[ ᭑᭑᭖ 116B]
᭑᭑᭖᭞
ᬦ᭄ᬤᬄᬧ᭄ᬭᬪᬸᬳᬲᬶᬓ᭄᭞ᬯᬯᬸᬓᬋᬗᬂ᭞ᬉᬚᬭᬾᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬤᬤᬶᬓᬳ᭄ᬬᬢ᭄ᬲᬋᬂᬲᬫᬶ᭞ᬲᬂᬧ᭄ᬭᬧᬸᬢ᭄ᬭ᭞ᬧᬗᭂᬜᭂᬢᬾᬚ᭄ᬭᭀᬦᬶᬂᬳᬢᬶ᭟ᬲᬦ᭄ᬢᬸᬓᬦᬾᬓᬗ᭄ᬓᭂᬦ᭄ᬲᬂᬇᬦ᭄ᬤ᭄ᬭᬩ᭠
ᬗ᭄ᬲ᭄ᬯᬡ᭞ᬧᬸᬢ᭄ᬭᬦ᭄ᬳᬶᬤᬩᬲᬸᬳᬚᬶ᭞ᬭᬶᬂᬧ᭄ᬭᬶᬳᬮᬦᬵᬕᬭ᭞ᬤᬤᬶᬳᬾᬮᬶᬂᬲᬂᬧ᭄ᬭᬧᬸᬢ᭄ᬭ᭞ᬫᬸᬮᬫᬧᬸᬲᭂᬃᬳᬩᭂᬲᬶᬓ᭄᭞ᬤᬶᬯᬶᬦ᭄ᬤᬸᬭᬵᬚ᭞ᬳᭂᬦ᭄ᬢᭀᬧᬜᬸᬗ᭄ᬲᬸᬗᬦ᭄ᬕᬸᬫᬶ᭟ᬤᬤᬶᬫᭂᬢᬸᬓ
ᬬᬸᬦ᭄ᬧ᭄ᬭᬢᬶᬧᬸᬢ᭄ᬭᬦᬾᬧᬥᬵ᭞ᬧᬘᬂᬦᬸᬗ᭄ᬓᬸᬮ᭄ᬲᬋᬂᬲᬫᬶ᭞ᬢᭂᬓᬾᬦ᭄ᬭᬚᬧᬸᬢ᭄ᬭ᭞ᬮᬯᬸᬢ᭄ᬗᭂᬦ᭄ᬢᬸᬗᬂᬲᬜ᭄ᬚᬢ᭞ᬗᭂᬮᬶᬲᬂᬜᬕ᭄ᬚᬕᬶᬦ᭄ᬦᬫ᭄ᬧᭂᬓᬶᬦ᭄᭞ᬲᬳᬵᬫᬜᬸᬫ᭄ᬩᬄ᭞ᬜᬯᬸᬧ᭄ᬫᭂᬓᬸᬮ᭄ᬲᬋᬂᬲ
ᬫᬶ᭟ᬓᬦᬦ᭄ᬓᬾᬭᬶᬗᭂᬮᬸᬢ᭄ᬘᭀᬓᭀᬃᬭᬚᬧᬸᬢ᭄ᬭ᭞ᬢᬸᬫᬶᬮᬶᬫᬳᬢᬸᬃᬪᬓ᭄ᬢᬶ᭞ᬫᬩ᭄ᬭᬶᬬᬸᬓ᭄ᬫᬓᭂᬚᬂ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬕᬸᬂᬳᬫ᭄ᬧᬸᬭᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬓᬾᬗᬶᬦ᭄ᬢᬦ᭄ᬯ᭄ᬭᬸᬄᬧᬶ
[ ᭑᭑᭗ 117A]
ᬲᬦ᭄᭞ᬢᬶᬢ᭄ᬬᬂᬭᬶᬂᬘᭀᬓᭀᬃᬤ᭄ᬥᬫᬗ᭄ᬓᬶᬦ᭄᭟ᬫᬧᬲᬾᬗᬦ᭄ᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬧᬸᬢ᭄ᬭᬦ᭄ᬰ᭄ᬭᬶᬩᬲᬸᬳᬚᬶ᭞ᬭᬢᬸᬫᬉᬢ᭄ᬢᬫ᭞ᬜᬓ᭄ᬭᬯᬺᬢᬶᬭᬶᬂᬧ᭄ᬭᬶᬳᬮ᭞ᬫᬳᬯᬶᬦᬦ᭄ᬲᬶᬤ᭄ᬥᬫᬢᬶ᭞᭠
ᬳᬦ᭄ᬢᬸᬓ᭄ᬳᬶᬤᬾᬯᬵ᭞ᬲᬂᬓᬮᬩᬸᬭᬓ᭄ᬱᬫᬢᬶ᭟ᬲᬦᬾᬫᬗ᭄ᬓᬶᬦ᭄ᬲ᭄ᬯᬾᬘᬦ᭄ᬳᬶᬤᬫᬜᬫ᭄ᬧᬸᬭ᭞ᬓᬾᬗᬶᬦ᭄ᬢᬶᬢ᭄ᬬᬂᬮᬶᬦ᭄ᬢᬂᬲᬶᬲᬶᬧ᭄᭞ᬧᭀᬮᬶᬄᬧᬭᬮᬗ᭄ᬕ᭄ᬬ᭞ᬓᬤᬶᬧᬂᬧᬂᬭᬶᬂᬳᬶᬤᬾᬯ᭞ᬫᬗ᭄ᬓᬶ
ᬦ᭄ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃᬳᬸᬭᬶᬧ᭄᭞ᬗᬢᬸᬭᬂᬚᬶᬯ᭞ᬗᬯᬸᬮᬲᬧᬢᬶᬉᬭᬶᬧ᭄᭟ᬧᬲᬯᬸᬭᬾᬭᬤᬾᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬳᬸᬤᬸᬄᬜᬫᬦ᭄ᬢᬶᬢ᭄ᬬᬂᬳᬤᬶ᭞ᬦᬾᬳᬚᬓ᭄ᬫᬓᭂᬚᬂ᭞ᬗᬸᬤᬳᬤᬶᬲ
ᬧᬸᬦᬶᬓᬵ᭞ᬫᬩᬯᭀᬲ᭄ᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᬲ᭄ᬗᬦ᭄ᬤᬧ᭄ᬧᬶᬲᬦ᭄᭞ᬢᬦ᭄ᬧᬢᬸᬢ᭄ᬧᬶᬲᬦ᭄ᬳᬤᬶ᭟ᬗᬲᭀᬃᬚᬕᬦᬸᬗ᭄ᬓᬸᬮ᭄ᬜᭂᬭᬳᬂᬭᬕ᭞ᬭᬶᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬤᬸᬭᬸᬂᬯᬾᬦ᭄ᬢᭂᬦ᭄ᬕᭂᬦᬄ
Kaca:Bali-lontar-gaguritan-indra-bang-induraja-300ppi.pdf/117
Kaca puniki sampun kauji-wacén
