[ ᭖᭙ 69B]
᭖᭙᭞
ᬦᬶ᭟ᬢᭀᬳᬯᬦᬦ᭄ᬢᬶᬢ᭄ᬬᬂᬫᬫ᭄ᬯᬢᬂᬧᬶᬲᬦ᭄᭞ᬭᬯᬸᬄᬫᬶᬲᬤ᭄ᬬᬫᬩᬮᬶᬄ᭞ᬫᬗ᭄ᬤᬵᬢᬶᬢ᭄ᬬᬂᬢᬢᬲ᭄᭞ᬲᭀᬮᬳᬾᬗᬺᬩᬸᬢ᭄ᬩᬸᬮᬦ᭄᭞ᬦᬸᬦᭀᬗᭀᬲ᭄ᬤᬶᬤᬸᬳᬸᬃᬮᬗᬶᬢ᭄᭞ᬓᬾᬦ᭄ᬓᬾ
ᬦ᭄ᬳᬩᭂᬢᬵ᭞ᬓᭂᬦᬶᬢᬶᬢ᭄ᬬᬂᬫᬗ᭄ᬓᬶᬦ᭄ᬳᬸᬦᬶᬂ᭟ᬲᬧᬸᬦᬶᬓᬵᬧᬲᬯᬸᬃᬇᬦ᭄ᬤ᭄ᬭᬪᬗ᭄ᬲ᭄ᬯᬡ᭞ᬭᬵᬚᬧᬸᬢ᭄ᬭᬫᬜᬯᬸᬭᬶᬦ᭄᭞ᬳᬸᬲᬦᬂᬫᬯᭀᬲᬂ᭞ᬬᬦᬶᬂᬕᬸᬲ᭄ᬢᬶᬢᬸᬮᬸᬲ᭄ᬯᬾᬘ᭞ᬦᬶᬓᬳᬶᬦ᭄ᬚᬢᬶ
ᬢ᭄ᬬᬂᬫᬗ᭄ᬓᬶᬦ᭄᭞ᬤᬬᬉᬧᬬ᭞ᬫᬗ᭄ᬤᬾᬢᬶᬢ᭄ᬬᬂᬓᬭᬶᬳᬸᬭᬶᬧ᭄᭟ᬬᬦᬶᬂᬢᬶᬢ᭄ᬬᬂᬓᬭᬶ᭠ᬳᬸᬭᬶᬧ᭄ᬩᬾᬜ᭄ᬚᬂᬧ᭄ᬯᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᭀᬢᬶᬢ᭄ᬬᬂᬓᬮᬶ᭞ᬭᬶᬂᬤᬦᬾᬲᬂᬲ᭄ᬯᬾᬘ᭞ᬫᬗᬶᬘᬾᬦᬶᬦ᭄ᬲ
ᬲᬸᬧᬢᬦ᭄᭞ᬲᬳᬸᬭᬶᬧ᭄ᬭᬯᬸᬄᬓᭂᬧᬢᬶ᭞ᬢᬶᬢ᭄ᬬᬂᬢ᭄ᬯᬄᬓᬶᬲᬸᬓ᭞ᬫᬫᬜ᭄ᬚᬓ᭄ᬗᬢᬸᬭᬗᬸᬭᬶᬧ᭄᭟ᬫᬳᬯᬶᬦᬦ᭄ᬢᬶᬢ᭄ᬬᬂᬫᬢᬸᬃᬲᬧᬸᬦᬶᬓ᭞ᬫᬦᬳᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬜᬾᬬ
[ ᭗᭐ 70A]
ᬫᬺᬱᬶᬤᬬᬂ᭞ᬧ᭄ᬭᬭᬢᬸᬦᬾᬳᬲ᭄ᬬ᭞ᬬ᭄ᬯᬤᬶᬦ᭄ᬩᬮᬦᬾᬜᬋᬗᬶᬦ᭄᭞ᬧᬘᬂᬫᬗ᭄ᬭᬸᬲᬓ᭄᭞ᬲᬂᬓᬮᬵᬩᬸᬭᬓ᭄ᬱᬫᬗ᭄ᬓᬶᬦ᭄᭟ᬬᬦ᭄ᬮ᭄ᬬᬦᬦ᭄ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧᬘᬂᬫ
ᬗ᭄ᬭᬸᬲᬓ᭄ᬦᬾᬫᬗ᭄ᬓᬶᬦ᭄᭞ᬲᬂᬓᬮᬩᬸᬭᬓ᭄ᬱ᭞ᬚᬦ᭄ᬢᭂᬦ᭄ᬢᬦ᭄ᬯᬾᬦ᭄ᬢᭂᬦ᭄ᬲᬶᬤ᭄ᬥ᭞ᬲᬓᬮᬵᬩᬸᬭᬓ᭄ᬱᬫᬗ᭄ᬓᬶᬦ᭄᭞ᬤᬾᬦᬶᬂᬓᭂᬳᬸᬘᬧ᭄᭞ᬳᬸᬭᬶᬧ᭄ᬦᬾᬳᬶᬤᬫᬗᬶᬲᬶ᭟ᬓᭂᬲᬯᬸᬭᬶᬦ᭄ᬳᬦ᭄ᬢᬸ
ᬓ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬚᬕ᭄ᬧᬸᬭᬸᬦ᭄ᬫᬫᭀᬬᬦᬶᬦ᭄᭞ᬫᬲᬵᬢᬦ᭄ᬜᬶᬤᬬᬂ᭞ᬧ᭄ᬭᬚᬸᬭᬶᬢ᭄ᬲᬋᬂᬳᬲ᭄ᬬ᭞ᬫᬗᬺᬩᬸᬢ᭄ᬲᬂᬓᬮᬧᬢᬶ᭞ᬢᬦ᭄ᬯᬗ᭄ᬤᬾᬧᭂᬚᬄ᭞ᬤᬾᬦᬶᬂᬧᬸᬢ᭄ᬭᬦ᭄ᬭᬢᬸᬍᬯᬶᬄ
᭟ᬲᬧᬸᬦᬶᬓᬵᬲᬯᬸᬭᬾᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬲᬫ᭄ᬧᬸᬦ᭄ᬓᬧᬶᬋᬗᬂ᭞ᬤᬸᬭᬸᬂᬧᬸᬧᬸᬢ᭄ᬫᬭᬭᬲᬦ᭄᭞ᬓᭀᬘᬧ᭄ᬲᬂᬩᬸᬭᬓ᭄ᬱᬫᬗ᭄ᬓᬶᬦ᭄᭞ᬲᬕᬾᬢᬦ᭄ᬓᭂ᭠
Kaca:Bali-lontar-gaguritan-indra-bang-induraja-300ppi.pdf/70
Kaca puniki sampun kauji-wacén
