[ ᭑᭑᭗ 117B]
᭑᭑᭗᭞
ᬓᭂᬧᬢᬸᬢᬦ᭄ᬧᬘᬂᬦ᭄ᬭᬶᬫ᭞ᬧᬗ᭄ᬭᬯᭀᬲ᭄ᬳᬤᬶᬦᬾᬫᬗ᭄ᬓᬶᬦ᭄᭞ᬦᬾᬢᬸᬦᬲ᭄ᬢᬶᬢ᭄ᬬᬂ᭞ᬧᭂᬓᬬᬸᬦᬦ᭄ᬲᬦᬾᬳᭂᬦᬶᬂ᭟ᬢ᭄ᬯᬄᬳᬫ᭄ᬩᬸᬮ᭄ᬢᭀᬧᭂᬲᬯᬸᬃᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧ᭄ᬭᬧᬸᬢ᭄ᬭᬦᬾᬫᬢᬸᬃᬫᬮᬶᬄ᭞
ᬫᬩ᭄ᬭᬶᬬᬸᬓ᭄ᬫᬓᭂᬚᬂ᭞ᬇᬗ᭄ᬕᬶᬄᬭᬢᬸᬭᬚᬧᬸᬢ᭄ᬭ᭞ᬗᬸᬤᬲᬧᬸᬦᬶᬓᬕᬸᬲ᭄ᬢᬶ᭞ᬫᬶᬚᬶᬮ᭄ᬯᬘᬡ᭞ᬢᬦ᭄ᬧᬢᬸᬢ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬚᬕᬵᬧᬸᬭᬸᬦ᭄ᬤᭂᬕᬕ᭄ᬫᬢᬸᬃᬭᬶᬂᬳᬶᬤᬾᬯ᭞ᬤ᭄ᬯᬦᬶᬂᬢᬶᬢ᭄ᬬᬂᬓᬲᭀᬃ
ᬯ᭄ᬬᬓ᭄ᬢᬶ᭞ᬫᭂᬢᬦ᭄ᬤᬶᬂᬓᬯᬶᬪᬯ᭞ᬭᬶᬂᬢᭂᬗᬳᬶᬂᬧᬧ᭄ᬭᬗᬦ᭄᭞ᬭᬢᬸᬲ᭄ᬯᬾᬘᬗᬶᬘᬾᬳᬸᬭᬶᬧ᭄᭞ᬫ᭄ᬯᬳᬶᬦᬦ᭄ᬢᬶᬢ᭄ᬬᬂ᭞ᬓᬭᬶᬫᬳᬸᬭᬶᬧ᭄ᬫᬗ᭄ᬓᬶᬦ᭄᭟ᬓᬮᬶᬄᬜᬦ᭄ᬤᬂᬕ᭄ᬦᬄᬢᬶᬢ᭄ᬬᬂᬫᬫᬋᬓᬦ᭄᭞ᬭᬶᬂᬳᬶ
ᬭᬢᬸᬲᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᭂᬗᬢᬸᬭᬂ᭞ᬢᭂᬮᬲ᭄ᬭᬯᬸᬳᬶᬂᬦᬵᬕᬭ᭞ᬳᬶᬭᬢᬸᬦᬸᬯᬾᬦᬂᬲᬫᬶ᭞ᬲᬭᬵᬚᬫᬸᬮ᭄ᬬ᭞ᬗᬶᬭᬶᬂᬳᬶᬭᬢᬸᬦᬾᬫᬗ᭄ᬓᬶᬦ᭄᭟ᬫ᭄ᬭᬶᬓᬦᬶᬜ᭄ᬚᭀᬓᭀᬢᬦᬾ
[ ᭑᭑᭘ 118A]
ᬭᬶᬂᬧᬮᬭᬵᬚ᭞ᬓᭂᬦᬶᬤᬶᬓᬦ᭄ᬭᬢᬸᬫᬗ᭄ᬓᬶᬦ᭄᭞ᬫᬲᬯᬸᬃᬭᬳᬤ᭄ᬬᬦ᭄᭞ᬳᬸᬤᬸᬄᬳᬤᬶᬜᬫᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬦᬸᬦ᭄ᬤᬾᬦᬂᬩᭂᬮᬶ᭞ᬦᬾᬫᬗ᭄ᬓᬶᬦ᭄ᬓᭂᬫ᭞ᬳᬧᬂᬤᬵᬭᬾᬫ᭄ᬩᬢ᭄ᬳᬤᬶ᭟ᬫᬦᬶᬧ᭄ᬯᬦ᭄ᬫᬲ
ᬩᬸᬳᬸᬂᬩᭂᬮᬶᬲᬶᬗ᭄ᬕᬄ᭞ᬓᭂᬧᬮᬭᬵᬚᬦᬵᬕᬭᬶ᭞ᬓᬾᬯᬮᬳᬾᬮᬶᬗᬂ᭞ᬍᬕᬦᬾᬫᭂᬜᬫᬢᬶᬢ᭄ᬬᬂ᭞ᬦᬾᬚᬦᬶᬤᬵᬲᭂᬓᭂᬮ᭄ᬳᬢᬶ᭞ᬓᬾᬢᭀᬩᬦ᭄ᬳᬶᬤ᭞ᬇᬦ᭄ᬤ᭄ᬭᬩᬂᬲ᭄ᬯᬡᬜᬯᬸᬭᬶᬦ᭄
᭟ᬤᬾᬦᬶᬂᬓᬾᬢᭀᬧ᭄ᬭᬧᬸᬢ᭄ᬭᬦᬾᬮᬯᬸᬢ᭄ᬦᬶᬫ᭄ᬩᬮ᭄᭞ᬫᬩ᭄ᬭᬶᬬᬸᬓ᭄ᬫᬳᬢᬸᬃᬪᬓ᭄ᬢᬶ᭞ᬭᬶᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬇᬗ᭄ᬕᬶᬄᬭᬢᬸᬲᬂᬉᬢ᭄ᬢᬫ᭞ᬯᬶᬘᬓ᭄ᬱᬡᬢᬦ᭄ᬧᬢᬦ᭄ᬤᬶᬂ᭞ᬢᬶᬢ᭄ᬬᬂᬦᬤᬳᬂ᭞ᬦᬸᬦ
ᬲ᭄ᬲ᭄ᬯᬾᬘᬦ᭄ᬳᬶᬕᬸᬲ᭄ᬢᬶ᭟ᬲᬫ᭄ᬧᬸᬦ᭄ᬧᬶᬲᬦ᭄ᬳᬶᬭᬢᬸᬫᬜᭀᬦ᭄ᬓ᭄ᬭᬓᬂ᭞ᬧᭀᬮᬶᬄᬳᬭᬶᬂᬳᬮᬲ᭄ᬭᬶᬳᬶᬦ᭄᭞ᬧᭀᬮᬶᬄᬗᬧᬸᬲ᭄ᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬳᬸᬕᬶᬗ᭄ᬭᬕ᭞ᬬᬦᬶᬂᬯᬾᬦ᭄ᬢᭂᬦ᭄ᬫᬫᬶᬭᬕᬶ᭞ᬓᬮᬶᬦ᭄ᬢᬂᬫᬾᬭᬂ
Kaca:Bali-lontar-gaguritan-indra-bang-induraja-300ppi.pdf/118
Kaca puniki sampun kauji-wacén
