[᭒᭗ 27 B]
᭒᭗
ᬦᬶᬭᬵ᭟ᬲᬂᬮᬶᬦᬶᬗᬦ᭄ᬓᬩᬗᬦ᭄᭞ᬮᬶᬗ᭄ᬲᬸᬦ᭄ᬫᬢᬹᬃᬭᬓᬭᬶᬳᬶᬦ᭄᭞ᬳᬶᬭᬾᬓᬶᬲᬶᬭᬵᬗᬦ᭄ᬢᭀᬲ᭄᭞ᬦᬸᬦᬸᬫᬶᬦ᭄ᬢᬃᬢᬡ᭄ᬦᬲᬭᬶ᭞ᬫᬋᬓᬚᬬᬾᬂᬧᬢ᭄ᬣᬶ᭞ᬲ᭄ᬭᬯᬸᬳᬾᬳᬯᭀᬢ᭄ᬲᬦ᭄ᬢᬸᬦ᭄᭞ᬗᬭᬲ᭄ᬧᬤᬵᬫᬢᬹᬭᬵ᭞ᬲᬶ
ᬗ᭄ᬕᬶᬄᬯᬾᬦ᭄ᬢᭂᬦ᭄ᬥᬸᬢ᭄ᬣᬧ᭄ᬭᬧ᭄ᬢᬶ᭞ᬯᭀᬂᬓᬓᬮᬶᬄ᭞ᬲᬓᬶᬂᬦᬕ᭄ᬭᬶᬦᬸᬲᭀᬦ᭄ᬢᬭᬵ᭟ᬳᬶᬱ᭄ᬝᬵᬧᬋᬓ᭄ᬭᬶᬳᬡ᭄ᬥᬶᬓᬵ᭞ᬳᬶᬗᬸᬢᬹᬲ᭄ᬤᬾᬦᬶᬂᬲᬂᬗᬚᬶ᭞ᬳᬗᬡ᭄ᬥᬶᬓᬵᬲᬸᬮ᭄ᬢᬦ᭄ᬳᬭᬩ᭄᭞ᬮᬄᬓᬶᬦᬾᬦᬵᬫᬭᬶᬓᬶ᭞ᬯᭀᬂᬓᬕ᭄ᬮᬶᬲ᭄ᬫᬯᬵ
ᬮᬶ᭞ᬧ᭄ᬭᬧ᭄ᬢᬾᬂᬳᬶᬂᬧ᭄ᬭᬦ᭄ᬳᬾᬗᬦ᭄ᬢᬸ᭞ᬳᬭᬶᬲ᭄ᬤᬾᬦ᭄ᬬᬫᭀᬚᬃ᭞ᬮᬸᬫᬭᬶᬰᬵᬲᬶᬭᬓᬮᬶᬄ᭞ᬲᬸᬦ᭄ᬳᬗᬵᬚᬓ᭄᭞ᬚᬓ᭄᭞ᬲᬶᬭᬵᬫᬋᬓ᭄ᬫᬭᬶᬂᬲᬸᬮ᭄ᬢᬦ᭄᭟ᬳᬥᬦ᭄ᬧ᭄ᬭᬲᬫ᭄ᬬᬢᬸᬫᬶᬡ᭄ᬥᬓ᭄᭞ᬧᬋᬓ᭄ᬫᬭᬶᬂᬚᬬᬾᬂᬧᬢ᭄ᬣᬶ᭞ᬲᬭᬯᬸ
ᬳᬾᬭᬶᬂᬧᬬᬸᬡ᭄ᬦᬦ᭄᭞ᬓᬮᬶᬄᬳᬶᬭᬯᬸᬲᬮᬶᬗ᭄ᬕᬶᬄ᭞ᬭᬶᬂᬲᭀᬃᬧᬮᬗ᭄ᬓᬦ᭄ᬭᬸᬓ᭄ᬫᬶ᭞ᬲᬶᬦᬾᬯᬓᬵᬚᬬᬾᬂᬓᬾᬬᬸᬄ᭞ᬤᬾᬦᬶᬂᬭᬢᬸᬧᬸᬗ᭄ᬕᬯ᭄ᬯᬵ᭞ᬮ᭄ᬯᬶᬃᬲ᭄ᬕᬭᬵᬢᬦ᭄ᬧᬢ᭄ᬧᬶ᭞ᬢᭂᬢ᭄ᬢᭂᬧ᭄ᬚᭂᬚᭂᬮ᭄᭞ᬪᬹᬲᬡ᭄ᬦᬵᬳᬯᬡ᭄ᬦᬯᬃᬡ᭄ᬦᬵ
[᭒᭘ 28 A]
᭛ᬧᬹᬄ᭞ᬥᬂᬥᬂ᭞᭛ᬅᬗᬡ᭄ᬥᬶᬓᬵᬰᬸᬮ᭄ᬢᬦ᭄ᬭᬫᬶᬕᬶ᭞ᬧᬭᬦ᭄ᬕᬯᬾ᭞ᬲᬶᬭᬫᬭᬶᬂᬓᬾᬦ᭄ᬬ᭞ᬮᬄᬲᬧᬵᬩᬶᬲᬾᬓᬦᬾ᭞ᬫᬶᬯᬄᬚ᭄ᬦᭀᭂᬗᬶᬢᬲᬶᬭᬾᬓᬸ᭞ᬓᬂᬦᬓᬾᬦᬦ᭄ᬗᬪᬓ᭄ᬢᬶ᭞ᬳᬶᬗ᭄ᬕᬶᬄᬓᬳᬸᬮᬵᬳᬸᬢᬸᬲᬦ᭄᭞ᬤᬾᬦᬶ
ᬭᬵᬰ᭄ᬭᬶᬫᬳᬵᬧ᭄ᬭᬪᬹ᭞ᬓᭂᬡ᭄ᬥᬢ᭄ᬩᬭᬬᬸᬂᬓᬂᬲᬓ᭄ᬢ᭄ᬬ᭞ᬗᬲ᭄ᬢᬡ᭄ᬦᬳᬶᬂᬦ᭄ᬕᬭᬦᬸᬲᭀᬦ᭄ᬢᬭᬵᬶ᭞ᬓᬂᬓᬳᬸᬮᬵᬳᬶᬗᬭᬡ᭄ᬦᬦ᭄ᬓᭀᬦ᭄ᬢᬮ᭄᭟ᬬᬦ᭄ᬧᬸᬦᬶᬓᬶᬳᬶᬗᬭᬡ᭄ᬦᬦ᭄ᬢᭂᬩᬶᬄ᭞ᬳᬶᬗᬸᬢᬸᬱᬵ᭞ᬳᬗᬫᬾᬢ᭄ᬲᬗ᭄ᬓᬾᬢ᭄ᬣᬵ᭞ᬳᬡ᭄ᬥᬶᬓᬵᬫᬕᬸ᭠
ᬢ᭄ᬧᬧ᭄ᬭᬂᬗᬾ᭞ᬲᬫ᭄ᬧᬸᬦ᭄ᬯᭀᬂᬘᬶᬮᬶᬳᬶᬗᬥᬹ᭞ᬳᬡ᭄ᬥᬶᬓᬵᬳᬸᬖ᭄ᬕᬵᬳᬚᬸᬭᬶᬢ᭄᭞ᬫ᭄ᬱᬄᬧ᭄ᬭᬪᬹᬦᬸᬲᭀᬦ᭄ᬢᬭᬶ᭞ᬫᬗ᭄ᬤᬵᬓᬦ᭄ᬢᭂᬦ᭄ᬳᬦ᭄ᬤᬦ᭄ᬤᬧ᭄ᬮᬸᬳᬸᬃ᭞ᬳᬗᬡ᭄ᬥᬶᬓᬵᬲᬸᬮ᭄ᬢᬦ᭄ᬳᬭᬩ᭄᭞ᬦᬶᬭᬵᬦᬸᬢ᭄ᬣᬵ᭞ᬧᬶᬦ᭄ᬢᭂᬡ᭄ᬥᬶᬡ᭄ᬦᬓ᭄ᬭᬱᬵᬧᬢ᭄ᬣᬶᬄ᭞ᬭᬢᬸᬲ
ᬓ᭄ᬢᬶᬦᬸᬲᭀᬦ᭄ᬢᬭ᭟ᬢᬡ᭄ᬥᬶᬂᬥᬸᬕ᭄ᬚᬬᬵᬮᬦ᭄ᬳᬶᬗ᭄ᬲᬸᬦ᭄ᬳᬶᬓᬶ᭞ᬳᬶᬗ᭄ᬯᬂᬳᬾᬘ᭄ᬘᬵ᭞ᬲᬓᬋᬧᬾᬲᬶᬭᬵ᭞ᬭᬚᬵᬫᬓ᭄ᬢᬮ᭄ᬲᬶᬕᬻᬯ᭄ᬭᬸᬳᬾ᭞ᬗᬫ᭄ᬩᬶᬮ᭄ᬯᬲ᭄ᬢ᭄ᬭᬵᬮᬦ᭄ᬓᬫ᭄ᬧᬸᬄ᭞ᬭᬚᬵᬫᬦ᭄ᬢᬮᬶᬂᬗ᭄ᬕᬭᬳᬕ᭄ᬮᬶᬲ᭄᭞ᬗᬫ᭄ᬩᬶᬮᬵᬓᬂᬧᭂᬲᬮᬶᬡ᭄ᬦ᭞
Kaca:Bali-lontar-gaguritan-kendit-birayung-300ppi.pdf/28
Kaca puniki sampun kauji-wacén
