Kaca:Bali-lontar-gaguritan-indra-bang-induraja-300ppi.pdf/116

[ ᭑᭑᭕ 115B]
᭑᭑᭕᭞
ᬦᬦ᭄ᬤᬦᬾᬫᬗ᭄ᬓᬶᬦ᭄᭞ᬗᬾᬤᬾᬗᬂᬭᬕ᭞ᬢᬶᬗ᭄ᬓᬳᬾᬧᬸᬭᬸᬱᬾᬂᬚᬭᬶᬢ᭄᭟ᬫᬮᬶᬄᬳᬦ᭄ᬢᬸᬓ᭄ᬢᬶᬗ᭄ᬓᬳᬾᬚᬬᬭᬶᬂᬭᬡ᭞ᬓᬾᬦ᭄ᬳᬯᬶᬦᬦ᭄ᬢᬍᬃᬓᬭᬶ᭞ᬫᬜᬗᬶᬤᬂᬭᬕ᭞ᬤᬸᬭᬸᬂᬓᬬᬸᬦ᭄ᬫᬦᬶᬗ᭄ᬕᬭᬂ᭞ᬳ
ᬯᬮᬾᬦ᭄ᬫᬢᬸᬃᬯᬸᬭᬶᬦ᭄᭞ᬲᬫ᭄ᬧᬸᬦ᭄ᬓᬫᬦᬄ᭞ᬢᬦ᭄ᬢᬸᬓ᭄ᬢᬶᬢ᭄ᬬᬂᬦᬾᬦᬾᬫᬗ᭄ᬓᬶᬦ᭄᭟ᬤᬸᬭᬸᬂᬧᬸᬧᬸᬢ᭄ᬤᬦᬾᬤᬶᬢᬸᬫᬗ᭄ᬭᬯᭀᬲᬂ᭞ᬲᬕᬾᬢᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᬗᬚᬓᬶᬦ᭄
ᬩ᭄ᬯᬶᬦ᭄ᬫᬲᬶᬬᬢ᭄᭞ᬧ᭄ᬭᬧᬸᬢ᭄ᬭᬦᬾᬤᬶᬢᬸᬕᭂᬮᬶᬲ᭄᭞ᬲᬤᬧ᭄ᬭᬦᬵᬫ᭄ᬬ᭞ᬲᬋᬂᬳᬲ᭄ᬬᬜᬯᬸᬭᬶ᭠ᬦ᭄᭟ᬇᬗ᭄ᬕᬶᬄᬭᬢᬸᬲᬂᬢᬭᬸᬡᬵᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳᬸᬲᬦᬂᬫᭂᬗ᭄ᬕᬄᬫᬗ᭄ᬓᬶᬦ᭄᭞ᬗᬶᬭᬶᬂᬤᬸᬫᬸᬦ᭄ᬫᬭᬃᬬ᭄ᬬᬦ᭄᭟ᬯᬾ
ᬦ᭄ᬢᭂᬦ᭄ᬢᬸᬦᬲᬂᬢᬶᬢ᭄ᬬᬂ᭞ᬭᬶᬂᬳᬶᬕᬸᬲ᭄ᬢᬶᬲᬦᬾᬫᬗ᭄ᬓᬶᬦ᭄᭞ᬤᬶᬢᬸᬭᬳᬤ᭄ᬬᬦ᭄᭞ᬦᬶᬫ᭄ᬩᬮ᭄ᬫᬲᬯᬸᬃᬳᬭᬶᬲ᭄᭟ᬳᬶᬗ᭄ᬕᬶᬄᬕᬸᬲ᭄ᬢᬶᬧᬸᬦᬧᬶᬯᬾᬦ᭄ᬢᭂᬦ᭄ᬢᬓᬾᬦᬂ᭞ᬭᬶᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬤᬸᬭᬸᬲᬂᬦᬶᬓᬬᬂ᭞ᬧ᭄ᬭ
[ ᭑᭑᭖ 116A]
ᬧᬸᬢ᭄ᬭᬦᬾᬲᬯᬸᬃᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬦᬸᬦᬲᬂᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬧᭂᬲᬾᬗᬦ᭄᭞ᬲᬧᬚ᭄ᬯᬲᬶᬭᬳᬶᬕᬸᬲ᭄ᬢᬶ᭟ᬓᬵᬮᬶᬄᬧᬦᬵᬕᬭᬦ᭄ᬕᬸᬲ᭄ᬢᬶᬲᬓᬶᬂᬤᬶᬚ᭞ᬧᬸᬢ᭄ᬭᬦ᭄ᬲᬧᬵᬲᬶᬭᬕᬸᬲ᭄ᬢᬶ᭞ᬢᬶᬢ᭄ᬬᬂᬢ
ᬦ᭄ᬤ᭄ᬭᬸᬄᬧᬶᬲᬦ᭄᭞ᬓᬾᬯᬦ᭄ᬢᭂᬦ᭄ᬯ᭄ᬭᬸᬄᬭᬶᬂᬭᬸᬧ᭞ᬢᬦ᭄ᬯ᭄ᬭᬸᬄᬭᬶᬂᬧᬭᬕᬸᬲ᭄ᬢᬶ᭞ᬯᬦ᭄ᬢᬄᬧᬸᬦᬶᬓᬵ᭞ᬢᬸᬦᬲᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬓᬲᬯᬸᬭᬶᬦ᭄ᬭᬶᬂᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬳᬶᬗ᭄ᬕᬶᬄᬬᬦ᭄ᬧᬸᬦᬶᬓᬫᬗ᭄ᬓᬶᬦ᭄᭞
ᬚᬕᬓᬢᬓᬾᬦᬂ᭞ᬯᬾᬦ᭄ᬢᭂᬦ᭄ᬯᬦ᭄ᬢᬄᬧᬭᬩ᭄ᬢᬶᬢ᭄ᬬᬂ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬧᬧᬲᬶᬄ᭞ᬧ᭄ᬭᬦᬄᬓᬧᬸᬢ᭄ᬭ᭞ᬭᬶᬂᬳᬶᬦ᭄ᬤ᭄ᬭᬩᬲᬸᬳᬚᬶ᭟ᬜᬓ᭄ᬭᬯᬺᬢᬶᬭᬶᬂᬦᬵᬕᬭᬧ᭄ᬭᬶᬳᬮ᭞ᬯᬾᬦ᭄ᬢᭂᬦ᭄ᬜᬫᬦ᭄ᬢᬶᬢ᭄ᬬᬂ
ᬫᬮᬶᬄ᭞ᬧᬸᬦᬶᬓᬵᬫᬧᬭᬩ᭄᭞ᬭᬤᬾᬦ᭄ᬳᬶᬦ᭄ᬤ᭄ᬭᬲᬧ᭄ᬭᬶᬬᬡᬵ᭞ᬲᬦᬾᬫᬗ᭄ᬭᬸᬲᬓ᭄ᬦᬾᬗᬸᬦᬶ᭞ᬳᬶᬕ᭄ᬭᬸᬥᬭᬵᬚ᭞ᬭᬶᬂᬦᬵᬕᬭᬳᬢᬩ᭄ᬭᬳᬶ᭟ᬯᬦ᭄ᬢᬄᬳᬶᬤᬗᭂᬫᬢ᭄ᬬᬂᬲᬂᬕᬭᬸᬥᬵ᭞ᬲᬦᬾ