[ ᭑᭖᭔ 164B]
᭑᭖᭔᭞
ᬦ᭄ᬲᬫ᭄ᬧᬸᬦ᭄᭞ᬧᬗᬸᬮᬸᬩᬮᬗᬫᭂᬮᬂ᭞ᬚ᭄ᬭᭀᬦᬶᬂᬓᭀᬫᬮᬦᬾᬤᬶᬢᬸ᭞ᬫᬓᬓᬮᬶᬄᬤᬸᬯᬾᬧᬭᬩ᭄᭞ᬫᬯᬲ᭄ᬢᬳᬶᬤᬾᬓᬃᬲᬭᬶ᭟ᬫᬮᬶᬄᬧᬸᬦᬶᬓᬦᬾᬲᬶᬓ᭄ᬬᬦ᭄᭞ᬤᬾᬓᬃᬤᬾᬯᬵ
ᬓᭀᬘᬧ᭄ᬧᬭᬩᬾᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬗ᭄ᬭᬯᭀᬲ᭄ᬤᬶᬢᬸ᭞ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬦᬵᬕᬭᬂᬓᭀᬫᬮᬳᬶᬓ᭄ᬫᬶᬢᬾᬮᬯᬸᬢ᭄᭞ᬓᭂᬳᬭᬤ᭄ᬤᬾᬓᬭᬾᬤᬤ᭄ᬯ᭞ᬳᬚᬳᬦ᭄ᬲ
ᬕᬾᬢᬦ᭄ᬫᬶᬚᬶᬮ᭄᭟ᬤᬾᬓᬃᬲᬭᬶᬤᬾᬓᬃᬤᬾᬯᬵ᭞ᬭᬭᬶᬲ᭄ᬜᭀᬗ᭄ᬓᭀᬓ᭄ᬫᭂᬳᬢᬸᬃᬲᬳᬵᬪᬓ᭄ᬢᬶ᭞ᬇᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬳᬦ᭄ᬢᬸᬓ᭄ᬧᬸᬦᬧᬶᬳᬯᬶᬦᬦ᭄᭞ᬫᬗᭂᬲᬾᬗᬶᬦ᭄ᬢᬶᬢ᭄ᬬᬂᬲᬋᬂᬓᬮᬶᬄ
ᬭᬢᬸ᭞ᬩᭂᬘᬶᬓ᭄ᬫᬗ᭄ᬓᬶᬦ᭄ᬯᬘᬦᬬᬂ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬜᬯᬸᬭᬶᬦ᭄᭞ᬇᬄᬦᬾᬘᬳᬶᬫᬓᬵᬤᬤ᭄ᬯ᭞ᬤᬾᬓᬃᬤᬾᬯᬵᬫᬶᬯᬄᬓᬶᬤᬾᬓᬃᬲᬭᬶ᭞ᬳᬧᬂᬫᬲᬶᬄᬘᬳᬶᬢᬳᬸ᭞ᬓ᭄ᬭᬡᬳᬶᬭᬫᬦᭂ
[ ᭑᭖᭕ 165A]
ᬓᬬᬂ᭞ᬤᬾᬦᬶᬂᬘᬳᬶᬲᬸᬩᬲ᭄ᬭᬳᬂᬳᬶᬭᬵᬤᬶᬢᬸ᭞ᬢᭂᬓᬾᬦ᭄ᬳᬶᬩᭂᬮᬶᬲᬧ᭄ᬭ᭄ᬬᬡ᭞ᬤᬶᬢᬸᬫᬫᬋᬓᬦ᭄ᬚᬦᬶ᭟ᬤᬢᬸᬮᬓ᭄ᬭᬶᬂᬧᬗᬦ᭄ᬤᬶᬓ᭞ᬩᬸᬓᬵᬳᬧᬵᬓᬬᬸᬦ᭄ᬳᬶᬩᭂᬮᬶᬳᬶᬭᬶᬂ᭞ᬤᬾᬓᬭᬾᬲ
ᬓᬭᭀᬮᬯᬸᬢ᭄᭞ᬤᬶᬢᬸᬫᬢᬸᬃᬲᬳᬵᬲᭂᬫ᭄ᬩᬄ᭞ᬇᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬂᬓᬬᬸᬦ᭄ᬳᬶᬭᬢᬸ᭞ᬫᬲᬵᬧᬸᬭᬸᬦ᭄ᬚᬕᬵᬢᬸᬮᬓ᭄᭞ᬭᬶᬂᬧᭂᬓᬬᬸᬦᬦ᭄ᬳᬶᬕᬸᬲ᭄ᬢᬶ᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬧᬗᬦ᭄ᬤᬶᬓ᭞ᬤᬶᬢᬸᬗ᭄ᬮ
ᬯᬸᬢ᭄ᬤᬾᬓᬭᬾᬫᬓᬵᬓᬮᬶᬄ᭞ᬫᬧᬫᬶᬢ᭄ᬮᬯᬸᬢ᭄ᬫᬘᭂᬮᬸᬧ᭄᭞ᬓᬚ᭄ᬭᭀᬦᬶᬂᬓᭀᬫᬮ᭞ᬭᬤᬾᬦ᭄ᬳᬶᬦ᭄ᬤ᭄ᬭᬲᬧ᭄ᬭ᭄ᬬᬡᬦᬶᬫ᭄ᬩᬮ᭄ᬮᬯᬸᬢ᭄᭞ᬫᬦᬶᬓ᭄ᬓᭀᬫᬮᬳᬶᬓ᭄ᬫᬢ᭄᭞ᬲᬃᬯ᭄ᬯᬶᬬᬫᬗᬸᬘᬧ᭄ᬳᬭᬶᬲ᭄᭟
ᬇᬗ᭄ᬕᬶᬄᬩᭂᬮᬶᬫᭂᬦᬭᬶᬫ᭞ᬫᬳᬵᬪᬭᬍᬕᬦ᭄ᬳᬤᬶᬦᬾᬫᬗ᭄ᬓᬶᬦ᭄᭞ᬓᬾᬢᭀᬧᬲᬯᬸᬭᬾᬤᬶᬢᬸ᭞ᬭᬳᬤᬾᬦ᭄ᬇᬦ᭄ᬤ᭄ᬭᬲᬧ᭄ᬭ᭄ᬬᬡᬵ᭞ᬲᬫ᭄ᬧᬸᬦ᭄ᬢᬸᬢᬸᬕ᭄ᬢᬶᬕᬂᬤᬶᬦᬢᬶᬕᬂᬤᬮᬸ᭞ᬲᬸᬯᬾᬦᬾᬫᬭᬭ
Kaca:Bali-lontar-gaguritan-indra-bang-induraja-300ppi.pdf/165
Kaca puniki sampun kauji-wacén
