[ ᭑᭘᭓ 183B]
᭑᭘᭓᭞
ᬯᬂᬘᬦ᭞ᬢᬸᬫᬸᬮᬶᬭᬭᬶᬲ᭄ᬫᬧᬫᬶᬢ᭄᭞ᬲᬳᬫᬜᬸᬫ᭄ᬩᬄ᭞ᬳᬶᬩᬸᬫᬶᬯᬄᬭᬶᬂᬳᬚᬶ᭟ᬮᬯᬸᬢ᭄ᬫᬫᬃᬕ᭄ᬕᬶᬭᬤᬾᬦᬵᬳᬶᬦ᭄ᬤ᭄ᬭᬩᬶᬸᬗ᭄ᬲᬶᬸᬲᬧ᭄ᬭ᭄ᬬᬡ᭞ᬭᬳᬶᬦᬾ ᬓᬳᭀᬚᭀᬕ᭄ᬫᬗ᭄ᬓᬶᬦ᭄᭞
ᬓᭀᬘᬧ᭄ᬭᬯᬸᬄᬳᬶᬭᬶᬓ᭞ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬫᬜᬶᬗᬓ᭄᭞ᬭᬓᬦ᭄ᬳᬶᬤᬭᬯᬸᬄᬫᬗ᭄ᬓᬶᬦ᭄᭞ᬭᬭᬶᬲ᭄ᬢᭂᬥᬸᬦᬦ᭄᭞ᬲᬂᬧ᭄ᬭᬪᬸᬗᬫ᭄ᬩᬶᬮ᭄ᬕᭂᬮᬶᬲ᭄᭟ᬢᬗᬦ᭄ᬭᬓᬦᬾᬮᬯᬸᬢ᭄ᬓᬤᬦ᭄ᬤᬦ᭄᭞ᬫᬸ
ᬗ᭄ᬕᬳᬦ᭄ᬲᬋᬂᬫᬮᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬲᬫᬶᬦᬧᬓ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᬜᬧ᭞ᬉᬤᬸᬄᬫᬲ᭄ᬢᬶᬢ᭄ᬬᬗᬾᬩᭂᬮᬶ᭞ᬧᬸᬦᬧᬶᬓᬃᬬ᭄ᬬ᭞ᬭᬯᬸᬄᬳᬸᬮᬢ᭄ᬧ᭄ᬭᬦᬳᬢᬶ᭟ᬬᬦᬶᬂᬤᬤᭀᬲ᭄ᬩᭂᬘᬶ
ᬓ᭄ᬫᬗ᭄ᬓᬶᬦ᭄ᬯᬘᬦᬬᬂ᭞ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬜᬯᬸᬭᬶᬦ᭄᭞ᬧᬢᬸᬢ᭄ᬩᭂᬮᬶᬲᬤ᭄ᬬ᭞ᬭᬯᬸᬄᬫᬢᬸᬃᬧᬗᬸᬦᬶᬗ᭞ᬭᬶᬂᬳᬤᬶᬧ᭄ᬭᬪᬸᬦᬾᬫᬗ᭄ᬓᬶᬦ᭄᭞ᬧᬘᬂᬫᬦᬸᬦᬲ᭄᭞ᬮᬸᬕ᭄ᬭᬩᭂᬮᬶᬫᬧᬫᬶᬢ᭄᭟᭠
[ ᭑᭘᭔ 184A]
ᬚᬕᬮᬗ᭄ᬳᬫᬦᬶᬜ᭄ᬚᭀᬦᬵᬕᬭ᭞ᬳᬶᬭᬶᬓᬵᬭᬶᬂᬳᬦ᭄ᬢᬄᬩ᭄ᬭᬳᬶ᭞ᬤᬾᬦᬶᬂᬮᬫᬶᬧᬶᬲᬦ᭄᭞ᬩᬶᬮᬶᬦᬶᬗ᭄ᬕᬮᬶᬦᬵᬕᬭ᭞ᬲᬋᬂᬤᬾᬯᬶᬭᬢ᭄ᬦᬵᬲᬭᬶ᭞ᬳᬶᬧᬾᬦ᭄ᬳᬶᬤᬾᬯ᭞ᬫᬫ
ᬦᬄᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭟ᬓᬮᬶᬄᬬᬦᬶᬂᬫ᭄ᬭᬲᬶᬤᬬᬂ᭞ᬫᬦᬄᬩᭂᬮᬶᬦᬾᬫᬗ᭄ᬓᬶᬦ᭄᭞ᬚᬕᬫᬫᬘᬶᬓᬂ᭞ᬦᬵᬕᬭᬦᬾ ᬧᬸᬦᬶᬓ᭞ᬲᬬᬂᬬᬦ᭄ᬧᬘᬂᬓᬮᬳᬶᬦ᭄᭞ᬤᬾᬦᬶᬂᬓᬳᬸᬘ
ᬧ᭄᭞ᬦᬵᬕᬭᬭᬶᬂᬳᬦ᭄ᬢᬭᬳᬶ᭟ᬓᭀᬘᬧ᭄ᬢᬸᬗ᭄ᬕᬶᬦ᭄ᬢᭂᬓᬾᬦ᭄ᬳᬦ᭄ᬢᬧ᭄ᬭᬫᬦ᭞ᬧᬸᬦᬶᬓᬳᬯᬶᬦᬦ᭄ᬩᭂᬮᬶ᭞ᬫᬫᬦᬄᬜᬳᬢᬂ᭞ᬫᬗ᭄ᬤᬫᬮᬶᬄᬓᬤᬶᬓᬸᬦ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬤᬸᬯᬾᬦ᭄ᬳ
ᬤᬶ᭞ᬫᬦᬶᬓᭀᬫᬮ᭞ᬇᬓ᭄ᬫᬢᬾᬓᭂᬦ᭄ᬤᭂᬮᬂᬩᭂᬮᬶ᭟ᬲᬧᬸᬦᬶᬓᬵᬧᬡ᭄ᬥᬶᬓᬦ᭄ᬳᬶᬦ᭄ᬤ᭄ᬭᬵᬲᬧ᭄ᬭ᭄ᬬᬡ᭞ᬭᬶᬂᬭᬳᬶᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬩᬗ᭄ᬲ᭄ᬯᬡ᭞ᬕᭂᬮᬶᬲ᭄ᬫᬲᬯᬸᬃᬦᬶᬫ᭄ᬩᬮ᭄᭞
Kaca:Bali-lontar-gaguritan-indra-bang-induraja-300ppi.pdf/184
Kaca puniki sampun kauji-wacén
