[ ᭗᭐ 70B]
ᬲ᭞ᬢᬗ᭄ᬕᬸᬭᬦ᭄ᬫᬸᬜᬶᬦᬾᬳᬜ᭄ᬚ᭄ᬭᬶᬢ᭄᭟ᬲ᭄ᬯᬭᬦ᭄ᬜᬦᬾᬓᬗᭂᬫ᭄ᬧᭂᬗᬶᬦ᭄ᬤᬾᬰᬤᬾᬰ᭞ᬚᭂᬚᭂᬄᬚᬤ᭄ᬫᬦᬾᬫᬶᬭᬕᬶ᭞ᬫᬓᬤᬶᬲᬂᬚ᭄ᬯᬶᬢ᭞ᬕᭂᬮᬸᬳᬶᬤᬤᬶᬢᬸᬫ᭄ᬬᬃᬱᬶ᭞ᬚᭂ
ᬚᭂᬄᬗᭂᬢᭀᬃᬧᬭᬚᬦᬶ᭞ᬩᬸᬓᬢᬦ᭄ᬧᬢ᭄ᬫ᭞ᬫᬗᭂᬢᭀᬃᬢᭂᬓᭂᬤ᭄ᬓᬕᭂᬮᬶᬄ᭟ᬭᬭᬶᬲ᭄ᬗᬸᬘᬧ᭄ᬲᬫ᭄ᬩᬶᬮ᭄ᬚᭂᬚᭂᬄᬭᬵᬚᬚ᭄ᬯᬶᬢ᭞ᬳᬸᬚᬭᬾᬗᬲᬶᬳᬲᬶᬄ᭞ᬕᬸᬲ᭄ᬢᬶᬲᬂᬢᬭᬸᬡ᭞ᬢᬸ
ᬮᬸᬗᬶᬦ᭄ᬓᭀᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬢᬦ᭄ᬧ᭄ᬭᬶᬯᬗ᭄ᬤᬾᬧᬘᬂᬫᬢᬶ᭞ᬦᬶᬓᬶᬲᬂᬓᬮ᭞ᬳᬶᬧᬸᬦ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭟ᬓᬶᬚᬮᬓᬸᬦ᭄ᬢᬶᬢ᭄ᬬᬂᬦᬾᬚᬦᬶᬫᬓᬳᬤ᭄᭞ᬮᬯᬸᬢ᭄ᬫᭂᬢᬗᬶᬭᬚ
ᬧᬸᬢ᭄ᬭᬶ᭞ᬤᬶᬢᬸᬲᬂᬢᬭᬸᬡᬵ᭞ᬗᭂᬮᬶᬲᬂᬲᬢᬗᬶᬜᭂᬫᬓ᭄᭞ᬭᬵᬚᬧᬸᬢ᭄ᬭᬶᬮᬯᬸᬢ᭄ᬓᬩᬶᬦ᭄᭞ᬳᬦ᭄ᬢᬸᬓ᭄ᬲᬂᬢ᭄ᬭᬸᬡᬵ᭞ᬲᬃᬯ᭄ᬯᬗᬲ᭄ᬢᬸᬢᬶᬯᬶᬥᬶ᭟ᬫᬗ᭄ᬤᬾᬦᬸᬮᬸᬲ᭄ᬳᬶᬤᬗᬶᬲᬾᬦ᭄ᬓᬭᬳᬬ᭄ᬯᬦ᭄
[ ᭗᭑ 71A]
ᬭᬭᬶᬲ᭄ᬗᬸᬘᬧ᭄ᬫᬦᬓᭀᬦᬶᬦ᭄᭞ᬲᬂᬧᬸᬢ᭄ᬭᬶᬳᬶᬭᬶᬓᬵ ᭞ᬇᬗ᭄ᬕᬶᬄᬭᬢᬸᬳᬢ᭄ᬫᬚᬶᬯᬵ᭞ᬭᬢᬸᬫᬵᬲ᭄ᬢᬶᬢ᭄ᬬᬗᬾᬕᬸᬲ᭄ᬢᬶ᭞ᬦᬾᬫᬗ᭄ᬓᬶᬦ᭄ᬤᬶᬚᬵ᭞ᬢᬢᬕᭀᬦᬦ᭄ᬳᬶᬕᬸᬲ᭄ᬢᬶ᭟ᬭᬵᬚᬧᬸᬢ᭄ᬭᬶ
ᬫᬲᬢᬸᬃᬲᬲᬶᬫ᭄ᬩᬶᬂᬓᬭᬾᬫᭀᬦᬂ᭞ᬲᬸᬩᬢᬯᬂᬩ᭄ᬯᬶᬦ᭄ᬢᬦ᭄ᬤ᭄ᬭᬸᬳᬶᬦ᭄᭞ᬲᬦᬾᬲᬸᬩ᭠ᬳᬩ᭞ᬳᭂᬦ᭄ᬢᭀᬳᬮᬶᬄᬫᬳᬶᬍᬳᬦ᭄᭞ᬕ᭄ᬮᬗ᭄ᬕᬗᬾᬩ᭄ᬯᬶᬦ᭄ᬲᬯᬸᬗᬶᬦ᭄᭞ᬜᬾᬦ᭄ᬗᬤᬾᬦ᭄ᬢᬸᬫ᭄ᬩ
ᬓ᭄᭞ᬚᬢᬶᬦᬾᬫᬲᬶᬄᬢᬶᬳᬶᬂ᭟ᬉᬧᬫᬶᬬᬂᬩᬸᬓᬳᬦᬓᬾᬦᬗ᭄ᬕᬮ᭞ᬘᭂᬍᬓᬂᬬᬩᬤᬗᬶᬦ᭄᭞ᬳᭂᬦ᭄ᬤᬕ᭄ᬩᬤᬯᬸᬳᬦ᭄᭞ᬩᬸᬓᬳᭂᬦ᭄ᬢᭀᬳᬶᬯᬬᬂ᭞ᬮ᭄ᬬᬸᬕᭀᬩᬮᬾᬦ᭄ᬳᬤᬦᬶᬦ᭄᭞
ᬮᬯᬸᬢ᭄ᬲᭀᬮᬳᬂ᭞ᬚᬢᬶᬦᬾᬚᬮ᭄ᬫᬳᬩᭂᬲᬶᬓ᭄᭟ᬫᬗᬸᬘᬧᬂᬜᬭᬶᬢᬬᬂᬚᭂᬮᬾᬫᭂᬮᬄ᭞ᬳᬤᬳᬶᬤᬸᬧ᭄ᬳᬤᬫᬢᬶ᭞ᬬᬦ᭄ᬲᬸᬳᬸᬤ᭄ᬜ᭄ᬬᬢᬂ᭞ᬧᭂᬦ᭄ᬧᭂᬦ᭄ᬤᬤ᭄ᬬᬂᬳᬕ᭄ᬭᭀᬩᬕ᭄᭞ᬓᬾ
Kaca:Bali-lontar-gaguritan-indra-bang-induraja-300ppi.pdf/71
Kaca puniki sampun kauji-wacén
