[᭒᭖ 26 B]
᭒᭖
᭞ᬓᬂᬳᬫᬓ᭄ᬢᬵᬳᬶᬂᬲᬂᬤ᭄ᬬᬄ᭞ᬤ᭄ᬬᬄᬳᬫ᭄ᬩᬭᬯᬢ᭄ᬣᬶᬧᬸᬦᬶᬓᬸ᭞ᬳᬗᬚᬓ᭄ᬫᬃᬂᬫᬸᬓᬤ᭄ᬥᬫ᭄᭟ᬅᬲᬾᬩᬳᬶᬂᬧᬸᬢ᭄ᬭᬗ᭄ᬭᬩᬶ᭞ᬓᬂᬗᬭᬦ᭄ᬭᬤᬾᬦ᭄ᬱᬸᬯᭀᬗ᭄ᬰᭀ᭞ᬲᬂᬧ᭄ᬭᬪᬹᬳᬶᬂᬦᬸᬲᭀᬦ᭄ᬢᬭ᭞ᬕᬗ᭄ᬲᬸᬮ᭄ᬧᬦᬩ᭄ᬤᬦᬶᬭᬾᬓᬵ᭞᭠
ᬯᬤᭀᬦ᭄ᬚᬭᬸᬄᬮᬫ᭄ᬧᬄᬤᬸᬱ᭄ᬝᬵ᭞ᬧ᭄ᬭᬪᬹᬦᬹᬃᬲᬶᬯ᭄ᬯᬵᬦ᭄ᬳᬸᬫᬢᬹᬃ᭞ᬳᬗ᭄ᬮᬶᬧᬸᬭᬵᬰ᭄ᬭᬶᬦᬮᬾᬡ᭄ᬥ᭄ᬭᬵ᭛ᬧᬹᬄ᭞ᬲ᭄ᬓᬃᬫᬬᬶᬢ᭄᭞᭛ᬳᬚᬵᬲᬸᬂᬓᬯ᭄ᬯᬵ᭞ᬬᬦ᭄ᬯᬸᬲ᭄ᬓᬦ᭄ᬢᭂᬦ᭄ᬗ᭄ᬕᭀᬦ᭄ᬲᬂᬤᬾᬯᬶ᭞ᬧᬲ᭄ᬢᬶᬦᬾᬭᬶᬂᬳᬾᬜ᭄ᬚᬶᬂᬳᬾᬜ᭄ᬚᬶᬂ᭞
ᬭᬦᬸᬭᬸᬂᬲᬂᬤ᭄ᬬᬄᬓᬧᬗ᭄ᬕᬶᬄ᭞ᬫᬧᬦ᭄ᬫᬦᬵᬳᬸᬕᬶ᭞ᬦᭀᬭᬮᬶᬬᬦ᭄ᬮᬓᬵᬃᬳᬶᬧᬸᬦ᭄᭞ᬧᬹᬦ᭄ᬳᬫ᭄ᬱ᭄ᬬᬄᬧᬭᭀᬭ᭄ᬯᬵ᭞ᬳᬶᬓᬦ᭄ᬗᬭᬦᬶᬧᬹᬵᬗ᭄ᬕᬦᬶᬲ᭄᭞ᬮᬫ᭄ᬧᬄᬤᬹᬱ᭄ᬝᬵ᭞ᬓᬮᬯᬦ᭄ᬓᬶᬳᬸᬫᬃᬫᬬ᭄ᬬᬵ᭟ᬩ᭄ᬘᬶᬓ᭄ᬫᬗ᭄ᬓᬾᬫᬲ᭄ᬓᬸᬩᬧᬵ᭞
ᬳᬧᬸᬢᬸᬲᬦ᭄ᬫᬭᬶᬂᬳᬫᬶᬃ᭞ᬳᬫᬾᬢ᭄ᬲᬗ᭄ᬓᬾᬢ᭄ᬣᬳᬬᬸᬤ᭄ᬥᬵ᭞ᬳᬬ᭄ᬯᬗᬥᬸᬯᬤ᭄ᬬᬘᬶᬮᬶ᭞ᬳᬦᬓ᭄ᬧ᭄ᬭᬪᬹᬳᬸᬕᬾᬓᬶ᭞ᬮᬯᬦ᭄ᬳᬫ᭄ᬱ᭄ᬬᬄᬧ᭄ᬭᬂᬘᬸᬘᬸᬄ᭞ᬤᬾᬦ᭄ᬓᬦ᭄ᬢᭂᬦ᭄ᬮᬸᬳᬸᬃᬳᬦ᭄ᬤᬧ᭄᭞ᬓᭂᬡ᭄ᬥᬶᬢ᭄ᬩᬶᬭᬬᬸᬂᬦᬯᬹᬭᬶᬦ᭄᭞ᬳᬶᬗ᭄ᬕᬶᬄᬤᬾᬯ᭄ᬯᬵ᭞
[᭒᭗ 27 A]
ᬳᬜ᭄ᬘᬶᬓᬤ᭄ᬬᬫᬗ᭄ᬓᬡ᭄ᬦᬵ᭟ᬫᬗ᭄ᬓᬶᬦ᭄ᬓᬳᬸᬮᬵᬫᬸᬢᬸᬲᬦ᭄᭞ᬳᬫᬾᬢ᭄ᬲᬗ᭄ᬓᬾᬢ᭄ᬣᬭᬶᬂᬳᬫᬶᬃ᭞ᬢᬦ᭄ᬘᬭᬶᬢ᭄ᬣᬕ᭄ᬮᬶᬲᬶᬦᬾᬗᬦ᭄᭞ᬧᬺᬚᬸᬭᬶᬢ᭄ᬓᭂᬫ᭄ᬩᬃᬤᬦ᭄ᬧ᭄ᬭᬧ᭄ᬢ᭞ᬳᬯᬱ᭄ᬝᬵᬓᭀᬦ᭄ᬢᬮ᭄ᬢᭂᬩᬶᬄ᭞ᬢᬦ᭄ᬓᭂᬡ᭄ᬦᬵᬧᬶᬲᬄᬱᬖ᭄ᬕᬂ᭞ᬮᬯᬦ᭄ᬧ
ᬤᬸᬳᬸᬃᬦᬾᬓᬵ᭞ᬳᬓᬭᭀᬦ᭄ᬮᬫᬸᬦ᭄ᬬᬫᬸᬓ᭄ᬢᬶ᭞ᬲ᭄ᬮᬓᬸᬦᬾ᭞ᬢᬹᬗ᭄ᬕᬮ᭄ᬓᬸᬓᬸᬩ᭄ᬗ᭄ᬕᬾᬦ᭄ᬬᬦᬶᬤ᭄ᬯᬵ᭟ᬓᬮᬶᬳᬾᬲᬫᬵᬧᬺᬓᭀᬱᬵ᭞ᬢᬹᬃᬰ᭄ᬭᬶᬂᬳᬗᬩᭂᬢ᭄ᬚᬸᬭᬶᬢ᭄᭞ᬧᬹᬦᬶᬓᬵᬓᬂᬓᬶᬦᭀᬦ᭄ᬓᭀᬡ᭄ᬦᬦ᭄᭞ᬤᬾᬦᬶᬂᬧ᭄ᬭᬪᬹᬦᬸᬲᭀᬦ᭄ᬢᬭᬶ᭞ᬗ
ᬫᬾᬢ᭄ᬲᬗ᭄ᬓᬾᬢ᭄ᬣᬵᬚᬸᬭᬶᬢ᭄᭞ᬚᭀᬦ᭄ᬢᬮ᭄ᬢᭂᬩᬶᬄᬤᬦ᭄ᬮᬸᬫᬓᬸᬄ᭞ᬢᬦ᭄ᬓᬯᬃᬡ᭄ᬦᬵᬳᬶᬂᬫᬃᬖ᭄ᬕᬵ᭞ᬮᬫ᭄ᬧᬄᬳᬶᬭᬵᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬦᬸᬯᭀᬦ᭄᭞ᬯᬤ᭄ᬬᬫ᭄ᬓᬄᬳᬢᬓᬾᬡ᭄ᬦᬵ᭟ᬲᬓᬶᬂᬧᬹᬡ᭄ᬥᬶᬲᬶᬭᬧ᭄ᬭᬧ᭄ᬢᬵ᭞ᬧᬭᬦ᭄ᬯᬱ᭄ᬢᬵᬦᬶᬭᬓᬮᬶᬄ᭞
ᬮᬦ᭄ᬧᬸᬦᬧᬵᬓᬃᬬ᭄ᬬᬵᬦᬶᬭᬵ᭞ᬢᭂᬫ᭄ᬩᬾᬧ᭄ᬭᬧ᭄ᬢᬵᬫᬭᬶᬓᬶ᭞ᬓᬂᬕᬶᬦᬓᬾᬦᬦ᭄ᬳᬦᬯᬸᬭᬶᬦ᭄᭞ᬳᬶᬗ᭄ᬲᬸᬦ᭄ᬥᬸᬝᬦᬾᬲᬂᬧ᭄ᬭᬪᬹ᭞ᬭᬶᬂᬦᬕ᭄ᬭᬶᬦᬸᬲᭀᬦ᭄ᬢᬭᬵ᭞ᬳᬃᬱᬵᬫᬋᬓ᭄ᬧ᭄ᬭᬪᬹᬭᬩᬶ᭞ᬳ᭄ᬮᬭᬧᭂᬦᬵ᭞ᬲᬸᬦ᭄ᬫᬋᬓᬶᬂᬭᬢᬹ
Kaca:Bali-lontar-gaguritan-kendit-birayung-300ppi.pdf/27
Kaca puniki sampun kauji-wacén
