[ ᭑᭖᭓ 163B]
᭑᭖᭓᭞
ᬦ᭄ᬳᬶᬦ᭄ᬤ᭄ᬭᬲᬧ᭄ᬭ᭄ᬬᬡᬫᬗ᭄ᬓᬶᬦ᭄᭞ᬫᬗ᭄ᬭᬯᭀᬲ᭄ᬤᬶᬢᬸᬫᬫᬭᬹᬫ᭄᭞ᬗ᭄ᬭᬯᭀᬲᬂᬤᬸᬓᬾᬩᭂᬮᬲ᭄᭞ᬭᬲᬫᭂᬢᭀᬦ᭄᭞ᬇᬭᬶᬓᬭᬶᬂᬳᬮᬲ᭄ᬳᬕᬸᬂ᭞ᬩᬩᬃᬮᬶᬫᬸᬢ᭄ᬓᬧᭂᬢᭂᬗᬦ᭄᭞ᬳᬸᬚᬦ᭄ᬳᬗᬶᬦ᭄ᬫᬫ᭄ᬭᬶ
ᬳᬸᬓᬶᬦ᭄᭟ᬓᬮᬶᬄᬧᭀᬮᬳᬾᬭᬶᬂᬯᬃᬡ᭄ᬦ᭞ᬧᬫᬃᬕ᭄ᬕᬶᬦᬾᬧᬥᬦᬦ᭄ᬤᬂᬓᬲ᭄ᬬᬲᬶᬄ᭞ᬧᬢᬸᬄᬓᭂᬮᬭᬦᬾᬤᬸᬫᬸᬦ᭄᭞ᬢ᭄ᬯᬭᬳᬤᬫᬩᬶᬦᬬᬦ᭄᭞ᬲᬧᬸᬦᬶᬓᬧᬗ᭄ᬭᬯᭀᬲᬾᬲᬮᬾᬂ
ᬢᬸᬢᬸᬃ᭞ᬲᭂᬩᭂᬢᬾᬫᬧ᭄ᬯᬭᬍᬰᬵ᭞ᬳᬦ᭄ᬢᬸᬓᬾᬫᬮᬶᬄᬓᬧᬗ᭄ᬕᬶᬄ᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬕᬸᬦᬶᬢ᭞ᬮᬯᬸᬢ᭄ᬫᬢᬸᬃᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬮᬶᬄ᭞ᬭᬶᬂᬭᬓᬦ᭄ᬳᬶᬤᬦᬾᬤᬶᬢᬸ᭞ᬭᬳᬤᬾᬦᬵᬳᬶᬦ᭄ᬤ᭄ᬭᬲᬧ᭄ᬭ᭄ᬬ
ᬡ᭞ᬇᬗ᭄ᬕᬶᬄᬩᭂᬮᬶᬲ᭄ᬯᬾᬘᬦᬾᬓᬮᬶᬦ᭄ᬢᬂᬳᬕᬸᬂ᭞ᬲᬧᬳᬶᬘᬢᭂᬓᬾᬦ᭄ᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᭂᬦᬶᬯᬶᬮᬗᬶᬦ᭄᭟ᬢᬦ᭄ᬯᬾᬦ᭄ᬢᭂᬦ᭄ᬓᭀᬫᬯᬢ᭄ᬯᬢ᭄ᬭ᭞ᬢᬶᬢ᭄ᬬᬂᬫᬮᬶᬄᬓᬧᬗ᭄ᬕᬶᬄᬭᬶᬂᬭᬕᬦ᭄ᬩᭂᬮᬶ᭞
[ ᭑᭖᭔ 164A]
ᬚᭀᬄᬢᬦᬄᬚᭀᬄᬮᬗᬶᬢ᭄ᬤᬶᬢᬸ᭞ᬭᬲᬓᬤᬶᬭᬶᬂᬧᬗᬶᬧ᭄ᬬᬦ᭄᭞ᬲᬯᬢ᭄ᬧᬶᬲᬦ᭄ᬢᭀᬂᬫᬶᬢᬳᭂᬦ᭄ᬩ᭄ᬯᬶᬦ᭄ᬫᬢᭂᬫᬸ᭞ᬩᭂᬮᬶᬫᬳᬤᬶᬭᬶᬂᬢᬶᬢ᭄ᬬᬂ᭞ᬬᬦ᭄ᬢᬦ᭄ᬓᬢᬸᬤᬸᬄᬳ᭄ᬬᬂᬯᬶᬥᬶ᭟ᬓᬮᬶᬄᬢᬦ᭄ᬯᬾᬦ᭄ᬢᭂ
ᬦ᭄ᬲᬶᬬᭀᬲᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᭂᬦᬯᬸᬭᬦ᭄ᬢᭂᬓᬾᬦᬵᬩᭂᬮᬶ᭞ᬢᬶᬢ᭄ᬬᬂᬦᬸᬯᬾᬫᬦᬶᬓ᭄ᬭᬢᬸ᭞ᬫᭂᬯᬲ᭄ᬢᬓᭀᬫ᭄ᬫᬮᬳᬶᬓ᭄ᬫᬢ᭄᭞ᬦᬯᬶᬩᭂᬮᬶ᭞ᬧᭂᬘᬓ᭄ᬤᬸᬯᬾᬦ᭄ᬲᬂᬬᬓ᭄ᬱᬶᬭᬶᬂᬯᬦᬳᬕᬸᬂ᭞
ᬲᬫ᭄ᬧᬸᬦ᭄ᬓᬳᬶᬘᬾᬦ᭄ᬢᬶᬢ᭄ᬬᬂ᭞ᬯᬦ᭄ᬢᬄᬧᬸᬦᬶᬓᬦᬾᬫᬗ᭄ᬓᬶᬦ᭄᭟ᬧᬸᬦᬶᬓᬵᬳᬢᬸᬭᬂᬢᬶᬢ᭄ᬬᬵᬂ᭞ᬓᭂᬦᬶᬩᭂᬮᬶᬫᬗᬗ᭄ᬕᬾᬦ᭄ᬭᬭᬶᬲ᭄ᬫᬗ᭄ᬓᬶᬦ᭄᭞ᬬᬦᬶᬂᬨᬮᬕᬸᬡᬦ᭄ᬳᬶᬧᬸᬦ᭄᭞ᬇᬫᬦᬶᬓ᭄ᬓᭀᬫᬮᬇᬓ᭄ᬫᬢ᭄
᭞ᬦᬯᬶᬩᭂᬮᬶᬯᬾᬦᬵᬢᭂᬦ᭄ᬧᭂᬓᬬᬸᬦ᭄ᬫᬗ᭄ᬯᬗᬸᬦ᭄᭞ᬦᬵᬳᬭᬓᭀᬢᬳᬩᬶᬤᬂ᭞ᬭᬯᬸᬄᬭᬶᬂᬤᬕᬶᬂᬦᬾᬲᬫᬶ᭟ᬚᬦ᭄ᬢᭂᬦ᭄ᬧᬶᬲᬦ᭄ᬫᬜᬶᬤᬬᬂ᭞ᬭᬶᬂᬫᬦᬶᬓᬾᬗᬃᬬ᭄ᬬᬦᬶᬦ᭄ᬫᬓᬵᬲᬫᬶ᭞ᬲᬶᬂᬓᬬᬸᬦᬂᬯᬾᬦ᭄ᬢᭂ
Kaca:Bali-lontar-gaguritan-indra-bang-induraja-300ppi.pdf/164
Kaca puniki sampun kauji-wacén
