[ ᭑᭗᭑ 171B]
᭑᭗᭑᭞
ᬗᬂᬭᬶᬂᬰ᭄ᬭᬷᬪᬹᬧᬢᬶ᭟ᬲᬂᬦᬵᬣᬫᬗ᭄ᬓᬶᬦ᭄ᬳᬸᬘᬧᬂ᭞ᬲᬫ᭄ᬧᬸᬦ᭄ᬢᭂᬥᬸᬦ᭄ᬓᭀᬤᬮ᭄ᬲᬋᬂᬧ᭄ᬭᬫᬶᬰ᭄ᬯᬭᬶ᭞ᬫᭂᬫᬃᬕ᭄ᬕᬶᬳᬶᬤᬫᬗ᭄ᬮᬯᬸᬢ᭄᭞ᬚᬕᬵᬫᬧᬕ᭄ᬧᬸᬢ᭄ᬭᬦ᭄ᬳᬶᬤ᭞ᬧᬭᬫᬦ᭄ᬢ᭄ᬭᬶᬫᬗᬶᬭᬶᬗᬂᬳᬶᬤ
ᬤᬶᬢᬸ᭞ᬫᬶᬯᬄᬧᬜ᭄ᬚᬓ᭄ᬳᬸᬮᬸᬩᬮ᭞ᬮᬦᬂᬳᬶᬲ᭄ᬢ᭄ᬭᬶᬲᬫᬶᬗᬶᬭᬶᬂ᭟ᬲᬓᬶᬂᬕᭂᬮᬶᬲᬶᬂᬘᬭᬶᬢ᭞ᬧᬫᬃᬕ᭄ᬕᬶᬦᬾᬲᬫ᭄ᬧᬸᬦ᭄ᬭᬯᬸᬄᬮ᭄ᬯᬃᬦᬵᬕᬭᬶ᭞ᬫᬭᬃᬬ᭄ᬬᬦ᭄ᬳᬶᬤᬲᬂᬧ᭄ᬭᬪᬸ᭞ᬤᬶᬲᬫ᭄ᬧᬶᬂᬚᭂᬩ
ᬕ᭄ᬓᭀᬢ᭞ᬲᬋᬂᬲᬫᬶᬇᬭᬶᬓᬵᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ᭞ᬤ᭄ᬯᬕᬸᬂᬧᬸᬢ᭄ᬭᬳᬸᬘᬧᬂ᭞ᬲᬫ᭄ᬧᬸᬦ᭄ᬢᬢᬲ᭄ᬳᬶᬤᬗᬓ᭄ᬱᬶ᭟ᬳᬚᬶᬦᬾᬭᬶᬂᬩ᭄ᬬᬂᬳᬶᬤ᭞ᬰ᭄ᬭᬷᬪᬸᬧᬢᬶᬲᬋᬂᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬲᬳᬵᬧᬗᬶᬭᬶ
ᬗᬾᬭᬯᬸᬄ᭞ᬇᬭᬶᬓᬲᬂᬭᬵᬚᬧᬸᬢ᭄ᬭ᭞ᬫᬓᬓᬵᬮᬶᬄᬗᭂᬮᬶᬲᬂᬫᬫᬃᬕ᭄ᬕᬶᬲᬫ᭄ᬧᬸᬦ᭄᭞ᬭᬯᬸᬄᬭᬶᬂᬳᬬᬸᬦ᭄ᬳᬚᬶᬦ᭄ᬤ᭞ᬫ᭄ᬯᬄᬭᬶᬂᬳᬬᬸᬦ᭄ᬳᬶᬩᬸᬲᭀᬭᬶ᭟ᬲᬭᬯᬸᬳᬾᬤ᭄ᬯᬕᬸᬂᬧᬸᬢ᭄ᬭ᭞ᬭᬭᬶᬲ᭄ᬜᭀᬗ᭄ᬓᭀ
[ ᭑᭗᭒ 172A]
ᬓ᭄ᬗᭂᬮᬸᬢ᭄ᬘᭀᬓᭀᬃᬫᬓᬓᬮᬶᬄ᭞ᬫᬜᬸᬫ᭄ᬩᬄᬳᬚᬶᬫ᭄ᬯᬂᬳᬶᬩᬸ᭞ᬭᬵᬚᬧᬸᬢ᭄ᬭᬶᬧᬸᬗ᭄ᬓᬸᬭᬦ᭄᭞ᬲᬓᬓᬮᬶᬄᬲᬶᬦᬋᬗᬦ᭄ᬳᬶᬤᬭᬯᬸᬄ᭞ᬫᬢᬶᬫ᭄ᬧᬸᬄᬭᬭᬶᬲ᭄ᬫᬜᬸᬫ᭄ᬩᬄ᭞ᬲᬂᬦᬵᬣᬭᬶᬂᬧ᭄ᬭ
ᬫᬶᬰ᭄ᬯᬭᬶ᭟ᬲᬳᬵ ᬢᬗᬶᬲ᭄ᬭᬯᬸᬄᬳᬶᬭᬶᬓ᭞ᬲᬋᬂᬓᬮᬶᬄᬲᬂᬧᬸᬢ᭄ᬭᬶᬓᭀᬫᬮᬯᬢᬶ᭞ᬫᬶᬯᬄᬤᬾᬯᬶᬭᬢ᭄ᬦᬲᬦ᭄ᬢᬸᬦ᭄᭞ᬤᬤᬶᬦᬦᭂᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬧ᭄ᬭᬫᬶᬰ᭄ᬯᬭᬶᬢᬍᬃᬩᭂᬗᭀᬂᬳᬶ
ᬤᬤᬶᬢᬸ᭞ᬜᬶᬗᬓ᭄ᬫᬦ᭄ᬢᬸᬫᬓᬵᬤᬤ᭄ᬯ᭞ᬭᬯᬸᬳᬾᬫᬯᬦᬦ᭄ᬦᬗᬶᬲ᭄᭟ᬤᭂᬓ᭄ᬤᭂᬓ᭄ᬋᬜᬸᬄᬓᬬᬸᬦ᭄ᬳᬶᬤ᭞ᬧ᭄ᬭᬫᬶᬰ᭄ᬯᬭᬶᬜᬶᬗᬓ᭄ᬫᬦ᭄ᬢᬸᬦᬾᬲᭂᬥᬶᬄ᭞ᬢᬸᬫᬸᬮᬶᬓᬳᬫ᭄ᬩᬶᬮ᭄ᬮᬯᬸᬢ᭄᭞ᬢᬗᬦᬾ᭠
ᬲᬂᬭᬵᬚᬚ᭄ᬯᬶᬢ᭞ᬫᬓᬓᬮᬶᬄᬫᬦ᭄ᬢᬸᬦᬾᬓᬤᬦ᭄ᬤᬦ᭄ᬫᬦ᭄ᬢᬸᬓ᭄᭞ᬭᬭᬶᬲ᭄ᬗ᭄ᬭᬜ᭄ᬚᬶᬂᬓᬚ᭄ᬭᭀᬓᭀᬢ᭞ᬧᬋᬓᬦ᭄ᬤᬬᬂᬫᬗᬶᬭᬶᬂ᭟ᬫᬗ᭄ᬓᬸᬭᬶᬦ᭄ᬲᬂᬭᬵᬚᬚ᭄ᬯᬶᬢ᭞ᬧ᭄ᬭᬧᬸᬢ᭄ᬭᬦᬾᬲ᭄ᬬᬦᬵᬕᬭᬵ
