Kaca:Bali-lontar-gaguritan-indra-bang-induraja-300ppi.pdf/149

[ ᭑᭔᭘ 148B]
ᬤᬶᬢᬸᬮᬯᬸᬢ᭄᭞ᬧ᭄ᬭᬫᬶᬰ᭄ᬯᬭᬶᬓᬦ᭄ᬤᬶᬓᬬᬂ᭟ᬳᬦ᭄ᬢᬸᬓ᭄ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬓᭂᬦᬶᬦᬩ᭄ᬤᬩᬂᬦᬾᬫᬗ᭄ᬓᬶᬦ᭄᭞ᬲᬮ᭄ᬯᬶᬭᬶᬂᬚᬕᬭᬭᬧᬦ᭄᭞ᬧᬸᬢ᭄ᬭᬦᬾᬫᬫᬃᬕ᭄ᬕᬶᬫᬸᬮᬶᬄ᭞ᬘᬭᬶᬢᬬᬂᬧᬸᬧᬸᬢ᭄ᬫ
ᬗ᭄ᬓᬶᬦ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬓᬯᬸᬯᬸᬲ᭄᭞ᬮᬦᬂᬳᬶᬲ᭄ᬢ᭄ᬭᬶᬳᬩ᭄ᬭᬶᬬᬸᬓᬦ᭄᭞ᬦᬸᬦᬲ᭄ᬮᬸᬕ᭄ᬭᬭᬶᬂᬳᬶᬩᬸᬳᬚᬶ᭞ᬚᬕᬢᬸᬮᬓ᭄᭞ᬓᬩᬮᬾᬮᭀᬚᬶᬦᬾᬦᭂᬕᬓ᭄᭟ᬫᬗ᭄ᬭᬭᬶᬲ᭄ᬳᬶᬤ᭄ᬭᬩᬗ᭄ᬲ᭄ᬯᬡ᭞
ᬫᬫᬃᬕ᭄ᬕᬶᬲᬋᬂᬧ᭄ᬭᬫᬶ᭞ᬢᬦ᭄ᬓᬘᬭᬶᬢᬭᬶᬂᬚᬮᬦ᭄᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬭᬶᬂᬩᬮᬾᬳᬶᬮᬦᬂᬳᬶᬲ᭄ᬢ᭄ᬭᬶ᭞ᬲᬓᬾᬂᬧᬗᬶᬓᭂᬢ᭄ᬳ᭄ᬬᬂᬢᬸᬤᬸᬄ᭞ᬮᬯᬸᬢ᭄ᬓᬢᬶᬩᬾᬦ᭄ᬧᬦᬸᬗ᭄ᬓᬓ᭄᭞ᬭ
ᬳᬢ᭄ᬧᬶᬲᬦ᭄ᬫᬓᬓᬩᬶᬄ᭞ᬮᬭᬪᬬ᭞ᬳᭂᬤᬲ᭄ᬓᬢᬶᬗ᭄ᬕᬮᬦ᭄ᬚᬶᬯᬵ᭟ᬳᬫ᭄ᬩᬸᬮ᭄ᬢᭀᬚᬦᬶᬢᬸᬢᬸᬭᬂ᭞ᬧᬦᬸᬗ᭄ᬓᬓ᭄ᬳᬶᬤᬲᬂᬓᬵᬮᬶᬄ᭞ᬓᭀᬘᬧ᭄ᬚᬤ᭄ᬫᬦᬾ ᬳᬶᬭᬶᬓ᭞ᬕᬾᬯᬃᬲᬚ᭄ᬭᭀᬦᬶᬂᬩᬮᬾᬕᬶ᭞
[ ᭑᭔᭙ 149A]
ᬫᬗ᭄ᬭᬯᭀᬲᬂᬭᬵᬚᬧᬸᬢ᭄ᬭᬶ᭞ᬲᬗ᭄ᬓᬦ᭄ᬭᬳᬢ᭄ᬳᬶᬲ᭄ᬢ᭄ᬭᬶᬓᬓᬸᬂ᭞ᬓᬧᬶᬋᬂᬳᬦ᭄ᬢᬸᬓ᭄ᬲᬂᬦᬵᬣ᭞ᬫᬶᬯᬄᬭᬶᬂᬰ᭄ᬭᬷᬧ᭄ᬭᬫᬶᬰ᭄ᬯᬭᬶ᭞ᬬᬳᬶᬦᬦᬓ᭄᭞ᬫᬓᬓᬮᬶᬄᬲᬸᬗ᭄ᬓᬦ᭄ᬭᬳᬢ᭄᭟ᬇᬚᬸᬮᬯᬸᬢ᭄ᬰ᭄ᬭᬷᬦᬭᬾ
ᬦ᭄ᬤ᭄ᬭ᭞ᬫᬓᬤᬶᬰ᭄ᬭᬷᬧ᭄ᬭᬫᬶᬰ᭄ᬯᬭᬶ᭞ᬲᬋᬂᬭᬶᬲᬂᬧ᭄ᬭᬦᬵᬣ᭞ᬧ᭄ᬭᬧᬸᬢ᭄ᬭᬦᬾᬲ᭄ᬬᬦᬵᬳᬭᬶ᭞ᬕᭂᬫᬃᬲᬫᬶᬜᬕ᭄ᬚᬕᬶᬦ᭄᭞ᬢᬦᬲᬸᬯᬾᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬕ᭄ᬦᬄᬳᬶᬤ᭄ᬯᬕᬸᬂᬲᬸᬗ᭄ᬓᬦ᭄᭞ᬢᬢᬲ᭄ᬲᬋᬂ᭞
ᬲᬫᬶᬗᬓ᭄ᬱᬶ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬧ᭄ᬭᬫᬶᬰ᭄ᬯᬭᬶᬮᬦ᭄ᬧ᭄ᬭᬧᬸᬢ᭄ᬭ᭞ᬭᬭᬶᬲ᭄ᬫᬦᬗᬶᬲ᭄ᬳᬶᬭᬶᬓ᭞ᬧ᭄ᬭᬧᬸᬢ᭄ᬭᬦᬾᬢᬍᬃᬦᬗᬶᬲ᭄᭞ᬓᬗᭂᬦ᭄ᬭᬶᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬳᬸᬫᬸᬂᬲᬚ᭄ᬭᭀᬦᬶᬂᬩᬮᬾᬕᬶ᭞ᬫᬦ
ᬗᬶᬲ᭄ᬲᬮᬾᬂᬢᬫ᭄ᬩᬸᬗᬶᬦ᭄᭞ᬲᬮ᭄ᬬᬦ᭄ᬚᬤ᭄ᬫᬦᬾᬤᬶᬢᬸ᭞ᬧᬥᬳᬾᬜ᭄ᬚᭀᬂᬫᬩ᭄ᬬᬬᬸᬯᬦ᭄᭞ᬲᬂᬦᬵᬣᬜᬮᬦᬂᬕᭂᬮᬶᬲ᭄᭞ᬧᬘᬂᬗᬮᬶᬄ᭞ᬯᬢᭂᬓ᭄ᬩᬮ᭄ᬬᬦᬾᬫᬓᭂᬚᬂ᭟ᬲᬓᬶᬂᬕᭂ᭠