Kaca:Bali-lontar-gaguritan-indra-bang-induraja-300ppi.pdf/163

[ ᭑᭖᭒ 162B]
᭑᭖᭒᭞
ᬦ᭄ᬢᬸᬭᬸᬦᬦ᭄ᬲᬍᬯᬶᬄ᭞ᬓᬾᬢᭀᬧᬗᭂᬜᭂᬢᬾᬧᬥ᭟ᬤᬶᬢᬸᬮᬯᬸᬢ᭄ᬲᬂᬦᬵᬣᬗᬦ᭄ᬤᬶᬓᬬᬂᬩ᭄ᬯᬶᬦ᭄᭞ᬫᬳᬫ᭄ᬬᬦ᭄ᬳᬫ᭄ᬬᬦᬦ᭄᭞ᬧᭂᬢᬂᬤᬰᬤᬶᬦᬩ᭄ᬯᬶᬦ᭄᭞ᬫᬮᬶᬄᬫᬳᬾᬦᬓ᭄ᬳᬾᬦᬓᬦ᭄᭟
ᬲᬋᬂᬫᬮᬶᬄᬧ᭄ᬭᬭᬢᬸᬦᬾᬲ᭄ᬬᬦᬵᬕᬭᬶ᭞ᬧ᭄ᬭᬫᬦ᭄ᬢ᭄ᬭᬶᬮᬦ᭄ᬩᬮ᭞ᬫᬶᬯᬄᬧᬋᬓᬦ᭄ᬲᬗᬚᬶ᭞ᬲᬮ᭄ᬬᬦᬾᬤᬶᬓᭀᬢ᭟ᬭᬫᬾᬧᬶᬲᬦ᭄ᬢᭂᬢᬩᬸᬳᬦᬾᬫᬫᬸᬜᬶ᭞ᬤᬶᬚ᭄ᬭᭀᬦᬶᬂᬦᬵᬕᬭ᭞᭠
ᬲᬂᬦᬵᬣᬓᬯᬸᬃᬧᬸᬦᬕᬶ᭞ᬧᭀᬮᬶᬄᬧᬗᬦ᭄ᬤᬶᬓᬵ᭟ᬳᬦ᭄ᬢᬸᬓ᭄ᬲᬗ᭄ᬓᬦᬾᬲᬂᬭᬵᬚᬧᬸᬢ᭄ᬭᬓᬮᬶᬄ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬓᬾᬦᬓ᭄᭞ᬦᬦᬓ᭄ᬩᬕᬸᬲ᭄ᬦᬦᬓ᭄ᬤᬾᬯᬶ᭞ᬲᬂᬦᬵᬯᬦᬯᬸᬃᬧ᭄ᬭᬢᬶᬚ᭄ᬜ᭟ᬓᬾ
ᬢᭀᬢᬶᬗ᭄ᬓᬄᬧᭂᬫᬃᬕ᭄ᬕᬶᬦ᭄ᬲᬂᬭᬢᬸᬍᬯᬶᬄ᭞ᬧᬕᭂᬄᬭᬶᬂᬯᬘᬦ᭞ᬢᬦ᭄ᬫᬶᬱ᭄ᬬᬭᬶᬂᬰᬩ᭄ᬤᬦᬶᬂᬳᬢᬶ᭞ᬤᬶᬢᬸᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭟ᬫᬗᬦ᭄ᬤᬶᬓᬭᬶᬂᬧ᭄ᬭᬭᬢᬸᬦᬾᬲ᭄ᬬᬲᬶᬸᬤᬶᬭᬶ᭞ᬳᬮᬸᬲᬶᬂᬯᬘᬡ᭞ᬉᬤᬸᬄ
[ ᭑᭖᭓ 163A]
ᬳᬤᬶᬫᬓᬲᬫᬶ᭞ᬩᭂᬮᬶᬤᬸᬭᬸᬲ᭄ᬚᬕᬢᬸᬮᬓ᭄᭟ᬤᬸᬯᬰᬦᬾᬫᬫᬃᬕ᭄ᬕᬶᬲᬓᬶᬂᬳᬶᬭᬶᬓᬶ᭞ᬤᬶᬢᬸᬤᬶᬦᬫᭂᬮᬄ᭞ᬓᬢ᭄ᬢᬶᬓᬦᬾᬢ᭄ᬭᬬᭀᬤᬰᬶ᭞ᬧᬦᭂᬥᭂᬗᬶᬂᬕᬮᬂᬩᬸᬮᬦ᭄᭞ᬤᬾᬦᬶᬂᬓᬾ
ᬢᭀᬧ᭄ᬭᬧᬸᬢ᭄ᬭᬦᬾᬲ᭄ᬬᬦᬵᬕᬭᬶ᭞ᬳᭂᬚᬸᬫᬤᬩ᭄ᬤᬩᬦ᭄᭞ᬮᬯᬸᬢ᭄ᬤᬦᬾ ᬫᬦ᭄ᬤᬯᬸᬳᬶᬦ᭄᭞ᬧᬋᬓᬦ᭄ᬭᭀᬯᬂᬫᬓᭂᬚᬂ᭟ᬫᬗᬦ᭄ᬤᬶᬓᬵᬤᬦᬾᬭᬶᬮᬦᬾᬲᬫᬶ᭞ᬦᬄᬮᬯᬸᬢᬩ᭄ᬩᬂ᭞ᬧᭂᬓ
ᬓᬲ᭄ᬘᬳᬶᬦᬾᬚᬦᬶ᭞ᬤᬾᬦᬶᬂᬳᬶᬤᬭᬵᬚᬧᬸᬢ᭄ᬭ᭟ᬦᬾᬩᬶᬦ᭄ᬢᭂᬮᬸᬦ᭄ᬧᬓᬬᬸᬦᬦᬾᬫᬫᬃᬕ᭄ᬕᬶ᭞ᬤᬶᬢᬸᬬᬫᬓᭂᬚᬂ᭞ᬫᬩ᭄ᬭᬶᬬᬸᬓ᭄ᬧᬜ᭄ᬚᬓᬾᬲᬫᬶ᭞ᬧᬥᬦᬩ᭄ᬤᬩᬂᬪᬸᬱᬡ᭟ᬲᬫ᭄ᬧᬸᬦ᭄ᬢ᭄ᬭᬕ᭄ᬬᬵ
ᬩᬮᬦᬾᬫᬗᬦ᭄ᬢᭀᬲ᭄ᬲᬫᬶ᭞ᬗᬾᬮᬶᬗᬶᬦ᭄ᬳᬫᭀᬗᬦ᭄᭞ᬫᬳᬸᬮᬄᬳᬸᬮᬳᬦ᭄ᬚ᭠ᬦᬶ᭞ᬢᬓᬸᬢ᭄ᬧᬘᬂᬓᬮᬳᬶᬜ᭟᭐᭟ᬧᬸᬄᬧᬂ᭟᭐᭟ᬉᬘᬧᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬲᬋᬂᬭᬓ