Kaca:Bali-lontar-gaguritan-indra-bang-induraja-300ppi.pdf/181

Saking Wikisource
Kaca puniki sampun kauji-wacén

[ ᭑᭘᭐ 180B]
᭑᭘᭐᭞
ᬮᬶᬓᬲᬸᬳᬸᬦ᭄ᬭᬭᬶᬲ᭄᭟ᬮᬶᬦ᭄ᬢᬂᬩᬦ᭄ᬤᬦᬾᬜᬸᬓ᭄ᬱ᭄ᬫᬬᬂ᭞ᬫᬳᬶᬘᬦᬾᬲᬫ᭄ᬧᬸᬦ᭄ᬓᬢ᭄ᬭᬶᬫᬲᬫᬶ᭞ᬫᬗ᭄ᬭᬭᬶᬲ᭄ᬫᬫᬶᬢᬂᬫᬦ᭄ᬢᬸᬓ᭄᭞ᬦᬸᬦᬲ᭄ᬮᬸᬕ᭄ᬭᬲᬳᬲᭂᬫ᭄ᬩᬄ᭞ᬭᬶᬂᬲᬂᬧ᭄ᬭᬪᬸᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬩ᭄ᬭᬶᬬᬸ
ᬓ᭄᭞ᬫᬶᬯᬄᬭᬶᬂᬇᬦ᭄ᬤ᭄ᬭᬲᬧ᭄ᬭ᭄ᬬᬡ᭞ᬫᬦᬸᬦᬲ᭄ᬮᬸᬕ᭄ᬭᬫᬧᬫᬶᬢ᭄᭟ᬧᬸᬧᬸᬢ᭄ᬳᬢᬸᬭᬾᬳᬶᬭᬶᬓ᭞ᬮᬯᬸᬢ᭄ᬫᬫᬃᬕ᭄ᬕᬶᬧ᭄ᬭᬧᬸᬢ᭄ᬭᬦᬾᬲᬋᬂᬲᬫᬶ᭞ᬢᭂᬥᬸᬦ᭄ᬲᬓᬶᬂᬗᬮᬸᬦ᭄ᬳᬮᬸᬦ᭄᭞ᬢᭂᬮᬲᬦ᭄ᬭᬯᬶᬂᬳᬶᬭᬶᬗ
ᬦ᭄᭞ᬕᬕᭂᬮᬶᬲᬦ᭄‌ᬧᭂᬫᬃᬕ᭄ᬕᬶᬦᬾᬧᬘᬂᬫᬦ᭄ᬢᬸᬓ᭄᭞ᬕᬶᬭᬂᬚᬤ᭄ᬫᬦᬾᬫᬚᬮᬦ᭄᭞ᬫᬜᬸᬚᬸᬃᬧᬮᬦᬵᬕᬭᬶ᭟ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬧᭂᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬦᬵᬕᬭᬶ᭞ᬧ᭄ᬭ
ᬧᬸᬢ᭄ᬭᬦᬾᬭᬭᬶᬲ᭄ᬜᬸᬚᬸᬃ᭞ᬧᬸᬭᬶᬦ᭄ᬤᬦᬾᬲᭀᬯᬂᬲᭀᬯᬂ᭞ᬳᬦᭂᬗᬓᭂᬦᬧ᭄ᬭᬧᬸᬢ᭄ᬭᬦᬾᬲᬦᬾᬫᬦ᭄ᬢᬸᬓ᭄᭞ᬲᬂᬧ᭄ᬭᬪᬸᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧᬸᬦᬶᬓᬵᬳᬘᬧᬂᬫᬗ᭄ᬓᬶᬦ᭄᭟ᬲᬧᬗᬤᭂᬕ᭄ᬳᬶᬤᬦᬵᬣ
[ ᭑᭘᭑ 181A]
᭞ᬜᬓ᭄ᬭᬯᬺᬢᬶᬭᬶᬂᬧ᭄ᬭᬳᬮᬦᬵᬕᬭᬶ᭞ᬕᭂᬫᬸᬄᬦᬵᬕᬭᬦᬾᬤᬶᬢᬸ᭞ᬢᬦ᭄ᬓᬸᬭᬂᬮᬃᬯ᭄ᬯᬵᬧᬗᬦ᭄᭞ᬲᬫᬶᬫᬸᬭᬄᬫᬋᬤ᭄ᬥᬶᬲᬃᬯ᭄ᬯᬢᬶᬦᬦ᭄ᬤᬸᬃ᭞ᬲᭀᬮᬄᬳᬶᬤᬜᭂᬦᭂᬂᬦᬵᬣ᭞ᬮᬶᬦ᭄ᬢᬂᬥᬃ
ᬫ᭄ᬫᬤᬦᬩᬸᬤᬶ᭟ᬭᬢᬸᬫᬗᬼᬕᬦᬶᬦ᭄ᬧᬜ᭄ᬚᬓ᭄᭞ᬳᬲᬶᬂᬤᬶᬳᬓ᭄ᬧᬜ᭄ᬚᬓᬾᬓᬳᬶᬘᬾᬦ᭄ᬩᬸᬓ᭄ᬢᬶ᭞ᬧᬕᭂᬄᬲ᭄ᬢᬸᬢᬶᬭᬶᬂᬢᬸᬢᬸᬃ᭞ᬢᬦ᭄ᬫᬤᭀᬄᬭᬶᬂᬧᬡ᭄ᬥᬶᬢ᭞ᬫᭂᬦᬧᬓᬂᬓᬶᬘᬧ᭄ᬳᬓ᭄ᬱᬭᬦᬾ
ᬧᬢᬸᬢ᭄᭞ᬤᬸᬱ᭄ᬝᬘᭀᬭᬄᬤᬤᬶᬥᬃᬫ᭄ᬫ᭞ᬤᬮᬸᬓᬲᬶᬄᬭᬶᬂᬲᬂᬲᬧᬶ᭟ᬫᬘᬦ᭄ᬓᬲᬶᬄᬭᬶᬂᬫᬜ᭄ᬚᬗᬦ᭄᭞ᬲᬶᬗ᭄ᬳᬯᬭᬓ᭄ᬫᬦᬸᬄᬭᬶᬂᬩᬸᬭᭀᬦ᭄ᬦᬦᬶᬧᬶ᭞ᬫᬾᬗᬾᬓᬲᬶᬄᬭᬶᬂᬩᬶᬓᬸᬮ᭄᭞ᬳᬫ᭄ᬩᬸᬮ᭄ᬢᭀ
ᬩᬳᬦ᭄ᬩᬸᬘᬧᬂ᭞ᬓᬫᭂᬮᬳᬦ᭄ᬚᬕᬢᬾᬤᬶᬯᬶᬡ᭄ᬥᬸᬭᬢᬸ᭞ᬢᭂᬓᭂᬦ᭄ᬓᬳᬦ᭄ᬢᬄᬧ᭄ᬭᬫᬦ᭞ᬓᬓᬸᬳᬸᬩ᭄ᬲᬂᬧ᭄ᬭᬪᬸᬓᬩᬶ᭟ᬤᬾᬦᬶᬂᬲᬸᬩᬤᬤᬶᬢᬸᬗ᭄ᬕᬮ᭄᭞ᬦᬵᬕᬭᬦᬾᬢᭂᬓᭂᬤ᭄ᬓᬳᬦ᭄ᬢᬩ᭄ᬭᬳᬶ᭞