[ ᭑᭘᭔ 184B]
᭑᭘᭔᭞
ᬗᬸᬤᬲᬧᬸᬦᬶᬓᬩᭂᬮᬶ᭞ᬫᬓᬬᬸᬦ᭄ᬮᬸᬗ᭄ᬳ᭞ᬫᭂᬮᬲᬶᬦ᭄ᬢᬶᬢ᭄ᬬᬂᬇᬭᬶᬓᬶ᭟ᬲᬧᬲᬶᬭ᭞ᬚᬕᬓᬸᬫᬦ᭄ᬤᭂᬮ᭄ᬢᬶᬢ᭄ᬬᬂ᭞ᬩᭂᬮᬶᬧᬘᬂᬫᬦᬶᬗ᭄ᬕᬮᬶᬦ᭄᭞ᬓᬮᬶᬄᬬᬦᬵᬕᬭ᭞ᬫᬮᬶᬄᬳᬶᬤᬳᬶ
ᬩᬧ᭞ᬫᬶᬯᬄᬩ᭄ᬬᬂᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬓᬾᬢᭀᬩᬦ᭄ᬳᬶᬤ᭞ᬜᬯᬸᬭᬶᬦ᭄ᬭᬓᬦᬾᬫᬗ᭄ᬓᬶᬦ᭄᭞ᬓᭂᬲᬯᬸᬭᬶᬦ᭄ᬳᬦ᭄ᬢᬸᬓ᭄ᬳᬶᬦ᭄ᬤ᭄ᬭᬲᬧ᭄ᬭᬬᬡ᭞ᬉᬤᬸᬄᬫᬲ᭄ᬢᬶᬢ᭄ᬬᬗᬾᬳᬤᬶ᭞ᬲᬫ᭄ᬧᬸᬦᬂᬩᬲ᭄ᬧ
ᬜ᭄ᬚᬂ᭞ᬳᬤᬶᬫᬫᬶᬦᭂᬳᬶᬦ᭄ᬢᬶᬢ᭄ᬬᬂ᭞ᬤᬶᬗ᭄ᬓᬾᬦ᭄ᬩᭂᬮᬶᬚᬕᬮᬮᬶ᭞ᬫᬜᬫᬳᬤᬶ᭞ᬩᬲ᭄ᬩᬋᬂᬳᬚᬓ᭄ᬫᬶᬚᬶᬮ᭄᭟ᬲᬓᬾᬯᬦ᭄ᬢᭂᬦ᭄ᬩᭂᬮᬶᬫᬗᭀᬃᬢ᭄ᬢᬶᬬᬂ᭞ᬢᬶᬗ᭄ᬓᬄᬳᬦᬓᬾᬤᬸᬫᬤᬶ᭞ᬫᭂᬦᬤᬶᬫ
ᬦᬸᬱ᭞ᬢ᭄ᬯᬭᬮᬾᬦ᭄ᬧᬘᬂᬧᬶᬦ᭄ᬤ᭄ᬭᬶᬳᬂ᭞ᬢ᭄ᬯᬄᬯᬶᬪᬯᬦᬾᬢᭀᬳᬮᬶᬄ᭞ᬬᬦᬶᬂᬓᬲᬶᬤ᭄ᬥᬦ᭄᭞ᬫᬸᬂᬧᬸᬂᬲᭂᬓᬮᬂᬦᬸᬳᬸᬭᬶᬧ᭄᭟ᬤᬾᬦᬶᬂᬓᭀᬘᬧ᭄ᬤᬶᬳᬶᬤᬸᬧᬾᬗᬮᬶᬄᬍᬕ᭞ᬲ᭄ᬯᬃᬕ᭄ᬕᬵ
[ ᭑᭘᭕ 185A]
ᬓᬭᬓᬢ᭄ᬯᬄᬤᬶᬦᬶ᭞ᬲᬗ᭄ᬓᬦ᭄ᬜᬓ᭄ᬦᬸᬬᬸᬳᬂ᭞ᬫᬦᬸᬱᬦᬾᬫᬧᬸᬕᬮ᭞ᬳᬧᬂᬩᬓᬵᬢ᭄ᬧᬸᬧᬸᬚᬦᬶ᭞ᬦᬾᬫᬦᬶᬧ᭄ᬯᬦ᭄᭞ᬜᭂᬦ᭄ᬚᬧᬘᬂᬦᬸᬓᬶᬦ᭄᭟ᬲᬧᬸᬦᬶᬓᬵᬧᬲᬯᬸᬃᬇᬦ᭄ᬤ᭄ᬭᬵ
ᬲᬧ᭄ᬭᬶᬬᬡ᭞ᬢᬢᬲ᭄ᬲᬫ᭄ᬧᬸᬦ᭄ᬓᬧᬶᬳᬃᬱᬶ᭞ᬭᬶᬂᬭᬵᬚᬩᬗ᭄ᬲ᭄ᬯᬡ᭞ᬧᬶᬢᬸᬢᬸᬃᬭᬓᬦᬾᬧᬜ᭄ᬚᬂ᭞ᬤᬤᬶᬓᬧᬶᬦᭂᬄᬤᬶᬳᬢᬶ᭞ᬮᬯᬸᬢ᭄ᬫᬦᬶᬫ᭄ᬩᬮ᭄᭞ᬳᬸᬚᬭᬾᬳᬭᬸᬫᬫᬦᬶᬲ᭄᭟ᬇᬗ᭄ᬕᬶᬄᬩᭂ᭠
ᬮᬶᬳᬫ᭄ᬧᬸᬭᬳᬸᬕᬶᬢᬶᬢ᭄ᬬᬂ᭞ᬧᬢᬸᬢ᭄ᬯᬘᬦᬦ᭄ᬩᭂᬮᬶ᭞ᬭᬾᬳᬶᬂᬓᬫᬦᬸᬱᬦ᭄᭞ᬩᭂᬮᬶᬲᬋᬂᬭᬶᬂᬢᬶᬢ᭄ᬬᬂ᭞ᬓᬫᬺᬘᬧᬤᬦᬸᬫᬶᬦᬶᬸᬳᬶᬲ᭄᭞ᬓᬾᬗᬶᬦ᭄ᬫᬜᬫ᭞ᬢᬶᬢ᭄ᬬᬂᬫᬦᬶᬭᬶᬂᬩᭂᬮᬶ᭟ᬯᬦ᭄ᬢᬄᬲ
ᬫᬶᬫᬫᬶᬦ᭄ᬤ᭄ᬭᬶᬄᬳᬓᬯᬶᬪᬯᬦ᭄᭞ᬯᬶᬭᬾᬄᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬓᬮᬸᬕ᭄ᬭᬳ᭞ᬭᬶᬂᬲᬂᬳ᭄ᬬᬂᬯᬶᬤᬶᬯᬰ᭞ᬓᬶᬘᬾᬦ᭄ᬳᬶᬭᬶᬓᬶᬗᬕᬸᬗᬶᬦ᭄᭞ᬳᬦ᭄ᬢᬸᬓ᭄ᬳᬶᬩᬧ᭞ᬜᬓ᭄ᬭᬯᬺᬢ᭄ᬢᬶᬭᬶᬂᬦᬵᬕᬭᬶ
Kaca:Bali-lontar-gaguritan-indra-bang-induraja-300ppi.pdf/185
Kaca puniki sampun kauji-wacén
