[ ᭑᭐᭑ 101B]
᭑᭐᭑᭞
ᬮᬧ᭄ᬭᬚᬸᬭᬶᬢᬾᬧᬥᬧᬢᬸᬄ᭞ᬓᬤᬶᬧᬧᬶᬦᭂᬄᬲᬂᬦᬵᬣ᭞ᬢᬦ᭄ᬮ᭄ᬬᬦ᭄ᬓᬭᬯᭀᬲᬂᬚᬦᬶ᭟ᬭᬶᬂᬧ᭄ᬭᬫᬾᬦᬓᬾᬫᬓᭂᬚᬂ᭞ᬧᬭᬫᬦ᭄ᬢ᭄ᬭᬶᬳᬸᬮᬸᬩᬮᬮᬦ᭄ᬧ᭄ᬭᬚᬸᬭᬶᬢ᭄᭞ᬤᬶᬢᬸᬫᬗᬶᬭᬶᬂᬲᬂᬧ᭄ᬭ
ᬪᬸ᭞ᬤᬶᬩᬜ᭄ᬘᬶᬗᬄᬫᬗ᭄ᬭᬯᭀᬲᬂ᭞ᬦᬾᬜᬶᬤᬬᬂᬫᬸᬦ᭄ᬢᬲᬂᬫᬸᬲᬸᬳᬾᬮᬶᬬᬸ᭞ᬢ᭄ᬯᬄᬳᭂᬦ᭄ᬢᭀᬳᬦᬓᬾᬢ᭄ᬭᬸᬡᬵ᭞ᬦᬾᬚᬬᬯᬶᬢᬸᬭᬶᬂᬚᬸᬭᬶᬢ᭄᭟ᬳᭂᬦᭂᬗᬂᬤᬸᬫᬸᬦ᭄ᬧᬸᬦᬶᬓ᭞ᬦᬾ
ᬭᬶᬂᬧᭀᬦ᭄ᬤᭀᬓ᭄ᬧ᭄ᬭᬚᬸᬭᬶᬢᬾᬓᭀᬘᬧ᭄ᬫᬮᬶᬄ᭞ᬗᬶᬭᬶᬂᬧᬭᬧᬸᬢ᭄ᬭᬦᬾᬤᬶᬢᬸ᭞ᬮᬶᬮᬶᬳᬾᬲᬓᬶᬂᬧᬬᬸᬥᬦ᭄᭞ᬲᬸᬩᬧᭂᬢᭂᬂᬫᬗ᭄ᬭᬯᭀᬲ᭄ᬚᬦᬶᬫᬓᬸᬫ᭄ᬧᬸᬮ᭄᭞ᬢᬦ᭄ᬮ᭄ᬬᬦ᭄ᬚᬦᬶᬓ᭄ᬭᬯᭀᬲᬂ᭞
ᬲᬢᬶᬗ᭄ᬕᬄᬬᬸᬥᬦᬾᬮᬶᬮᬶᬄ᭟ᬳᭂᬜᬾᬦ᭄ᬚᬦᬶᬫᬫᬸᬦ᭄ᬢᬲᬂ᭞ᬩᬩᬭᬶᬲᬦ᭄ᬩᬮᬦᬾᬭᬶᬂᬧ᭄ᬭᬗᬦ᭄ᬳᬶᬢᬸᬦᬶ᭞ᬳᬤᬵᬫᭂᬜᬯᬸᬭᬶᬦᬶᬢᬸ᭞ᬬᬦᬶᬂᬲᬦᬾᬫᬫᬸᬦ᭄ᬢᬲᬂ᭞ᬚᬕᬓᬭᬶᬩᬚᬂᬘᭂᬦᬶ
[ ᭑᭐᭒ 102A]
ᬓ᭄ᬳᭂᬦ᭄ᬢᭀᬫᬗᬫᬸᬓ᭄᭞ᬫᬗ᭄ᬲᭂᬄᬓᬢᭂᬗᬄᬧᬧ᭄ᬭᬗᬦ᭄᭞ᬦᬾᬲᬋᬂᬦᭂᬫ᭄ᬦᭂᬫ᭄ᬜᬯᬸᬭᬶᬦ᭄᭟ᬬᬦᬶᬂᬚᬤ᭄ᬫᬦᬾᬧᬸᬦᬶᬓᬵ᭞ᬢᭀᬦᬶᬦ᭄ᬢᬶᬢ᭄ᬬᬂᬫᬳᬶᬭᬶᬩ᭄ᬦᬾᬗᬧᬸᬲ᭄ᬩᭂᬮᬶ᭞ᬫᬗᬤᭀᬮᬶᬦ᭄ᬢᭀ
ᬬᬦ᭄ᬲᬸᬲᬸ᭞ᬩᬯᭀᬲᬗᬲᬸᬲᬸᬦ᭄ᬫᬘᬦ᭄᭞ᬤᬤᬶᬫᬾᬮᬶᬂᬧᬦ᭄ᬯᬦᬾᬮᬯᬸᬢ᭄ᬫᬲᬯᬸᬃ᭞ᬫᬾᬭᬂᬓ᭄ᬭᭀᬥᬗᬧᬓ᭄ᬳᬧᬓ᭄᭞ᬓᬮᬶᬗᬦᬾᬳᭂᬦ᭄ᬢᭀᬩᬸᬯᬶᬦ᭄᭟ᬳᭂᬦᬾᬮᬫᬸᬦ᭄ᬳᬶᬬᬲᬚ᭞
ᬮᬶᬚᬮᬦ᭄ᬮᬯᬦ᭄ᬳᭂᬤᬩᬜᬫᬗᬶᬍᬲᬶᬦ᭄᭞ᬳᬧᬂᬧᬶᬲᬦ᭄ᬓᬭ᭄ᬯᬦ᭄ᬤᬶᬢᬸ᭞ᬓᬓᭂᬋᬗᬦᬾᬫᬲ᭄ᬬᬢ᭄᭞ᬳᬫ᭄ᬩᬸᬮ᭄ᬳᬧᬓᬰᬓ᭄ᬢ᭄ᬬᬦ᭄ᬚᬢ᭄ᬫᬳᬳᬸᬓᬸᬤ᭄᭞ᬋᬩᬸᬢ᭄ᬳᬚᬓ᭄ᬫᬓᭂᬚᬂ᭞ᬫᬲᬵᬢ᭄ᬯᬭᬳᬶᬬ
ᬫᬢᬶ᭟ᬲᬶᬜᬲᬕᬾᬢ᭄ᬳ᭄ᬬᬫᬗᭂᬦᬄ᭞ᬲᬦᬾᬩᬚᬂᬳᭂᬦ᭄ᬢᭀᬳᬸᬗ᭄ᬲᭂᬂᬫᬸᬲᬸᬳᬶᬦ᭄᭞ᬲᭂᬗᬶᬢ᭄ᬓᭂᬦᭂᬳᬾᬓᬮᬗ᭄ᬓᬸᬂ᭞ᬳᬯᬓᬾᬳᬸᬮᬸᬓ᭄ᬳᬸᬮᬸᬓ᭄᭞ᬳᬧᬂᬲᬶᬤ᭄ᬥᬗᬸᬮᬶᬳᬂᬚᭂᬗᬳᬾᬫᬮᬸ᭞ᬩᭂ
Kaca:Bali-lontar-gaguritan-indra-bang-induraja-300ppi.pdf/102
Kaca puniki sampun kauji-wacén
