Kaca:Bali-lontar-gaguritan-indra-bang-induraja-300ppi.pdf/151

Saking Wikisource
Kaca puniki sampun kauji-wacén

[ ᭑᭕᭐ 150B]
᭑᭕᭐᭞
ᬲᬦᬾᬓ᭄ᬭᬯᭀᬲᬂ᭞ᬭᬶᬂᬯᬢᭂᬓ᭄ᬓᬮᬦᬾᬲᬫᬶ᭞ᬫᬗ᭄ᬤᬾᬲᬶᬤ᭄ᬥᬳᬶᬤᬭᬸᬲᬓ᭄᭞ᬳᬦᬓ᭄ᬳᬶᬤᬫᬓᬓᬮᬶᬄ᭞ᬢᬦ᭄ᬲᬸᬭᬸᬤ᭄ᬫᬦᬄᬦᬾᬫᬗ᭄ᬓᬶᬦ᭄᭞ᬧᬘᬂᬗᬃᬬ᭄ᬬᬦᬂᬧᬓᬾᬯᬸᬄ
᭞ᬯᬦ᭄ᬢᬄᬓᬤᬶᬲᬧᬸᬦᬶᬓ᭞ᬧᬓᬦ᭄ᬢᭂᬦᬦ᭄ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬦᬗ᭄ᬳᬶᬂᬦᬾᬦ᭄ᬢᭂᬦ᭄᭞ᬚᬮᬵᬫᬳᬯᬶᬦᬦ᭄ᬭᬸᬲᬓ᭄᭟ᬧᬸᬢ᭄ᬭᬦ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬫ᭄ᬧᬸᬦᬂᬲᬸᬓ᭄ᬱ᭄ᬓᬾᬂᬳᬢᬶ᭞ᬯᬾᬦ᭄ᬢᭂᬦ᭄ᬚ
ᬕᬶᬧᬸᬢᬸᬮᬸᬗᬦ᭄᭞ᬬ᭄ᬯᬤᬶᬦ᭄ᬧᬘᬂᬦᬫ᭄ᬩᬦᬶᬦ᭄᭞ᬲᭀᬭᭀᬄᬉᬧᬲᬾᬫᬡ᭄ᬥᬶ᭞ᬮᬾᬤᬗᬂᬤᬸᬫᬸᬦ᭄ᬭᬶᬂᬓᬬᬸᬦ᭄᭞ᬳᬦ᭄ᬢᭀᬲᬂᬳᬸᬕᬶᬧᬸᬦᬶᬓᬵ᭞ᬧᬶᬢᬸᬮᬸᬂᬲᬂᬳ᭄ᬬᬂᬤᬾᬯᬵᬤᬶ᭞ᬚᬦ᭄ᬢᭂᬦ᭄ᬭ
ᬯᬸᬄ᭞ᬩᬜᬸᬳᬸᬭᬶᬧ᭄ᬫᬜᬶᬤᬬᬂ᭟᭐᭟ᬧᬸᬄᬕᬶ᭟᭐᭟ᬳᬫ᭄ᬩᬸᬮ᭄ᬢᭀᬳᬢᬸᬃᬳᬩᬮ᭄ᬬᬦ᭄᭞ᬢᭂᬓᬾᬦᬶᬂᬳᬶᬤᬲᬗᬚᬶ᭞ᬚᬢᬶᬲᬚᬢ᭄ᬯᬭᬮᬶᬜᭀᬓ᭄᭞ᬳᬫ᭄ᬩᬸᬮ᭄ᬦᬾᬗᭂᬦᬄᬤᬶᬢᭂᬦᬸᬂ᭞
[ ᭑᭕᭑ 151A]
ᬩᬮ᭄ᬬᬦᬾᬤᬶᬢᬸᬦ᭄ᬮᬾᬓ᭄ᬢᬾᬓᬂ᭞ᬢᬢᬲ᭄ᬚᬦᬶ᭞ᬳᬦ᭄ᬢᬸᬓ᭄ᬲᬂᬦᬵᬣᬫ᭄ᬬᬃᬱᬬᬂ᭟ᬫᬓᬤᬶᬲᬂᬧᬭᬧᬸᬢ᭄ᬭ᭞ᬢᬢᬲ᭄ᬲᬫ᭄ᬧᬸᬦ᭄ᬫᬫᬶᬳᬃᬱᬶ᭞ᬳᭀᬦ᭄ᬢᬾᬮᬦ᭄ᬩᬮ᭄ᬬᬦᬾᬓᬾᬢᭀ᭞
ᬤᬤ᭄ᬬᬜᬤᬶᬢᬸᬲᬶᬂᬧ᭄ᬭᬪᬸ᭞ᬓᬗᭂᬦ᭄ᬓᬬᬸᬦᬾᬓᬮᬶᬦ᭄ᬢᬂ᭞ᬩᬸᬓᬫᬶᬃᬫᬶᬃ᭞ᬳᬶᬤᭂᬧᬾᬯᬯᬸᬗᬢᭀᬦᬂ᭟ᬦᬵᬕᬭᬦᬾᬲᬫᬸᬦ᭄ᬰᬹᬦ᭄ᬬ᭞ᬩᬦ᭄ᬮ᭄ᬬᬸᬚᬤ᭄ᬫᬦᬾᬲᬓᬶᬢ᭄᭞ᬲᬓᬸ᭠
ᬳᬸᬫᬦ᭄ᬳᬦ᭄ᬢᬧ᭄ᬭᬫᬡ᭟ᬢ᭄ᬯᬭᬩᬦᬶᬚᬤ᭄ᬫᬧᭂᬲᬸ᭞ᬫᬳᬶᬭᬶᬩ᭄ᬦᬕᬭᬓᬮᬄ᭞ᬓᬭᬜ᭄ᬚᬶᬗᬶᬦ᭄᭞ᬩᬳᬦ᭄ᬫᬸᬲᬸᬄᬬᬦ᭄ᬭᬲᬬᬂ᭟ᬓᬾᬢᭀᬍᬮᬸᬦ᭄ᬳᬶᬤᬲᬂᬦᬵᬣ᭞ᬫᬓᬤᬶᬧᬜ᭄ᬚᬓᬾᬘᭂ
ᬦᬶᬓ᭄᭞ᬫᬤᭂᬳᭂᬧᬦ᭄ᬧᬥᬩᭂᬗᭀᬂ᭞ᬫᬗᭂᬦᬂᬳᬦᬓᬾᬳᬕᬸᬂ᭞ᬩᬯᬸᬫᬭᬧᬗᬦ᭄ᬢᬾᬦᬦ᭄᭞ᬮᬦᬂᬳᬶᬲ᭄ᬢ᭄ᬭᬶ᭞ᬫᬩ᭄ᬭᬶᬬᬸᬓ᭄ᬦᬳᭂᬦ᭄ᬧᬶᬦᬸᬗ᭄ᬓᬦ᭄᭟ᬳᭂᬦᭂᬗᬂᬤᬸᬫᬸᬦ᭄ᬧᬸᬦᬶᬓ᭞ᬇᬦ᭄ᬤ᭄ᬭᬲ