[ ᭑᭑᭙ 119B]
ᬲᬫ᭄ᬧᬸᬦ᭄ᬗᬮᬶᬦ᭄ᬢᬂᬓᭀᬢ᭞ᬢ᭄ᬯᬭᬗᭂᬦᬄᬓᬮᬶᬬᬢᬦ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬦᬾᬫᬗ᭄ᬓᬶᬦ᭄᭞ᬫᬮᬶᬄᬳᬸᬘᬧᬂ᭞ᬫᬸᬗ᭄ᬕᬄᬭᬶᬂᬓᬸᬤᬦᬾᬕᭂᬮᬶᬲ᭄᭟ᬚᬕᬵᬢᬸᬮᬓ᭄ᬫᬦ᭄ᬢᬸᬓ᭄ᬭᬶᬂᬳᬸᬫᬄᬲᬂᬬᬓ᭄ᬱ
᭞ᬓᬸᬤᬦᬾᬓᬕᭂᬧ᭄ᬮᬓ᭄ᬭᬭᬶᬲ᭄᭞ᬫᬮᬳᬶᬩ᭄ᬫᬦᬕᬃ᭞ᬲᬓᬶᬂᬕᭂᬮᬶᬲᬶᬂᬘᬭᬶᬢ᭞ᬭᬯᬸᬄᬭᬶᬂᬳᬸᬫᬄᬲᬂᬬᬓ᭄ᬱᬶ᭞ᬢᭂᬥᬸᬦ᭄ᬭᬶᬂᬓᬸᬤ᭞ᬫᬫᬃᬕ᭄ᬕᬶᬮ᭄ᬯᬶᬃᬥᬂᬥᬂᬕᭂᬦ᭄ᬥᬶᬲ᭄᭟᭐᭟ᬲᬓᬶᬂᬕ᭄ᬮᬶᬲ᭄ᬢᬸᬢᬸᬭᬦ᭄ᬧᬸ
ᬦᬶᬓᬶ᭞ᬘᬭᬶᬢᬬᬂ᭞ᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬗ᭄ᬭᬜ᭄ᬚᬶᬂᬭᬶᬂᬓᭀᬢᬦᬾ᭞ᬧᬗᭂᬫ᭄ᬧ᭄ᬯᬦᬾᬭᬭᬶᬲ᭄ᬢᭂᬥᬸᬦ᭄᭞ᬓᬩᬜ᭄ᬘᬶᬗᬄᬲᬤᬕᭂᬮᬶᬲ᭄᭞ᬫᭂᬦ᭄ᬤᬓᬶᬦ᭄ᬤᬲᬂᬦᬵᬣ᭞ᬓᭀᬘᬧ᭄ᬲ
ᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬳᬬᬸᬦ᭄ᬳᬶᬤᬲᬂᬦᬵᬣ᭞ᬲᬋᬂᬲᬫᬶ᭞ᬧ᭄ᬭᬦᬫ᭄ᬬᬳᬢᬧ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭟ᬫᬗᭀᬃᬢ᭄ᬢᬬᬂᬳᬦᬓᬾᬢ᭄ᬭᬸᬡᬗᬸᬦᬶ᭞ᬤᬶᬧᬧ᭄ᬭᬗᬦ᭄᭞ᬫᬗ᭄ᬮᬢᬦ᭄ᬧ᭄ᬭᬧᬸᬢ᭄ᬭ᭞ᬭ
[ ᭑᭒᭐ 120A]
ᬢᬸᬳᬲ᭄ᬬᬦᬵᬕᬭᬦᬾ᭞ᬕᬕᬄᬧ᭄ᬭᬓᭀᬱᬗᬫᬸᬓ᭄᭞ᬩᬸᬓᬯ᭄ᬭᬂᬭᬵᬚᬯᬮᬶ᭞ᬓᬋᬩᬸᬢ᭄ᬢ᭄ᬯᬭᬕᬶᬗ᭄ᬕᬂ᭞ᬢᬸᬢᬶᬂᬚᬭᬦ᭄ᬗᬫᬸᬓ᭄᭞ᬫᬲ᭄ᬬᬢ᭄ᬗᬤᬸᬯᬂᬧᭂᬤᬂ᭞ᬕᬜ᭄ᬘᬂᬫᬶᬲᬦ᭄᭞ᬘᬬᬦᬾᬗᭂ
ᬦᬄᬤᬶᬮᬗᬶᬢ᭄᭞ᬲᬜ᭄ᬚᬢᬦᬾᬫᬲᭂᬫ᭄ᬩᬭᬦ᭄᭟ᬢᭀᬳᬯᬦᬦ᭄ᬧ᭄ᬭᬭᬢᬸᬦᬾᬮᬶᬮᬶᬄ᭞ᬢ᭄ᬯᬭᬲᬶᬤ᭄ᬥ᭞ᬤᬶᬢᬸᬩᬜᬦᬗ᭄ᬕᬮ᭄᭞ᬮᬯᬸᬢ᭄ᬫᬮᬳᬶᬩ᭄ᬩᬮᬦᬾ᭞ᬲᬂᬢᬭᬸᬡᬗᬸᬮᬄ
ᬦᬭᬸᬢᬸᬕ᭄᭞ᬗᭂᬮᬯᬸᬢ᭄ᬳᬶᬮᬂᬓᬬᬂᬚᬦᬶ᭞ᬢ᭄ᬯᬭᬳᬤᬩ᭄ᬯᬶᬦ᭄ᬫᬸᬮᬢ᭄᭞ᬤᬶᬢᬸᬮᬯᬸᬢ᭄ᬲᬂᬧ᭄ᬭᬪᬸ᭞ᬫᬢᬓᬾᬦ᭄ᬭᬶᬂᬩᬮᬦ᭄ᬳᬶᬤ᭞ᬳᭂᬜᬾᬦ᭄ᬚᬦᬶ᭞ᬳᬦᬓᬾᬳᭂᬦ᭄ᬢᭀᬦᬸᬮᬸᬗᬶᬦ᭄᭞ᬧ᭄ᬭᬓᭀᬱ
ᬧᬶᬲᬦᬗ᭄ᬮᬕ᭟ᬳᬮᬄᬢᬸᬚᬸᬳᬦᬓᬾᬢ᭄ᬭᬸᬡᬫᬳᬶ᭞ᬫᬦᬸᬮᬸᬗᬶᬦ᭄᭞ᬳᬶᬭᬤᬶᬧᬲ᭄ᬬᬢᬦ᭄᭞ᬬᬦᬾᬢ᭄ᬯᬭᬢᭂᬓᬤᬦᬾ᭞ᬧᭂᬥᬲ᭄ᬳᬶᬭᬤᬶᬢᬸᬮᬫ᭄ᬧᬸᬲ᭄᭞ᬩᬦ᭄ᬧ᭄ᬭᬧᬸᬢ᭄ᬭᬦᬾᬲ᭄ᬬᬤᬶᬭᬶ᭞
Kaca:Bali-lontar-gaguritan-indra-bang-induraja-300ppi.pdf/120
Kaca puniki sampun kauji-wacén
