Kaca:Bali-lontar-gaguritan-indra-bang-induraja-300ppi.pdf/150

[ ᭑᭔᭙ 149B]
᭑᭔᭙᭞
ᬮᬶᬲᬶᬂᬘᬭᬶᬢ᭞ᬳᬓᬾᬄᬩᬮ᭄ᬬᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬫᬦᬶᬯᬓᬂᬢᬫ᭄ᬩ᭞ᬦᬫ᭄ᬩᬦᬶᬦ᭄ᬲᬸᬗ᭄ᬓᬦ᭄ᬲᬂᬓᬮᬶᬄ᭞ᬳᬓᬾᬄᬢᬫ᭄ᬩᬵᬗᬼᬧᬸᬲᬫᬶ᭞ᬲᬸᬗ᭄ᬓᬦᬾᬲᬬᬦ᭄ᬫᬯᬸᬯᬸᬄ᭞ᬓᭀ
ᬩᭂᬢ᭄ᬪᬬᬸᬦᬾᬲᬂᬦᬵᬣ᭞ᬫᬶᬦᭂᬳᬶᬦ᭄ᬲᬗ᭄ᬓᬦ᭄ᬲᬂᬓᬮᬶᬄ᭞ᬤᬶᬢᬸᬩᬸᬯᬶᬦ᭄᭞ᬲᬂᬦᬵᬣᬜ᭄ᬚᬮᬦᬂᬧᬜ᭄ᬚᬂ᭟ᬫᬗᬮᬶᬄᬩᬮ᭄ᬬᬦ᭄ᬲᭂᬥᬳᬦ᭄᭞ᬅᬄᬮᬸᬦ᭄ᬦᬸᬚᬸᬦ᭄ᬲᬤᬕᭂᬮᬶᬲ᭄᭞ᬘ
ᬭᬶᬢᬬᬂᬳᬶᬲᭂᬤᬳᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬮᬾᬕᬶ᭞ᬤᬶᬢᬸᬲᬂᬦᬵᬣᬭᬭᬶᬲ᭄᭞ᬗ᭠ᬦ᭄ᬤᬶᬓᬭᬶᬂᬅᬄᬮᬸᬦ᭄ᬦᬸᬚᬸᬦ᭄᭞ᬇᬄᬲᭂᬥᬳᬦ᭄ᬢᬸᬮᬸᬂᬳᬶᬭ᭞ᬢᭂᬦᬸᬗᬶᬦ᭄ᬲᬓᬶᬢ᭄ᬦᬾᬚᬦᬶ᭞ᬫᬦ᭄ᬢᬸᬦ᭄ᬳᬶ
ᬭ᭞ᬲᬸᬗ᭄ᬓᬦ᭄ᬳᬚᬓ᭄ᬭᬚᬚ᭄ᬯᬶᬢ᭟ᬲᬶᬩᬋᬗᬦ᭄ᬳᬚᬓ᭄ᬤᬤ᭄ᬯ᭞ᬬᬦ᭄ᬓᬾᬦ᭄ᬓᬾᬦ᭄ᬲᬓᬶᬢ᭄ᬦᬾᬚ᭠ᬦᬶ᭞ᬳᬧᬜᬦ᭄ᬤᬂᬳᬗ᭄ᬕᭀᬦ᭄ᬳᬸᬩᬤ᭄᭞ᬳᬶᬦ᭄ᬤᬭᬂᬧ᭄ᬭᬾᬓ᭄ᬱᬩᬮᬶᬳᬶᬦ᭄᭞ᬲᭂᬤᬳᬦᬾᬤᬶᬢᬸ
[ ᭑᭕᭐ 150A]
ᬕᭂᬮᬶᬲ᭄᭞ᬫᬗ᭄ᬮᬶᬬᬢᬶᬳᬚᬶᬢᭂᬦᬸᬂ᭞ᬲᬫ᭄ᬧᬸᬦ᭄ᬫᬫᬸᬓᬅ᭄ᬧᬸᬱ᭄ᬝᬓ᭞ᬓᬶᬢᬓ᭄ᬓᬶᬢᬸᬓ᭄ᬓᭂᬫᬓ᭄ᬓᭂᬫᬶᬓ᭄᭞ᬲᭂᬥᬳᬦᬾ᭞ᬤᬶᬢᬸᬮᬯᬸᬢ᭄ᬫᬦ᭄ᬮᬾᬓ᭄ᬢᬾᬓᬂ᭟ᬇᬗ᭄ᬕᬶᬄᬭᬢᬸᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲ
ᬧᬸᬦᬶᬓᬶᬓᬦ᭄ᬢᭂᬦ᭄ᬫᬗ᭄ᬓᬶᬦ᭄᭞ᬭᬶᬂᬳᬚᬶᬢᭂᬦᬸᬂᬧᬸᬦᬶᬓ᭞ᬲᬂᬓᬮᬩᬸᬭᬓ᭄ᬱᬫᬢᬶ᭞ᬳᬦ᭄ᬢᬸᬓ᭄ᬫᬦ᭄ᬢᬸᬦ᭄ᬳᬶᬤᬫᬗ᭄ᬓᬶᬦ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬜᬸᬤᬸᬓ᭄᭞ᬧᬸᬦᬶᬓᬯᬾᬦ᭄ᬢᭂᬦ᭄ᬗᬾᬃᬢ᭄ᬬᬂ᭞ᬭᬶᬂ
ᬜᬫᬦ᭄ᬳᬶᬧᬸᬦᬾᬳᬶᬲ᭄ᬢ᭄ᬭᬶ᭞ᬲᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬜᬳᬢᬂᬧᬶᬲᬦ᭄᭟ᬚᬕᬫᬗ᭄ᬯᬍᬲ᭄ᬫᬗ᭄ᬭᬸᬲᬓ᭄᭞ᬳᬦᬓ᭄ᬫᬦ᭄ᬢᬸᬰ᭄ᬭᬷᬪᬸᬧᬢᬶ᭞ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬓᬮᬶᬄᬳᬶᬤᬭᬵᬚ
ᬧᬸᬢ᭄ᬭᬶ᭞ᬤ᭄ᬯᬦᬶᬂᬓᬮᬦᬾᬯ᭄ᬬᬓ᭄ᬢᬶ᭞ᬗᬫᭂᬮ᭄ᬳᬸᬭᬶᬧ᭄ᬕ᭄ᬭᬶᬂᬪ᭄ᬯᬦᬵᬕᬸᬂ᭞ᬧᬸᬦᬶᬓᬫᬗ᭄ᬓᬶᬦ᭄ᬓᬮᬾᬩᬂ᭞ᬦᬶᬩᬾᬦᬶᬦ᭄ᬓᭀᬢᬦ᭄ᬲᬗᬚᬶ᭞ᬤᬤᭀᬲ᭄ᬳᬕ᭄ᬭᬶᬂ᭞ᬜᬸᬗ᭄ᬓᬦᬦ᭄ᬳᬦᬓ᭄ᬘᭀᬓᭀᬃᬤ᭄ᬥ᭟ᬢᬍᬃ