Kaca:Bali-lontar-gaguritan-indra-bang-induraja-300ppi.pdf/173

Saking Wikisource
Kaca puniki sampun kauji-wacén

[ ᭑᭗᭒ 172B]
᭑᭗᭒᭞
ᬭᬯᬸᬄᬫᬮᬶᬄ᭞ᬫᬜᬸᬫ᭄ᬩᬄᬭᬶᬂᬤᬲᬂᬧ᭄ᬭᬪᬸ᭞ᬇᬭᬶᬓᬭᬭᬶᬲ᭄ᬲᬂᬦᬵᬣ᭞ᬫᭂᬦᬓᬾᬦᬶᬦ᭄‌ᬲᬧᬲᬶᬭᬚ᭄ᬯᬳᬶᬭᬢᬸ᭞ᬚᬢᬶᬢᬦ᭄ᬯ᭄ᬭᬸᬄᬧᬶᬲᬦ᭄ᬩᬧ᭞ᬦ᭄ᬤ᭄ᬭᬩᬗ᭄ᬲ᭄ᬯᬡᬵᬫᬢᬸᬃᬕᭂᬮᬶᬲ᭄
᭟ᬫᬗᬢᬸᬭᬂᬧᬗᬸᬦᬶᬗ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄ᬕᬸᬭᬸᬳᬚᬶ᭞ᬢᬦ᭄ᬲᬶᬬᭀᬲ᭄‌‌ᬧᬸᬦᬶᬓᬭᬢᬸ᭞ᬯᬦ᭄ᬢᬄᬧᬋᬓᬦ᭄ᬩᬧ᭞ᬧᬭᬧᬸᬢ᭄ᬭᬲᬓᬶᬂᬧᬮᬭᬵᬚᬭᬢᬸ᭞ᬫᬗ᭄ᬓᬶᬦ᭄ᬳᬗ᭄ᬕᬾ
ᬦ᭄ᬢᬶᬢ᭄ᬬᬂᬜᬫ᭞ᬢᬶᬦᬸᬢ᭄ᬦᭂᬫᬸᬳᬮᬩᭂᬘᬶᬓ᭄᭟ᬢᭂᬮᬲ᭄ᬲᬫ᭄ᬧᬸᬦ᭄ᬓᬳᬢᬸᬭᬂ᭞ᬭᬶᬂᬲᬂᬦᬵᬣᬲᬧᬭᬶᬓᬦ᭄ᬤᬦᬾᬲᬫᬶ᭞ᬢᬶᬫ᭄ᬩᬮᬂᬭᬯᭀᬲᬾᬤᬸᬫᬸᬦ᭄᭞ᬇᬭᬶᬓᬵᬇᬦ᭄ᬤ᭄ᬭᬩᬗ᭄ᬲ᭄ᬯ
ᬡ᭞ᬫᬗᬦ᭄ᬤᬶᬓᬵᬭᬶᬂᬧ᭄ᬭᬧᬸᬢ᭄ᬭᬦᬾᬤᬶᬢᬸ᭞ᬳᬸᬤᬸᬄᬳᬤᬶᬜᬫᬦ᭄ᬢᬶᬢ᭄ᬬᬂ᭞ᬭᬭᬶᬲᬂᬫᬗ᭄ᬓᬶᬦ᭄ᬦᬶᬓᬳᬶᬦ᭄᭟ᬳᬶᬭᬶᬗᬂᬳᬤᬶᬫᬓᭂᬚᬂ᭞ᬢᬸᬦ᭄ᬤᬾᬦ᭄ᬫ᭄ᬭᬾᬭᬾᬦ᭄ᬤᬶᬯᬗᬦ᭄ᬚᭂᬩᬕᬾᬲᬫᬶ᭞
[ ᭑᭗᭓ 173A]
ᬲᬫ᭄ᬧᬸᬦᬂᬗᬶᬘᬾᬦ᭄ᬫᬘᭂᬮᬸᬧ᭄᭞ᬚᬤ᭄ᬫᬦᬾᬳᬓᬾᬄᬧᬶᬲᬦ᭄᭞ᬲᭀᬢᬘᬸᬧᭂᬓ᭄‌ᬢᭀᬂᬳᬤᬢᭀᬗᭀᬲ᭄ᬫᬗᬬᬸᬩ᭄᭞ᬩᬦ᭄ᬢᬲ᭄‌ᬭᭀᬯᬂᬢᬄᬧ᭄ᬭᬫᬡ᭞ᬧᬸᬦᬶᬓᬤᬤᭀᬲ᭄ᬫᬗ᭄ᬭ
ᬜ᭄ᬚᬶᬂ᭟ᬤᬾᬦᬶᬂᬕ᭄ᬦᬄᬓᭀᬲᭂᬓ᭄ᬧᬶᬲᬦ᭄᭞ᬤᬶᬢᬸᬮᬯᬸᬢ᭄ᬧ᭄ᬭᬧᬸᬢ᭄ᬭᬦᬾᬦᬸᬦ᭄ᬤᬾᬦ᭄ᬚᬦᬶ᭞ᬭᭀᬯᬗᬾᬤᬶᬢᬸᬫᬢᬫ᭄ᬩᬸᬦ᭄᭞ᬤᬶᬯᬗᬦ᭄ᬚ?ᬩᬕ᭄ᬓᭀᬢ᭞ᬧᬜ᭄ᬚᬓ᭄ᬳᬦ᭄ᬢᬧ᭄ᬭᬫᬡᬦᬾᬤᬤᬶᬫ
ᬲᬸᬓ᭄᭞ᬫᬗᬶᬭᬶᬂᬳᬶᬤᬲᬂᬦᬵᬣ᭞ᬓᬚ᭄ᬭᭀᬦᬶᬂᬓᭀᬢᬫᬗ᭄ᬭᬭᬶᬲ᭄᭟ᬫᭂᬫᬃᬕ᭄ᬕᬶᬫᬗ᭄ᬓᬶᬦ᭄ᬲᬕᬺᬳᬦ᭄᭞ᬕᭂᬕᬜ᭄ᬘᬗᬦ᭄‌ᬢᬦ᭄ᬓᭀᬘᬧᬭᬶᬂᬫᬃᬕ᭄ᬕᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂ
ᬚ᭄ᬭᭀᬦᬶᬂᬓᭀᬢᬦᬵᬕᬭ᭞ᬰ᭄ᬭᬷᬦᬭᬾᬦ᭄ᬤ᭄ᬭᬳᬶᬭᬶᬓᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬓᭂᬢᬗ᭄ᬓᬶᬮ᭄ᬭᬶᬂᬧᬸᬢ᭄ᬭᬦ᭄ᬳᬶᬤ᭞ᬲᬂᬭᬵᬚᬧᬸᬢ᭄ᬭᬓᬓᬮᬶᬄ᭞ᬫᬶᬯᬄᬯᬢᭂᬓ᭄ᬧ᭄ᬭᬧᬸᬢ᭄ᬭ᭞ᬧᬮᬭᬵᬚᬲᬋᬂᬤᬦᬾᬲ᭄ᬬ