Kaca:Bali-lontar-gaguritan-indra-bang-induraja-300ppi.pdf/171

Saking Wikisource
Kaca puniki sampun kauji-wacén

[ ᭑᭗᭐ 170B]
᭑᭗᭐᭞
ᬳᬸᬢᬸᬲᬦ᭄᭞ᬮᬶᬦ᭄ᬢᬂᬮᬾᬤᬂᬲᬂᬦᬵᬣᬤᬸᬓ᭄ᬯᬯᬸᬗ᭄ᬭᬸᬗᬸ᭞ᬧᬸᬢ᭄ᬭᬦ᭄ᬳᬶᬤᬫᬓᬤᬤ᭄ᬯ᭞ᬲᬶᬤ᭄ᬥᬢᬸᬮᬓ᭄ᬓᬦᬵᬕᬭᬶ᭟ᬭᬭᬶᬲ᭄ᬫᬜᬯᬸᬭᬶᬦ᭄ᬕᬗ᭄ᬲᬃ᭞ᬯᬘᬡᬦᬾᬳᬤᬓᬾᬩ᭄ᬯᬶᬦ᭄ᬳᭂᬦᭀᬢ᭄ᬘᬳᬶ᭞ᬳᬦ
ᬓ᭄ᬳᭂᬮᬸᬄᬳᭂᬮᬸᬄᬤᬶᬢᬸ᭞ᬫᭂᬫᬋᬗᬶᬦ᭄ᬳᬶᬦᬦᬓ᭄᭞ᬢᭂᬓᬫᬳᬶᬳᬸᬢᬸᬲᬦᬾᬤᬶᬢᬸᬮᬯᬸᬢ᭄᭞ᬫᭂᬳᬢᬸᬃᬲᬳᬵᬲᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢᬶ᭟ᬯᬾᬦ᭄ᬢᭂᬦ᭄ᬢᭀᬦ᭄ᬢᬶᬢ᭄ᬬᬂᬇᬭᬶᬓ᭞ᬳᬦ
ᬓ᭄ᬳᬶᬲ᭄ᬢ᭄ᬭᬶᬲᬤᬳᬓᬾᬄᬜᬋᬗᬶᬦ᭄᭞ᬧᬸᬢ᭄ᬭᬦ᭄ᬧᬤᬸᬓᬵᬤᬾᬯᬵᬕᬸᬂ᭞ᬤᬶᬢᬸᬳᬾᬜ᭄ᬘᭀᬂᬰ᭄ᬭᬶᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬳᬶᬦ᭄ᬧᬢᬶᬄᬫᬗ᭄ᬓᬸᬪᬸᬫᬶᬮᬯᬸᬢ᭄᭞ᬓᭂᬫᭀᬓᬾᬧᬢᬶᬄᬫᬤᬩ᭄ᬤᬩ᭄᭞
ᬳᬚᬓᬶᬦ᭄ᬭᭀᬯᬗᬾᬚᬦᬶ᭟ᬲᬚᬤ᭄ᬫᬦᬾᬤᬶᬚ᭄ᬭᭀᬓᭀᬢ᭞ᬮᬸᬄᬫᬸᬯᬦᬶᬳᬧᬂᬬᬧᬥᬫᬋᬗᬶᬦ᭄᭞ᬳᬶᬭᬫᬧᬕᬶᬦ᭄ᬳᬶᬩᬕᬸᬲ᭄᭞ᬤᬾᬦᬶᬂᬬᬲᬸᬩᬢᭂᬓ᭞ᬦᬾᬦᬾᬚᬦᬶᬤᬶᬮ᭄ᬯᬃ
[ ᭑᭗᭑ 171A]
ᬚᭂᬩᬕᬾᬳᭂᬦᬸ᭞ᬤᬶᬢᬸᬳᬶᬦᬦᬓ᭄ᬫᬲᬗ᭄ᬕ᭄ᬭᬳᬦ᭄᭞ᬗᬦ᭄ᬢᬶᬦᬾᬢᬸᬦ᭄ᬤᬾᬦᬫᬳᬶ᭟ᬓᭂᬓᭂᬤᬂᬢᭂᬓᬾᬦᬶᬂᬳᬶᬭ᭞ᬢ᭄ᬯᬄᬳᬫ᭄ᬩᬸᬮ᭄ᬢᭀᬯᬘᬦᬦ᭄ᬳᬶᬤᬲᬗᬚᬶ᭞ᬢᭂᬓᬾᬦᬶᬂᬓᬶᬧᬢᬶᬄᬤᬶᬢᬸ᭞ᬲᬫ᭄ᬧᬸ
ᬦ᭄ᬧᬸᬧᬸᬢ᭄ᬫᬗᬦ᭄ᬤᬶᬓᬵ᭞ᬰ᭄ᬭᬶᬪᬸᬧᬢᬶᬫᬗ᭄ᬭᬭᬶᬲ᭄ᬗ᭄ᬭᬜ᭄ᬚᬶᬂᬓᭂᬤᬢᬸᬦ᭄᭞ᬓᬶᬧᬢᬶᬄᬭᬭᬶᬲ᭄ᬫᬫᬵᬃᬕ᭄ᬕ᭞ᬭ᭄ᬭᬾᬳᬶᬦ᭄ᬧᬜ᭄ᬚᬓᬾᬲᬫᬶ᭟ᬮᬸᬄᬫ᭄ᬯᬦᬶᬳᬧᬗᬢᭂᬓᬵ᭞ᬓᬦ᭄ᬤᬶᬓᬬᬂᬳᬦ᭄ᬢᬸᬓ᭄ᬳᬶᬤᬰ᭄ᬭᬷᬪᬸᬧᬢᬶ
ᬧᬘᬂᬫᭂᬦ᭄ᬤᬓ᭄ᬭᬚᬲᬸᬦᬸ᭞ᬦᬾᬫᬦᬶᬧᬘᬂᬫᬚᬮᬦ᭄᭞ᬳ᭄ᬦᭂᬗᬓᭂᬦᬩᬾᬜ᭄ᬚᬂᬲᭂᬫᭂᬗᬦ᭄ᬓᬯᬸᬯᬸᬲ᭄᭞ᬳᬸᬫᬸᬂᬫᬸᬳᬸᬕ᭄ᬫᬩ᭄ᬬᬬᬸᬯᬦ᭄᭞ᬚᬤ᭄ᬫᬦᬾᬚ᭄ᬭᭀᬦᬶᬂᬦᬵᬕᬭᬶ᭟ᬫᬦᬸᬢᬸᬭᬂᬭᬚᬧᬸᬢ᭄ᬭ᭞ᬳᬶ
ᬤᬭᬯᬸᬄᬭᬶᬂᬲᬫᭂᬢᭀᬦ᭄ᬫᬓᬓᬮᬶᬄ᭞ᬓᭀᬘᬧ᭄ᬓᬭᬶᬭᬶᬂᬧᬤᬸᬲᬸᬦ᭄᭞ᬇᬭᬶᬓᬳᬶᬤᬫᬲᬗ᭄ᬕ᭄ᬭᬳᬦ᭄᭞ᬮ᭄ᬯᬶᬭᬶᬂᬓᭀᬢᬤᬶᬢᭂᬗᬄᬢᭂᬕᬮᬾᬫᬮᬸᬗ᭄ᬕᬸᬄ᭞ᬗᬦ᭄ᬢᭀᬲᬦᬾᬓᭂᬫᬃᬕ᭄ᬬᬂ᭞ᬗᬸᬦᬶ