[ ᭑᭘᭕ 185B]
᭑᭘᭕᭞
᭟ᬧᬢᬸᬢ᭄ᬧᬶᬲᬦ᭄ᬩᭂᬮᬶᬫᬗ᭄ᬓᬶᬦ᭄ᬓᬬᬸᬦ᭄ᬮᬸᬗ᭄ᬳ᭞ᬓᬦᬵᬕᬭᬳᬦ᭄ᬯᬩ᭄ᬭᬳᬶ᭞ᬧᬘᬂᬫᬫᬢᬸᬢᬂ᭞ᬦᬵᬕᬭᬦᬾᬳᬶᬭᬶᬓ᭞ᬯᬶᬭᬾᬄᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬤ᭄ᬫᬶ᭞ᬢᬶᬢ᭄ᬬᬂᬗᬢᬸᬭᬂ᭞ᬓᬳᬸᬮᬲ
ᬓᬶᬂᬳᬶᬭᬶᬓᬶ᭟ᬬᬦ᭄ᬳᬓᬸᬤᬓᬬᬸᬦ᭄ᬩᭂᬮᬶᬫᬳᬶᬭᬶᬗᬦ᭄᭞ᬭᬭᬶᬲᬂᬩᭂᬮᬶᬗᭂᬲᬾᬗᬶᬦ᭄᭞ᬬ᭄ᬯᬤᬶᬦ᭄ᬧᬭᬫᬾᬦᬓ᭄᭞ᬭᬭᬶᬲᬂᬲᭂᬮᬶᬃᬳᬶᬭᬶᬓ᭞ᬳᭂᬗ᭄ᬓᬾᬦᬵᬚᬲᭂᬦᭂᬗᬶᬦ᭄ᬩᭂᬮᬶ᭞ᬗᬗ᭄ᬕᬾᬦ᭄ᬧᬋᬓ
ᬦ᭄᭞ᬧᬸᬦᬶᬓᬵᬦᬶᬓᬬᬂᬗᬶᬭᬶᬂ᭟ᬫᬮᬶᬄᬦᬵᬕᬭᬦᬾᬳᬦ᭄ᬢᬄᬧ᭄ᬭᬫᬡ᭞ᬳᬢᬸᬭᬂᬢᬶᬢ᭄ᬬᬂᬭᬶᬂᬩᭂᬮᬶ᭞ᬮᬾᬤᬂᬧᭂᬓᬬᬸᬦᬦ᭄᭞ᬩᭂᬮᬶᬫᬯᭀᬲᬶᬦ᭄ᬳᬶᬭᬶᬓ᭞ᬯᬶᬭᬾᬄᬤᬭᬵᬚᬮ
ᬩᬶ᭞ᬲᬫ᭄ᬧᬸᬦ᭄ᬫᬶᬘᬬᬂ᭞ᬚᬕᬢᬾᬭᬶᬂᬢᬶᬢ᭄ᬬᬂᬲᬫᬶ᭟ᬮᬧᬸᬦᬶᬓᬳᬢᬸᬭᬾᬭᬵᬚᬩᬗ᭄ᬲ᭄ᬯᬡ᭞ᬭᬓᬦᬾᬢᬢᬲ᭄ᬫᬶᬳᬃᬱᬶ᭞ᬲᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬮᬾᬤᬂᬓᬬᬸᬦᬾᬓᬮᬶᬦ᭄ᬢᬂ᭞ᬢᬸᬫᬸᬮᬶ
[ ᭑᭘᭖ 186A]
ᬫᬲᬯᬸᬃᬳᬶᬭᬶᬲ᭄ᬳᬸᬤᬸᬄᬫᬲ᭄ᬫᬶᬭᬄ᭞ᬮᬫᬸᬦ᭄ᬓᬾᬢᭀᬓᬬᬸᬦ᭄ᬳᬤᬶ᭟ᬩᭂᬮᬶᬯᬦ᭄ᬢᬄᬧᬶᬢᭂᬮᬲ᭄ᬦᬭᬶᬫᬧᬶᬲᬦ᭄᭞ᬓᬍᬕᬦ᭄ᬳᬤᬶᬦᬾᬩᭂᬮᬶᬄ᭞ᬇᬭᬶᬓᬩᬮᬂᬦᬸᬦᬲ᭄᭞ᬚᬮ᭄ᬫᬶᬢ᭄ᬯᬄᬤ᭄ᬯᬂᬤ
ᬰ᭞ᬫᬗ᭄ᬤ?ᬯᬾᬦ᭄ᬢᭂᬦ᭄ᬳᬚᬓ᭄ᬩᭂᬮᬶ᭞ᬧᬘᬂᬩᬂ᭞ᬓᭀᬢᬦᬾᬭᬶᬦ᭄ᬢᬩ᭄ᬭᬳᬶ᭟ᬯᬢᭂᬓ᭄ᬫᬾᬦᬓ᭄ᬩᭂᬮᬶᬦᬸᬦ?ᬲ᭄ᬢᬯᬄᬦ᭄ᬩᭂᬮᬲ᭄᭞ᬧᬘᬂᬦᬫ᭄ᬧᬶᬄᬳᬯᬓ᭄ᬩᭂᬮᬶ᭞ᬬᬾᬦ᭄ᬳᭂᬦ᭄ᬢᭀᬦᬾᬧ
ᬢᬦ᭄ᬧᬢ᭄᭞ᬲᭀᬭᭀᬄᬧᬋᬓᬦ᭄ᬭᭀᬩᬦ᭄᭞ᬧᬘᬂᬳᬚᬓ᭄ᬩᭂᬮᬶᬫᬢᬶ᭞ᬇᬦ᭄ᬤ᭄ᬭᬵᬩᬗ᭄ᬲ᭄ᬯᬡ᭞ᬳᬶᬚᬸᬮᬯᬸᬢ᭄ᬩᬯᬸᬭᬶᬦ᭄᭟ᬇᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂᬧᭂᬓᬬᬸᬦᬦ᭄᭞ᬲᬭᬮᬾᬤᬂᬓ
ᬬᬸᬦ᭄ᬩᭂᬮᬶ᭞ᬢᬶᬢ᭄ᬬᬂᬫᭂᬗᬢᬸᬭᬂ᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬦᬯᭂᬕᬂ᭞ᬫᬗ᭄ᬤᬩᭂᬮᬶᬳᬾᬮᬶᬂᬳᬸᬕᬶ᭞᭠ᬫᭂᬜᬫᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬧᬶᬲᬦ᭄ᬮᬮᬶ᭟ᬳᬦ᭄ᬢᬸᬓ᭄ᬫᬗ᭄ᬓᬶᬦ᭄ᬧᬘᬂᬩᭂᬮᬲ᭄ᬫᬳᭂᬤᭀᬳᬦ᭄᭞ᬢᬶᬢ᭄ᬬᬂ
Kaca:Bali-lontar-gaguritan-indra-bang-induraja-300ppi.pdf/186
Kaca puniki sampun kauji-wacén
