[᭒᭕ 25 B]
᭒᭕
ᬤᬃᬫᬦᬶᬓᬵ᭟ᬫᬓᬤᬤᬶᬓᬂᬕᬃᬯ᭄ᬯᬵᬡ᭄ᬥᬶᬦᬵᬧᬗ᭄ᬭᬶᬳᬶᬦ᭄᭞ᬗᬡ᭄ᬥᬶᬓᬵᬭᬚᬵᬧᬹᬢᬻ᭞ᬧᬸᬦ᭄ᬓᬓᬂᬳᬶᬓᬶᬯᬵᬂᬫᬶᬲ᭄ᬓᬶᬦ᭄᭞ᬫᬹᬤᬵᬳᬶᬡ᭄ᬦᬓᬯ᭄ᬮᬲᬃᬱᬵ᭟ᬳᬶᬓᬶᬳᬶᬗᬮᬦᬂᬗᬾᬮᬦᬂᬓᬸᬫᬗᬶ᭞ᬢᬦ᭄ᬯ᭄ᬭᬸᬄᬭᬶᬂᬧᬦᬢ᭄ᬬ᭞ᬮ᭄ᬯᬶᬃ
ᬘᭀᬤᬵᬫᬦᬭᬸᬂᬢᬗ᭄ᬲᬶᬄ᭞ᬬ᭄ᬯᬓ᭄ᬢᬶᬦᬾᬳᬯᬓᬶᬗ᭄ᬯᬵᬂ᭟ᬮ᭄ᬯᬶᬃᬲᬾᬳ᭄ᬲᬾᬕᬦ᭄ᬤᬗᬮᬸᬄᬮᬗᬶᬢ᭄᭞ᬫᬗ᭄ᬓᬬ᭄ᬬᬬᬶᬳᬶᬗ᭄ᬯᬂ᭞ᬳᬦᭂᬓᬾᬫᬵᬓᭂᬦ᭄ᬓᬓᬂᬬᬸᬓ᭄ᬢᬶ᭞ᬓ᭄ᬭᬫᬵᬮᬦ᭄ᬧᬸᬢᬶᬯᬶᬪᬯ᭄ᬯᬵ᭛ᬧᬹᬄ᭞ᬲ᭄ᬫᬭᬦ᭄᭞᭛ᬯᬶᬘᬓ᭄ᬱ
ᬡ᭄ᬦᬵᬳᬬᬸᬲᬸᬕᬶᬄ᭞ᬬ᭄ᬯᬓ᭄ᬢᬶᬧᬹᬦ᭄ᬓᬓᬂᬳᬦᬶᬡ᭄ᬥᬵ᭞ᬭᬢ᭄ᬦᬵᬳᬬᬸᬳᬫ᭄ᬩᬭᬯᬶᬢ᭄ᬣᬵ᭞ᬳᬯᬲ᭄ᬤᬾᬦᬶᬭᬳᬫ᭄ᬬᬃᬱ᭞ᬧᬗᬦ᭄ᬤᬶᬓᬦ᭄ᬭᬚᬵᬧᬸᬢᬻ᭞ᬫᬺᬡ᭄ᬥᬄᬓᭂᬦᬶᬭᬵᬕᬳᬶᬓᬸ᭞ᬲᬂᬧᬸᬢ᭄ᬭᬶᬳᬫ᭄ᬩᬭᬯᬢ᭄ᬬᬵ᭟ᬳᬲ᭄ᬯ᭄ᬭᬸᬫᬾᬭᬂᬓᬗᬢ᭄ᬣᬶ᭞ᬢᬸᬫᬸ
ᬗ᭄ᬓᬸᬮ᭄ᬳᬗᬾᬤᬾᬢᬼᬫᬄ᭞ᬕᭂᬦ᭄ᬢᬶᬦᬾᬳᬶᬓᬂᬯᬶᬦᬯᭀᬲ᭄᭞ᬳᬶᬂᬓ᭄ᬥᬢᭀᬦᬸᬲᭀᬦ᭄ᬢᬭᬵ᭞ᬳᬸᬫᬸᬂᬢᬗᬶᬲᬶᬂᬚ᭄ᬭᭀᬧᬹᬭᬵ᭞ᬲᬳᬶᬘᬮᬾᬲᬂᬤ᭄ᬬᬄᬳᬬᬸ᭞ᬲᬂᬤᬾᬯᬶᬳᬫ᭄ᬩᬭᬵᬯᬢ᭄ᬬᬵ᭟ᬳᬶᬘᬮᬾᬓᬮᬦᬶᬂᬮᬢ᭄ᬭᬶ᭞ᬳᬶᬂᬤᬮᬸᬳᭂ
[᭒᭖ 26 A]
ᬫ᭄ᬩᬦ᭄ᬮᬦ᭄ᬳᬶᬜ᭞ᬓᬮᬗ᭄ᬓᬸᬂᬦ᭄ᬬᬧ᭄ᬭᬶᬳᬢ᭄ᬣᬶᬦᬾ᭞ᬳᬰ᭄ᬭᬸᬄᬧᬋᬓ᭄ᬭᬶᬂᬲᬂᬦᬢ᭄ᬣᬵ᭞ᬳᬯᭀᬢ᭄ᬲᭂᬫ᭄ᬩᬄᬲᬫ᭄ᬬᬫᬢᬹᬃ᭞ᬢᬸᬃ᭞ᬰᬶᬭᬦᬓ᭄ᬧᬤᬸᬓᬵᬤᬾᬯ᭄ᬯᬵ᭟ᬫᬦᬯ᭄ᬯᬵᬧᬡ᭄ᬥᬸᬂᬳᬶᬗᬫ᭄ᬩᬶᬮ᭄᭞ᬓᬩᬓ᭄ᬢᬵᬓᬾᬲᬄᬳᬶᬂᬧᬹᬭᬵ᭞ᬳᬶᬘᬮ᭄ᬓᬮᬵᬢ᭄ᬗᬄ
ᬯᭂᬗ᭄ᬬ᭞ᬲᬯᬶᬚᬶᬦᭀᬭᬦᬵᬯ᭄ᬭᬸᬳᬵ᭞ᬲᬓᬶᬂᬢᬶᬯᬲ᭄ᬓᬵᬳᬸᬮᬵ᭞ᬳᬗᬶᬂᬓᬳᬸᬮᬵᬳᬫᬗ᭄ᬕᬸᬄ᭞ᬲᬸᬭᬵᬢ᭄ᬭᬶᬂᬚ᭄ᬭᭀᬦᬶᬂᬫᬫᬺᬫᬦ᭄᭟ᬳᬶᬗᬸᬍᬲᬦ᭄ᬲᬸᬢ᭄ᬭᬵᬓᬸᬦᬶᬂ᭞ᬚᬶᬓᬶᬓᬳᬸᬮᬗᬢᬸᬭᬂ᭞ᬲᬶᬕᬺᬓᬢᬸᬃᬓᬂᬮᬬᬗᬾ᭞ᬢᬶ
ᬦᬫ᭄ᬧᭂᬤᬾᬦᬶᬲᬂᬦᬢ᭄ᬣᬵ᭞ᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄ᬢᬦ᭄ᬲᭂᬧᬶᬭᬵ᭞ᬲᬂᬧ᭄ᬭᬪᬹᬓᭂᬡ᭄ᬥᬓ᭄ᬩᬶᬭᬬᬸᬂ᭞ᬯᬤᬦᬵᬩᬂᬓᬢᬶᬗ᭄ᬕᬮᬦ᭄᭟ᬳᬗ᭄ᬕᬦᬾᬮ᭄ᬯᬶᬃᬫ᭄ᬢᬸᬖ᭄ᬦᬶ᭞ᬤᬳᬢ᭄ᬫᬾᬭᬂᬤᬾᬦᬶᬂᬓᬥ᭄ᬥᬂᬓᬶᬘᬮᬦ᭄ᬳᭀᬓᬵᬳᬬᬸᬦ᭄ᬧᬾᬕᬾᬕᬾᬧᬾᬃᬋᬦ᭄ᬢ
ᬗᬦ᭄ᬓᬭ᭄ᬯᬵ᭞ᬓᬸᬫᭂᬤᭀᬢ᭄ᬧᬤᬸᬦᬶᬂᬮᬢ᭄ᬬᬵ᭞ᬳᬕᬢᬶᬓ᭄ᬯᬚᬵᬦᬶᬭᬶᬓᬸ᭞ᬲᬃᬯᬶᬳᬜᬶᬗᬓᬶᬦ᭄ᬲᬭᬵᬢ᭄᭟ᬯᬶᬦᬘᬚ᭄ᬭᭀᬦᬶᬂᬳᬢ᭄ᬣᬶ᭞ᬧᬹᬦᬓᬵᬳᬮᬫ᭄ᬧᬄᬪᬹᬱ᭄ᬝᬵ᭞ᬳᬸᬫᬸᬗ᭄ᬕᬸᬄᬲᬚ᭄ᬭᭀᬦᬶᬂᬮᬬᬂ᭞ᬳᬯ᭄ᬯᬱ᭄ᬝᬵᬋᬗᬦᬶᬲ᭄ᬳᬶᬓ
Kaca:Bali-lontar-gaguritan-kendit-birayung-300ppi.pdf/26
Kaca puniki sampun kauji-wacén
