[ ᭑᭑᭘ 118B]
᭑᭑᭘᭞
ᬬᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬳᬦᬶᬂ᭟ᬲᬧᬸᬦᬶᬓᬳᬢᬸᬭᬾᬲᬂᬧ᭄ᬭᬧᬸᬢ᭄ᬭ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬳᬃᬱᬶ᭞ᬤᬤᬶᬫᬤᭂᬳᭂᬧᬦ᭄᭞ᬳᬾᬮᬶᬂᬤᬸᬓᬾᬫᭂᬦᬬᬳᬂ᭞ᬮᬯᬸᬢ᭄ᬜᬫ᭄ᬩᬢ᭄ᬲᬂᬳ᭄ᬬᬂᬯᬶᬥᬶ᭞ᬤᬸᬄᬫᬵᬲ᭄ᬪᬝᬵ᭠
ᬭ᭞ᬲᬫ᭄ᬧᬸᬦᬂᬧᬶᬲᬦ᭄ᬮᬮᬶ᭟ᬤᬶᬢᬸᬮᬯᬸᬢ᭄ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬜᬯᬸᬭᬶᬦ᭄ᬯ᭠ᬘᬦᬫᬦᬶᬲ᭄᭞ᬉᬤᬸᬄᬜᬫᬦ᭄ᬢᬶᬢ᭄ᬬᬂ᭞ᬦᬾᬳᬤᬶᬳᬚᬓ᭄ᬫᬓᭂᬚᬂ᭞ᬤᬵᬧᬶᬲᬦ᭄ᬲᭂᬓᭂᬮ᭄ᬤᬶᬳᬢᬶ᭞
ᬩᭂᬮᬶᬳᬫ᭄ᬧᬸᬭ᭞ᬧᭀᬮᬶᬄᬫᬮᬫ᭄ᬧᬄᬢᬦ᭄ᬬᬸᬓ᭄ᬢᬶ᭟ᬲᬦᬾᬲᬫ᭄ᬧᬸᬦ᭄ᬳ᭄ᬬᬦ᭄ᬓᬾᬗᬶᬦ᭄ᬮᬶᬦ᭄ᬢᬗᬂᬧᬶᬲᬦ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬯᬯᭀᬦᬶᬦ᭄᭞ᬳᬤᬶᬲᬋᬂᬢᬶᬢ᭄ᬬᬂ᭞ᬓᬢᬸᬤᬸᬄᬫᬦᬤᬶᬚᬤ᭄ᬫ᭞ᬲ
ᬓᬶᬂᬧᬜᬢ᭄ᬭᬶᬦ᭄ᬳ᭄ᬬᬂᬯᬶᬥᬶ᭞ᬳᬶᬤᬗᬢᬶᬓᬂ᭞ᬲᬗ᭄ᬓᬦ᭄ᬢᭂᬧᬸᬓ᭄ᬩᬸᬓᬚᬦᬶ᭟ᬲᬦᬾᬫᬗ᭄ᬓᬶᬦ᭄ᬮ᭄ᬬᬦᬶᬂᬧ᭄ᬭᬶᬫᬦᬄᬢᬶᬢ᭄ᬬᬂ᭞ᬯᬦ᭄ᬢᬄᬧᬶᬲᬭᬢ᭄ᬗᬢᬸᬭᬶᬦ᭄᭞ᬫᬗ᭄ᬤᬳᬤᬶᬢᬸᬮᬓ᭄᭞ᬫᬦ᭄ᬢᬸᬓ᭄ᬤᬸᬫᬸᬦ᭄ᬓ᭠
[ ᭑᭑᭙ 119A]
ᬦᬵᬕᬭ᭞ᬳᬢᭂᬳᬂᬧᬜ᭄ᬚᬓᬾᬫᬸᬮᬶᬄ᭞ᬳᬚᬓ᭄ᬫᬓᭂᬚᬂ᭞ᬧᬶᬦᭂᬳᬶᬦ᭄ᬳᬧᬂᬦᬸᬪᬓ᭄ᬢᬶ᭟ᬦᬾᬩ᭄ᬯᬶᬦ᭄ᬧᬶᬢᬸᬂᬤᬶᬦᬳᬤᬶᬳᬧᬂᬢᭂᬓᬵ᭞ᬧᬘᬂᬫᬋᬓ᭄ᬰ᭄ᬭᬶᬪᬸᬧᬢᬶ᭞ᬩᬋᬂᬳᬚᬓ᭄ᬢᬶᬢ᭄ᬬᬂ᭞
ᬳᬶᬭᬶᬓᬵᬗᬢᬸᬭᬂᬭᬕ᭞ᬤᬸᬮᬸᬭᬶᬦ᭄ᬩᬦ᭄ᬭᬚᬧᬾᬦᬶ᭞ᬳᬗ᭄ᬕᬾᬦ᭄ᬧ᭄ᬭᬘᬶᬳ᭄ᬦ᭞ᬢᬦ᭄ᬤᬪᬓ᭄ᬢᬶᬭᬶᬂᬲᬗᬚᬶ᭟ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧ᭄ᬭᬧᬸᬢ᭄ᬭᬦᬾᬫᬢᬸᬃᬇᬗ᭄ᬕᬶᬄ᭞ᬗᬶ
ᬭᬶᬂᬳᬓᬬᬸᬦᬦ᭄᭞ᬦᬗ᭄ᬳᬶᬂᬬᬦ᭄ᬫᬦᬄᬧ᭄ᬭᬧᬸᬢ᭄ᬭ᭞ᬢᬦ᭄ᬓᬬᬸᬦ᭄ᬩᭂᬮᬲ᭄ᬦᬾᬫᬗ᭄ᬓᬶᬦ᭄᭞ᬭᬶᬂᬭᬵᬚᬧᬸᬢ᭄ᬭ᭞ᬢᬍᬃᬧᬶᬲᭂᬋᬂᬳᬸᬕᬶ᭟ᬳᬦ᭄ᬢᬸᬓ᭄ᬳᬶᬤᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬓᭂᬦᬶᬢᬸᬮᬓ᭄ᬲᬋᬂᬲᬫᬶ
᭞ᬫᬦ᭄ᬢᬸᬓ᭄ᬓᬦᬵᬕᬭ᭞ᬤᬤ᭄ᬬᬜᬲᬂᬧ᭄ᬭᬧᬸᬢ᭄ᬭ᭞ᬫᬩ᭄ᬭᬶᬬᬸᬓ᭄ᬮᬯᬸᬢ᭄ᬫᬧᬫᬶᬢ᭄᭞ᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬕᬺᬳᬦ᭄ᬧᬜ᭄ᬚᬓᬾᬲᬫᬶ᭟ᬧᬥᬲ᭄ᬲᬸᬩᬓᬓ᭄ᬱᬶᬳᬦ᭄ᬢᬸᬓ᭄ᬭᬵᬚᬧᬸᬢ᭄ᬭ᭞ᬧᬭᬭᬢᬸᬦᬾᬫᬫᬃᬕ᭄ᬕᬶ
Kaca:Bali-lontar-gaguritan-indra-bang-induraja-300ppi.pdf/119
Kaca puniki sampun kauji-wacén
