[ ᭖᭘ 68B]
᭖᭘᭞
ᬢᬂ᭞ᬤᬶᬩᬯᭀᬂᬓᬸᬤᬦᬾ ᬕᭂᬮᬶᬲ᭄᭟ᬭᬶᬂᬲᬫ᭄ᬧᬸᬦᬾᬧᬸᬧᬸᬢ᭄ᬚ᭄ᬭᬢᬾᬓᭂᬧᬲᬗᬂ᭞ᬤᬶᬤᬸᬳᬸᬃᬩᬜ᭄ᬚᬦᬩᭂᬲᬶ᭞ᬭᬶᬂᬲᬂᬭᬵᬚᬧᬸᬢ᭄ᬭ᭞ᬮᬯᬸᬢ᭄ᬳᬶᬤᬫᬗᬦ᭄ᬤᬶᬓᬵ᭞ᬚᬭᬦᬾᬓᬧᬶ
ᬢᬸᬢᬸᬭᬶᬦ᭄᭞ᬲᬳᬵ ᬧᬶᬢᭂᬓᭂᬢ᭄᭞ᬳᬤᬸᬄᬘᬳᬶᬚᬗ᭄ᬕᬶᬅᬃᬚ᭄ᬚᬶᬫ᭄᭟ᬮᬫᬸᬦ᭄ᬢᭂᬓᬵᬳᭂᬦ᭄ᬢᭀᬳᬶᬓᬮᬩᬸᬭᬓ᭄ᬱ᭞ᬫᬗᬶᬦᬸᬫ᭄ᬢᭀᬬᬤᬶᬦᬶ᭞ᬢᭀᬲᬳᬶᬳᬶᬗᭂᬢᬂ᭞ᬢᬮᬶᬦᬾᬓ
ᬢᬸᬢ᭄ᬓᭂᬤᭂᬗᬂ᭞ᬧᬂᬫᬓᬺᬢᬦ᭄ᬚ᭄ᬭᬢᬾᬤᬤᬶ᭞ᬬᬦ᭄ᬲᬸᬩᬓ᭄ᬦᬵ᭞ᬳᬢᬢ᭄ᬧᭂᬮᬳᬶᬩᬂᬚᬦᬶ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬩᭂᬲᭂᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬚᬮᬦ᭄ᬩᭂᬱᬵᬗᬶᬗᭂᬫᬸᬜᬶ᭞ᬮᬯᬸᬢ᭄ᬳᬶᬤᬫᬸ
ᬗ᭄ᬕᬄ᭞ᬓᭂᬩᬮᬾᬢᭂᬕᭂᬄᬫᬦᭂᬕᬓ᭄᭞ᬭᬶᬂᬳᬬᬸᬦ᭄ᬲᬂᬭᬵᬚᬚ᭄ᬯᬶᬢ᭞ᬫᬋᬧᬋᬧᬦ᭄᭞ᬳᬶᬤᬤᬶᬢᬸᬫᬮᬶᬗ᭄ᬕᬶᬄ᭟ᬭᬵᬚᬧᬸᬢ᭄ᬭᬶᬮᬯᬸᬢ᭄ᬜᬧᬲᬂᬢᬭᬸᬡ᭞ᬓᬾᬗᬶᬦ᭄ᬢᬦ᭄ᬯ᭄ᬭᬸᬄᬢᬶᬢ᭄ᬬᬵᬂ
[ ᭖᭙ 69A]
ᬫᬗ᭄ᬓᬶᬦ᭄᭞ᬕᬸᬲ᭄ᬢᬶᬲᬧᬲᬶᬭ᭞ᬬᬦ᭄ᬫᬸᬗ᭄ᬕ᭄ᬯᬶᬂᬳᬦ᭄ᬢᬸᬓ᭄ᬧᬭᬩ᭄᭞ᬫᬶᬯᬄᬧᬦᬵᬕᬭᬦ᭄ᬕᬸᬲ᭄ᬢᬶ᭞ᬲᬓᬶᬂᬧᬸᬦᬧᬵ᭞ᬦ᭄ᬤᬶᬓᬬᬂᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬓᭂᬲᬳᬸᬭᬶᬦ᭄ᬳᬦ᭄ᬢᬸᬓ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬇᬗ᭄ᬕᬶᬄᬬᬦᬶᬂ
ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬦᬾᬦ᭄ᬢᭂᬦ᭄ᬤ᭄ᬭᬸᬯᬾᬯᬲ᭄ᬢᬵ᭞ᬢᬦᬸᬦᬶᬂᬭᬶᬂᬫᬾᬫᬾᬩᬧ᭞ᬳᬾᬮᬶᬂᬢᬶᬢ᭄ᬬᬂᬲᬓᬶᬂᬳᬮᬶᬢ᭄᭞ᬦᭀᬗᭀᬲ᭄ᬤᬶᬳᬮᬲ᭄᭞ᬤᬸᬭᬸᬂᬳᬸᬦᬶᬂᬭᬶᬂᬦᬵᬕᬭᬶ᭟ᬲᬦᬾ ᬫᬗ᭄ᬓᬶᬦ᭄ᬫᬸᬳᬯᬶᬦᬦ᭄ᬢᬶ
ᬢ᭄ᬬᬂᬢᭂᬓᬵ᭞ᬯᬦ᭄ᬢᬄᬲᬤ᭄ᬬᬫᬩᬮᬶᬄ᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬳᭀᬃᬣ᭞ᬧᬶᬭᬕᬶᬦ᭄ᬢᬶᬢ᭄ᬬᬂᬧ᭄ᬭᬂ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬧᬭᬚᬸᬭᬶᬢ᭄᭞ᬲᬋᬂᬳᬲ᭄ᬬ᭞ᬚᬕᬵᬗᬺᬩᬸᬢᬶᬦ᭄ᬲᬂᬧᬸᬢ᭄ᬭᬶ᭟ᬓᬮᬶᬄᬧᬘᬂ
ᬗ᭄ᬭᬩᬸᬢ᭄ᬗ᭄ᬭᬸᬲᬓ᭄ᬳᬶᬩᬸᬭᬓ᭄ᬱ᭞ᬢᬶᬢ᭄ᬬᬂᬫᬫᬦᬄᬳᬸᬦᬶᬂ᭞ᬚᬕᬫᬗᬦ᭄ᬢᭂᬦᬂ᭞ᬢᬶᬗ᭄ᬓᬄᬧ᭄ᬭᬚᬸᬭᬶᬢ᭄ᬧᬸᬦᬶᬓᬵ᭞ᬢᬗ᭄ᬓᭂᬧ᭄ᬦᬾᬧᬘᬂᬗᬺᬩᬸᬢᬶᬦ᭄᭞ᬬᬦ᭄ᬳᬫ᭄ᬩᬸᬮ᭄ᬳᬧ᭞ᬓᬰᬓ᭄ᬢ᭄ᬬᬦ᭄ᬜᬦᬾᬚ
Kaca:Bali-lontar-gaguritan-indra-bang-induraja-300ppi.pdf/69
Kaca puniki sampun kauji-wacén
