[ ᭑᭗᭘ 178B]
᭑᭗᭘᭞
ᬤᬶᬂᬭᬶᬂᬧ᭄ᬭᬭᬢᬸ᭞ᬫᬶᬯᬄᬧ᭄ᬭᬫᬦ᭄ᬢ᭄ᬭᬶᬲᬢ᭄ᬭ᭄ᬬ᭞ᬧᬭᬫᬾᬦᬓ᭄ᬮᬦ᭄ᬩᬮᬧᬜ᭄ᬚᬓᬾᬤᬶᬢᬸ᭞᭠ᬯᬘᬦᬦᬾᬰ᭄ᬭᬶᬦᬭᬾᬦ᭄ᬤ᭄ᬭ᭞ᬧᬫᬦ᭄ᬧᬢᬶᬄᬫᬗ᭄ᬓᬸᬭᬸᬫᬶ᭞ᬓᬮᬶᬄᬦᬾᬘᬳᬶᬫᬓᭂᬚᬂ᭞ᬩ᭄ᬭᬬ
ᬦᬾᬲᬓᬸᬳᬸᬫ᭄ᬧ᭄ᬭᬳᬮᬦᬵᬕᬭᬶ᭞ᬳᬧᬂᬚᬦᬶᬧᬥᬢᬳᬸ᭞ᬳᬶᬭᬲᬸᬩᬫᬦᬶ᭠ᬯᬓᬂ᭞ᬓᭂᬳᬕᬸᬂᬗᬦ᭄ᬢᭂᬓᬾᬦᬶᬂᬳᬶᬦᬦᬓ᭄ᬩᬕᬸᬲ᭄᭞ᬤ᭄ᬯᬕᬸᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬗᭂᬦ᭄ᬢᬶᬦᬶᬦ᭄ᬫᬜ
ᬓ᭄ᬭᬯᬺᬢᬶ᭟ᬦᬾᬚᬦᬶᬘᬳᬶᬫᬓᭂᬚᬂ᭞ᬩ᭄ᬭᬬᬦᬾᬧᬥᬫᭂᬜᬮᬶᬦᬶᬦ᭄ᬫᬸᬜᬶ᭞ᬳᬶᬬᬳᬗ᭄ᬕᭀᬦ᭄ᬳᬦᬓ᭄ᬳᬕᬸᬂ᭞ᬲᬫ᭄ᬩᬢ᭄ᬚᬦᬶᬳᬸᬘᬧᬂ᭞ᬭᬵᬚᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬜᭂᬦᭂᬂᬧ᭄ᬭᬪᬸ᭞ᬢᬸᬢᬸ
ᬢᬶᬦ᭄ᬳᬚᬓ᭄ᬫᬓᭂᬚᬂ᭞ᬲᬩᬢᭂᬓ᭄ᬩ᭄ᬭᬬᬦᬾᬤᬶᬦᬶ᭟ᬓᬾᬦ᭄ᬓᬾᬦ᭄ᬚᬵᬧᬦᬶᬢᬄᬳᬶᬤ᭞ᬢᭂᬓᬳᬶᬭᬶᬂᬓᬾᬢᭀᬧᬯᬘᬦᬦ᭄ᬲᬗᬚᬶ᭞ᬢᭂᬓᬾᬦᬶᬂᬧᬜ᭄ᬚᬓᬾᬮ᭄ᬬᬸ᭞ᬲᬯᬸᬃᬫᬦᬸᬓ᭄ᬳᬩ᭄ᬭᬶᬬᬸᬓ
[ ᭑᭗᭙ 179A]
ᬦ᭄᭞ᬢᬶᬢ᭄ᬬᬂᬗᬶᬭᬶᬂᬲᬧᬗᬦ᭄ᬤᬶᬓᬦ᭄ᬲᬂᬧ᭄ᬭᬪᬸ᭞ᬫᬲᬢᬶᬢ᭄ᬬᬂᬢᬶᬸᬧᬸᬭᬸᬦ᭄ᬧᬶᬯᬮ᭄᭞ᬭᬶᬂᬧᭂᬓᬬᬸᬦᬦ᭄ᬦ᭄ᬭᬧᬢᬶ᭟ᬓᬾᬢᭀᬳᬢᬸᬃᬳᬶᬧᬋᬓᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬤᬓᬪᬶᬲᬾᬓᬳᬚᬶ᭞ᬇᬭᬶ
ᬓᬭᬭᬶᬲ᭄ᬲᬂᬧ᭄ᬭᬪᬸ᭞ᬫᬳᬶᬘᬬᬂᬧᬲᬮᬶᬦᬦ᭄᭞ᬯᬲ᭄ᬢ᭄ᬭᬓᬫ᭄ᬧᬸᬄᬧᭂᬧᭂᬓ᭄ᬪᬸᬱᬡᬦᬶᬂᬭᬢᬸ᭞ᬭᬶᬂᬧ᭄ᬭᬧᬸᬢ᭄ᬭᬦᬾᬳᬲ᭄ᬬ᭞ᬧᭂᬗᬗ᭄ᬕᬾᬦᬾᬲᬃᬯ᭄ᬯᬍᬯᬶᬄ᭟ᬫᬶᬯᬄᬫᭂᬥᬦᬫᭂᬬᬰ᭞ᬭᬶᬂᬧ᭄ᬭ
ᬫᬾᬦᬓ᭄ᬭᬯᬸᬳᬶᬂᬲᬢ᭄ᬭ᭄ᬬᬧ᭄ᬭᬫᬦ᭄ᬢ᭄ᬭᬶ᭞ᬮᬦ᭄ᬳᬸᬮᬸᬩᬮᬦᬾᬤᬶᬢᬸ᭞ᬧᬜ᭄ᬚᬓ᭄ᬓᬳᬸᬮᬭᭀᬗᬦ᭄᭞ᬭᬢᭂᬧ᭄ᬧᬶᬲᬦ᭄ᬲᬫᬶᬓᬳᬶᬘᬾᬦ᭄ᬧᬓᬮᬸᬓ᭄᭞ᬪᬹᬚᬗ᭄ᬕᬭᬲᬂᬧᬡ᭄ᬥᬶᬢ᭞ᬓᬳᬢᬸᬭ
ᬦ᭄ᬧᬹᬡ᭄ᬬᬲᬫᬶ᭟ᬳᬫ᭄ᬩᬸᬮ᭄ᬢᭀᬩᬳᬦ᭄ᬩᬸᬘᬧᬂ᭞ᬰ᭄ᬭᬷᬪᬸᬧᬢᬶᬤᬶᬲᬾᬓᬧᬸᬢ᭄ᬭᬦᬾᬫ᭠ᬗ᭄ᬓᬶᬦ᭄᭞ᬘᬭᬶᬢᬬᬂᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬃᬬ᭄ᬬᬦᬾᬫᬶᬲᬾᬓᬭᬵᬚ᭞ᬲᭀᬮ᭄ᬢᬦ᭄ᬩᬭᬸᬇᬦ᭄ᬤ᭄ᬭᬩ
Kaca:Bali-lontar-gaguritan-indra-bang-induraja-300ppi.pdf/179
Kaca puniki sampun kauji-wacén
