Kaca:Bali-lontar-gaguritan-indra-bang-induraja-300ppi.pdf/114

Saking Wikisource
Kaca puniki sampun kauji-wacén

[ ᭑᭑᭓ 113B]
᭑᭑᭓᭞
ᬩᬗ᭄ᬲ᭄ᬯᬡᬵ᭞ᬲᬂᬦᬵᬣᬓᬩ᭄ᬯᭂᬦ᭄ᬢᬄᬚᬦᬶ᭞ᬮᬯᬸᬢ᭄ᬓᬕᭂᬧ᭄ᬮᬓ᭄᭞ᬓᬸᬤᬦᬾᬳᬶᬚᬗ᭄ᬕᬶᬅᬃᬚ᭄ᬚᬶᬫ᭄᭟ᬓᬳᭀᬚᭀᬕᬂᬭᬶᬂᬕᭂᬦᬄᬳᬶᬤᬲᬂᬦᬵᬣ᭞ᬳᬳᬸᬩᭂᬃᬤᬶᬢᬸᬓᬳᬸᬗ᭄ᬲᬶ᭞ᬓᭀᬘᬧ᭄ᬭ
ᬯᬸᬄᬇᬭᬶᬓᬵ᭞ᬭᬶᬂᬳᬋᬧ᭄ᬩᬮᬧ᭄ᬭᬧᬸᬢ᭄ᬭ᭞ᬳᬸᬮᬶᬢᭂᬗᬄᬓᬫᬸᬓ᭄ᬚᬦᬶ᭞ᬫᬸᬲᬸᬄᬲᬂᬦᬵᬣ᭞ᬳᬲᬶᬂᬢᭂᬩᭂᬮ᭄ᬓᬲᭂᬮᬸᬧᬶᬦ᭄᭟ᬮᬯᬸᬢ᭄ᬗᬫᬸᬓ᭄ᬗᬸᬩᬢ᭄ᬳᬩᬶᬢ᭄ᬗᬥᭂᬂᬧᭂᬥᬂ᭞ᬳᬲᬶᬂᬧᬳᭂᬓᬓ᭄ᬮᬾᬯᬗᬶᬦ᭄᭞
ᬤᬶᬢᬸᬧᭂᬥᬲ᭄ᬩᬜ᭞ᬳᬦ᭄ᬢᬸᬓ᭄ᬩᬮᬦ᭄‌ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬦᬾᬩᬚᬂᬢᭂᬓᬩ᭄ᬯᬶᬦ᭄᭞ᬮᬯᬸᬢ᭄ᬫᬢᬸᬮᬓ᭄᭞ᬗᬸᬮᬳᬂᬗᬫᬸᬓ᭄ᬜᬋᬗᬶᬦ᭄᭟ᬤᬤᬶᬕᭂᬮᬸᬩᬮᬦ᭄ᬧ᭄ᬭᬧᬸᬢ᭄ᬭᬦᬾᬓᭂᬲᬺᬩ᭄᭞ᬢ
ᬦ᭄ᬫᬳᬦ᭄ᬗᬫᬸᬓ᭄ᬚᬦᬶ᭞ᬧᬥᬓᬫᭂᬫᭂᬕᬦ᭄᭞ᬮᬯᬸᬢ᭄ᬫᬮᬳᬶᬩ᭄ᬫᬓᭂᬚᬂ᭞ᬤᬤᬶᬩᭂᬜ᭄ᬘᬄᬤᬶᬢᬸᬚᬦᬶ᭞ᬦᬾᬫᬸᬜ᭄ᬘᭂᬄᬳᬶᬤ᭞ᬮᬶᬬᬸᬫᬢᬢᬸᬫᬢᬶ᭟ᬳᬶᬚᬸᬤᬶᬢᬸᬧ᭄ᬭᬧᬸᬢ᭄ᬭᬦᬾᬜᬶ
[ ᭑᭑᭔ 114A]
ᬢᬶᬦ᭄ᬩᬮ᭞ᬦᬸᬦ᭄ᬤᬾᬦᬂᬳᬧᬂᬫᬩᬮᬶᬓ᭄᭞ᬢ᭄ᬯᬭᬓᬭᬸᬭᬸᬯᬂ᭞ᬢᭂᬓᬵᬫᭂᬮᬳᬶᬩ᭄ᬩᬮᬳᬂ᭞ᬢᬓᬸᬢ᭄ᬭᬶᬂᬦᬾᬩᬚᬂᬘᭂᬦᬶᬓ᭄᭞ᬩ᭄ᬯᬶᬦ᭄‌ᬬᬢᭂᬓᬵ᭞ᬗᬫᬸᬓ᭄ᬤᬶᬧᬲ᭄ᬬᬢᬦ᭄ᬚᬦᬶ᭟ᬢᭀᬳᬯᬦᬦ᭄ᬗᬮ
ᬦ᭄ᬲᬂᬧ᭄ᬭᬧᬸᬢ᭄ᬭ᭞ᬢ᭄ᬯᬭᬩᬦᬶᬩ᭄ᬯᬶᬦ᭄ᬫᬩᬮᬶᬓ᭄᭞ᬫᬸᬂᬲᬂᬧᬭᬧᬸᬢ᭄ᬭ᭞ᬓᬭᬶᬦᬾᬲᬋᬂᬳᬲ᭄ᬬᬵ᭞ᬗᬸᬦᬸᬲ᭄ᬧᭂᬥᬂᬫᭂᬦᬗ᭄ᬕᬮᬶᬦ᭄᭞ᬩᬮᬦ᭄ᬲᬂᬦᬵᬣ᭞ᬤᬶᬢᬸᬭᬵᬚᬧᬸᬢ᭄ᬭᬕᭂᬮᬶᬲ᭄᭟ᬫᬜ᭄ᬚᬕ᭄ᬚᬕᬶᬦ᭄
ᬲᬂᬦᬵᬣᬗᬢᬸᬭᬶᬦ᭄ᬢᬸᬮᬓ᭄᭞ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄ᬓᬦᬵᬕᬭᬶ᭞ᬳᬸᬘᬧᬂᬲᬂᬦᬵᬣᬫᬗ᭄ᬭᬭᬶᬲ᭄ᬫᬗ᭄ᬕᬶᬢᬸᬮᬓ᭄᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬗᬶᬭᬶᬂ᭞ᬫᬗᬢᭂᬳᬂᬳᬶᬤ᭞ᬲᬂᬦᬵᬣᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭟ᬓᬳᬶᬭᬶᬗᬂ
ᬩᬦ᭄ᬢᬲ᭄ᬩᬢᭂᬲ᭄ᬓᬮᬗᬦ᭄᭞ᬲᬫ᭄ᬧᬸᬦ᭄ᬫᬗ᭄ᬮᬶᬦ᭄ᬢᬂᬲᬗᬚᬶ᭞ᬭᬶᬂᬯᬢᭂᬲ᭄ᬧᬸᬦᬶᬓᬵ᭞ᬭᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬮᬶᬄᬫᬢᬸᬮᬓ᭄ᬭᬶᬂᬚᬸᬭᬶᬢ᭄᭞ᬭᬭᬶᬲ᭄ᬓᬕᭂᬧ᭄ᬮᬓ᭄᭞ᬓᬸᬤᬦᬾᬳᬶᬚᬗ᭄ᬕᬶᬅᬚ᭄ᬚᬶᬫ᭄᭟ᬓᬳᭀᬚᭀ