[ ᭑᭗᭙ 179B]
᭑᭗᭙᭞
ᬗ᭄ᬲ᭄ᬯᬡᬓᬯᬸᬯᬸᬲ᭄᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬭᬶᬂᬧᬭᬧᬸᬢ᭄ᬭᬦᬾᬲᬫᬶ᭟ᬉᬤᬸᬄᬳᬤᬶᬫᬓᬲᬫ᭄ᬬᬦ᭄᭞ᬯᬶᬭᬾᬄᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬃᬬ᭄ᬬᬦᬾᬳᬶᬭᬶᬓᬶ᭞ᬫ᭄ᬭᬶᬓᬳᬤᬶᬫᬦ᭄ᬢᬸᬓ᭄ᬤᬸᬫᬸᬦ᭄᭞
ᬲᬋᬂᬲᬫᬶᬓᬦᬵᬕᬭ᭞ᬧᬮᬭᬵᬚᬭᬶᬂᬧᬸᬭᬶᬦ᭄ᬳᬤᬶᬦᬾᬫᬮᬸ᭞ᬩᬾᬜ᭄ᬚᬂᬧᬸᬗ᭄ᬓᬸᬃᬬᬦᬶᬂᬯᬾᬦ᭄ᬢᭂᬦ᭄᭞ᬓᬃᬬ᭄ᬬᬦ᭄ᬩᭂᬮᬶᬦᬾᬳᬶᬭᬶᬓᬶ᭟ᬚᬦ᭄ᬢᭂᬦ᭄ᬩᭂᬮᬶᬗᭂᬫᬃᬕ᭄ᬕᬶᬬᬂ᭞ᬧᬜ᭄ᬚᬓ᭄ᬲᬓᬶᬂᬳᬶᬭᬶᬓᬶᬫ᭠
ᬢᬸᬃᬧᬶᬳᬸᬦᬶᬂ᭞ᬓᬾᬢᭀᬧᬦ᭄ᬡ᭄ᬥᬶᬓᬦ᭄ᬲᬂᬧ᭄ᬭᬪᬸ᭞ᬭᬵᬚᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧ᭄ᬭᬧᬸᬢ᭄ᬭᬦᬾᬫᬩ᭄ᬭᬶᬬᬸᬓ᭄ᬤᬶᬢᬸᬫᬳᬢᬸᬃ᭞ᬧ᭄ᬭᬦᬫ᭄ᬬᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢᬶ᭟ᬢᬶ
ᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬫᬯᬘᬦᬦ᭄ᬧᬤᬸᬓᬰ᭄ᬭᬶᬪᬸᬧᬢᬶ᭞ᬓᬦ᭄ᬧᬲᬄᬢᬶᬢ᭄ᬬᬂ᭠ᬫᬜᬸᬳᬸᬦ᭄᭞ᬘᭀᬓᭀᬃᬤ᭄ᬥᬭᬶᬂᬩᬸᬦ᭄ᬩᬸᬦᬦ᭄᭞ᬲᬋᬂᬲᬫᬶᬧᬸᬧᬸᬢ᭄ᬲᬧᬶᬲᬦ᭄ᬓᭂᬳᬢᬸᬃ᭞ᬳᬸᬭᬶᬧ᭄ᬢᬶ
[ ᭑᭘᭐ 180A]
ᬢ᭄ᬬᬂᬭᬶᬂᬳᬶᬤᬾᬯ᭞ᬲᬫ᭄ᬧᬸᬦᬂᬳᬶᬭᬢᬸᬮᬮᬶ᭟ᬫᬮᬶᬄᬢᬶᬢ᭄ᬬᬂᬗᬭᬶᬳᬶᬦᬂ᭞ᬫᬗᬢᬸᬭ᭠ᬭᬂᬧᬶᬳᬸᬦᬶᬂᬭᬶᬂᬰ᭄ᬭᬷᬪᬸᬧᬢᬶ᭞ᬓᭂᬦᬶᬲᬫ᭄ᬧᬸᬦ᭄ᬲᬶᬗ᭄ᬲᬮ᭄ᬓᬬᬸᬦ᭄᭞ᬇᬭᬢᬸᬗᬗ᭄ᬕᬾᬦ᭄ᬧᬋᬓᬦ᭄᭞
ᬳᬦ᭄ᬢᬸᬓ᭄ᬳᬤᭀᬄᬧᬦᬵᬕᬭᬦ᭄ᬢᬶᬢ᭄ᬬᬂᬭᬢᬸ᭞ᬚᬕᬭᬯᬸᬄᬗᬢᬶᬩᬦ᭄᭞ᬧᭂᬤᭂᬓ᭄ᬗᬢᬸᬭᬂᬉᬧᭂᬢᬶ᭟ᬓᬾᬢᭀᬳᬢᬸᬃᬲᬂᬧ᭄ᬭᬧᬸᬢ᭄ᬭ᭞ᬤᬶᬢᬸᬮᬯᬸᬢ᭄ᬭᬚᬫᬸᬤᬫᬜᬮᬶᬦᬶᬦ᭄᭞
ᬲᬋᬂᬳᬲ᭄ᬬᬫᬦᬬᬸᬓ᭄᭞ᬢᬸᬃᬤᬶᬢᬸᬫᬳᬸᬪᬬ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬭᬭᬶᬲ᭄ᬓᬳᬶᬘᬾᬦ᭄ᬧᬲᬮᬸᬓ᭄᭞ᬧᭂᬗᬗ᭄ᬕᬾᬓ᭄ᬭᬚᬳᬦ᭄᭞ᬲᭀᬭᭀᬄᬲᬦᬾᬍᬯᬶᬍᬯᬶᬄ᭟ᬳᭂᬫᬲ᭄ᬫᬳᬸᬓᬶᬃᬚᬸ᭠
ᬓᬶᬭᬦ᭄᭞ᬫᬲᬲᭀᬘᬦ᭄ᬭᬢ᭄ᬦᬫᬮ᭄ᬬᬫᬶᬭᬳᬤᬶ᭞ᬫᬦᬶᬓ᭄ᬯᬶᬦ᭄ᬢᭂᬦ᭄ᬫᬶᬭᬄᬮᬸᬳᬸᬂ᭞ᬘᬬᬫᬸᬭᬸᬩ᭄ᬧᬓᬭᬜᬩ᭄᭞ᬮᬶᬦ᭄ᬢᬂᬮ᭄ᬬᬂᬧ᭄ᬭᬧᬸᬢ᭄ᬭᬦᬾᬦᬫ᭄ᬧᬶᬤᬶᬢᬸ᭞ᬧᬳᬶᬘᬦ᭄ᬳᬶᬤᬲᬂᬦᬵᬣ᭞ᬢᬸᬫᬸ
Kaca:Bali-lontar-gaguritan-indra-bang-induraja-300ppi.pdf/180
Kaca puniki sampun kauji-wacén
