Kaca:Bali-lontar-gaguritan-indra-bang-induraja-300ppi.pdf/115

[ ᭑᭑᭔ 114B]
᭑᭑᭔᭞
ᬕᬂᬭᬶᬗᬋᬧ᭄ᬲᬂᬧ᭄ᬭᬧᬸᬢ᭄ᬭ᭞ᬧ᭄ᬭᬧᬸᬢ᭄ᬭᬦᬾᬢᬢᬲ᭄ᬗᬓ᭄ᬱᬶ᭞ᬳᬦᬓᬾᬢᬭᬸᬡ᭞ᬧᬗ᭄ᬭᬯᭀᬲᬾᬚ᭄ᬭᭀᬦᬶᬂᬘᬶᬢ᭄ᬢ᭞ᬩᭂᬦᭂᬄᬦᬾᬢᭀᬗᭀᬲᬾᬫᭂᬮᬶ᭞ᬫᬳᬂᬳᭂᬫ᭄ᬧᭂᬳᬦ᭄᭞ᬫᭂᬗᬧᬸᬲ᭄ᬳᬯᬓᬾᬗᬸᬦᬶ᭟
ᬯᬯᬸᬫᭂᬮᬶᬂᬫᬓᬼᬢᭂᬕ᭄ᬚ᭄ᬭᭀᬦᬶᬂᬘᬶᬢ᭄ᬢ᭞ᬫᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭞ᬤᬤᬶᬯᭂᬢᬸᬓ᭄ᬭᭀᬥᬵ᭞ᬧ᭄ᬭᬫᬗ᭄ᬓᬶᬦᬾᬫᬓᭂᬚᬂ᭞ᬜᬕ᭄ᬚᬕᬶᬦ᭄ᬫᬗ᭄ᬭᬩᬸᬢ᭄ᬫᬗ᭄ᬓᬶᬦ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭞ᬫᬗᬸᬦᬸᬲ᭄ᬧᭂᬥᬗᬾᬕᭂᬮᬶ᭠
ᬲ᭄᭟ᬮᬯᬸᬢ᭄ᬗᬫᬸᬓ᭄ᬗᬤᬸᬓ᭄ᬓᭂᬓᬾᬩᭀᬢ᭄ᬓᭂᬦᬯᬦ᭄᭞ᬫᬦᭂᬩᭂᬓ᭄ᬓᬋᬧ᭄ᬓᬳᬸᬭᬶ᭞ᬲᬶᬂᬧᬳᭂᬓ᭄ᬓᬲᭂᬫ᭄ᬧᬮ᭄᭞ᬩᬸᬓᬵᬓᭂᬩᭀᬦᬾᬕᬮᬓ᭄᭞ᬫᬗᬶᬤᭂᬃᬢᬦ᭄ᬧᬧᬓᬾᬭᬶᬂ᭞ᬓᬸᬤᬦᬾᬕᬮᬓ᭄᭞ᬗ
ᬯᬾᬃᬗᬸᬢ᭄ᬕᬢ᭄ᬢᬦ᭄ᬫᬭᬶ᭞ᬓ᭄ᬭᬸᬭᬓᬵᬭᬓᬸᬤᬦᬾᬕᬮᬓ᭄ᬫᬗ᭄ᬮᬕ᭞ᬧ᭄ᬭᬫᬦ᭄ᬢ᭄ᬭᬶᬦᬾᬓᬳᬸᬗ᭄ᬲᬶ᭞ᬦᬾᬩᬓᬢ᭄ᬓᬧᬾᬭ᭞ᬕᬶᬕᬶᬦᬾᬭᭀᬢᭀᬲ᭄ᬳᬲᬶᬩᬓ᭄᭞ᬳᬤᬳᭂᬮᬸᬂᬮᬶᬫᬩᬢᬶᬲ᭄᭞ᬲᬂᬧ᭄ᬭᬧᬸᬢ᭄ᬭᬵ᭞ᬳᭂ
[ ᭑᭑᭕ 115A]
ᬦᬾᬳᬲ᭄ᬬᬲᬫᬶᬭᬶᬭᬶᬄ᭟ᬫᬓᬵᬓᬶᬭᬶᬕ᭄‌ᬢᭀᬂᬲᬶᬤ᭄ᬥᬩᬦ᭄ᬗᬮᬯᬦ᭄᭞ᬢᭂᬓᬾᬦ᭄ᬧ᭄ᬭᬧᬸᬢ᭄ᬭᬦᬾᬚᬦᬶ᭞ᬫᭂᬮᬳᬶᬩ᭄ᬫᬓᭂᬚᬂ᭞ᬲᬫ᭄ᬩᬶᬮ᭄ᬤᬦᬾᬫᬗ᭄ᬭᬯᭀᬲᬂ᭞ᬧᬗ᭄ᬮᬶᬗ᭄ᬲᭂᬃᬦᬾᬢᬶᬕᬂᬤᬶᬭᬶ᭞ᬭᬭᬶᬲ᭄ᬫᬗᬸᬘ
ᬧ᭄᭞ᬳᬸᬤᬸᬄᬳᬤᬶᬓᬾᬦ᭄ᬓᬾᬦ᭄ᬚᬦᬶ᭟ᬧᬦᬤ᭄ᬬᬦᬾᬳ᭄ᬬᬦᬶᬂᬧᬤᬾᬢᬭᬕ᭄ᬢᬸᬕᬂ᭞ᬢ᭄ᬭᬸᬲᬗᬢᭂᬓᭂᬤ᭄ᬫᬢᬶ᭞ᬢ᭄ᬯᬭᬚᬗ᭄ᬕᭂᬮᬗ᭞ᬧᭂᬤᬲ᭄ᬚᬦᬶᬧᬘᬂᬭᬸᬲᬓ᭄᭞ᬩᭂᬮᬶᬩᬋᬂᬳᬚᬓ᭄ᬳᬤᬶ᭞ᬳᬸᬮᬶᬤᬶᬮᬶ
ᬫ᭞ᬳᬦᬓᬾᬦᬾᬩᬚᬂᬘᭂᬦᬶᬓ᭄᭟ᬦᬄᬓᭂᬦᭂᬳᬶᬦ᭄ᬓᬾᬦ᭄ᬓᭂᬦ᭄ᬳᬩᭂᬢᬾᬫᬤᬬ᭞ᬦᬾᬳᬮᬶᬢᬦ᭄ᬫᬜᬯᬸᬭᬶᬦ᭄᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬮᬶᬬᬦ᭄᭞ᬬᬦᬶᬂᬧ᭄ᬭᬶᬫᬦᬄᬢᬶᬢ᭄ᬬᬂ᭞ᬩᭂᬘᬶᬓᬦ᭄ᬫᬦᬸᬦᬲ᭄ᬳᬸ
ᬭᬶᬧ᭄᭞ᬭᬶᬂᬲᬂᬢᬭᬡᬵ᭞ᬤᬾᬦᬶᬂᬓᬲᭀᬭᬦ᭄ᬫᬚᬸᬭᬶᬢ᭄᭟ᬓᬵᬮᬶᬄᬜᬦ᭄ᬤᬂᬤᬦᬾᬳᬶᬗᬸᬘᬧ᭄ᬧ᭄ᬭᬯᬷᬭ᭞ᬫᬓᬵᬤᬶᬮᬦᬂᬭᬶᬂᬚᬭᬶᬢ᭄᭞ᬗ᭄ᬳᬶᬂᬓᬭᬶᬓᬾᬫᭂᬗᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬗᭂᬫᬦᬳᬂ᭞ᬲᬳᬦ᭄ᬢᬸ