᬸᬩᬸᬓ᭄ᬜᭂᬫ᭄ᬩᬄ᭞ᬢᬸᬫᬸᬮᬶᬫᬳᬢᬸᬃᬕᭂᬮᬶᬲ᭄᭞ᬭᬢᬸᬳᬕᬸᬂᬕᬸᬲ᭄ᬢᬶᬢᬶᬢ᭄ᬬ᭞ᬯᬾᬦ᭄ᬢᭂᬦ᭄ᬤᬸᬢᬩᬯᬸᬭᬯᬸᬄ᭞ᬕᬸᬲ᭄ᬢᬶᬤᭂᬫᬂᬭᬶᬂᬚᬗ᭄ᬕᬮ᭞᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pakangraras-01-350ppi.pdf/84&oldid=49573"