[ ᭑᭐᭐ 100B]
᭑᭐᭐᭞
ᬧᬋᬓ᭄ᬭᬶᬂᬳᬶᬤᬰ᭄ᬭᬶᬪᬸᬧᬢᬶ᭞ᬭᬚᬧᬸᬢ᭄ᬭᬶᬲᬯᬸᬃᬳᬮᬸᬲ᭄᭞ᬬᬦᬶᬂᬳᭂᬦ᭄ᬢᭀᬳᬶᬓᭂᬫ᭄ᬩᬭ᭄᭞ᬳᬸᬮᬶᬗᬯᬶᬢ᭄ᬲ᭄ᬬᬢᬾᬢ᭄ᬯᬭᬤᬳᭂᬦᬸ᭞ᬳᬶᬬᬤᬶᬦᬶᬳᭂᬦᭀᬢ᭄ᬳᬶᬭ᭞ᬬᬦ᭄ᬤᬶᬚᬓᬧᭀᬚᬬᬦᬶ᭟ᬓᭂᬫᭀ
ᬓᬾᬚᬦᬶᬳᬢᬸᬭᬂ᭞ᬢᭂᬓᬾᬦ᭄ᬳᬶᬤᬧᬮᬸᬗ᭄ᬕᬸᬄᬕᬸᬭᬸᬳᬚᬶ᭞ᬤᬬᬗᬾᬫᬧᬫᬶᬢ᭄ᬮᬯᬸᬢ᭄᭞ᬓᬚᬩᬫᭂᬗᬢᬸᬭᬂ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬳᬬᬸᬦ᭄ᬳᬶᬤᬲᬲᬂᬧ᭄ᬭᬪᬸ᭞ᬫᬢᬶᬫ᭄ᬧᬸᬄᬮᬯᬸᬢ᭄ᬜᬸᬫ᭄ᬩᬄ᭞ᬲᬂᬦᬵᬣᬗ
ᬦ᭄ᬤᬶᬓᬳᬭᬶᬲ᭄᭟ᬢᭀᬓᬾᬦ᭄ᬓᬾᬦ᭄ᬧᬦ᭄ᬤᬶᬓᬦ᭄ᬳᬶᬤ᭞ᬭᬵᬚᬧᬸᬢ᭄ᬭᬶᬢᬸᬢᬸᬭᬂᬓᭂᬓᬾᬦ᭄ᬓᬳᬶ᭞ᬤᬬᬗᬾᬭᬭᬶᬲ᭄ᬫᬳᬢᬸᬃ᭞ᬇᬗ᭄ᬕᬶᬄᬭᬢᬸᬲᬸᬲᬸᬳᬸᬦᬦ᭄᭞ᬬᬦ᭄ᬯᬘᬦᬦ᭄ᬧᬸᬢ᭄ᬭᬦ᭄ᬧᬤᬸᬓᬤᬾᬯᬵᬕᬸᬂ
᭞ᬲᬓᬾᬂᬧᬢᭂᬥᬸᬦᬦ᭄ᬬᬸᬥ᭞ᬢᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬭᬶᬂᬧᬸᬭᬶ᭟ᬳᬶᬓᭂᬫ᭄ᬩᬃᬳᬗᬦ᭄ᬲᭂᬧᬶᬲᬦ᭄᭞ᬬᬦᬶᬂᬓᬶᬚᬵᬧᬮᬸᬗᬦ᭄ᬳᬶᬧᬸᬦᬾᬫᬗ᭄ᬓᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬸᬦᬶᬗᬶᬦ᭄ᬳᬦ᭄ᬢᬸᬓ᭄᭞ᬧᬸᬢ᭄ᬭᬦ᭄ᬘᭀᬓᭀᬃᬳᬶ
[ ᭑᭐᭑ 101A]
ᬤᬾᬯ᭞ᬲᬧᬸᬦᬶᬓᬵᬯᬘᬦᬦ᭄ᬭᬳᬤᬾᬦ᭄ᬕᬮᬸᬄ᭞ᬤᬤᬶᬩᭂᬗᭀᬂᬰ᭄ᬭᬷᬦᬭᬾᬦ᭄ᬤ᭄ᬭᬵ᭠ᬫᬗ᭄ᬭᬯᭀᬲ᭄ᬤᬶᬚ᭄ᬭᭀᬦᬶᬂᬳᬢᬶ᭟ᬓᭂᬧᬶᬦᭂᬄᬢ᭄ᬯᬭᬤᬮᬾᬦᬦ᭄᭞ᬢ᭄ᬯᬄᬲᬶᬓᭂᬫ᭄ᬩᬃᬳᬶᬬᬓᭂᬫᭀᬫᬦᬸ
ᬮᬸᬗᬶᬦ᭄᭞ᬓ᭄ᬭᬡᬜᬓᭂᬜᭂᬢᬂᬤᬶᬢᬸ᭞ᬤᬾᬦᬶᬂᬲᬸᬩᬳᬤᬘᬶᬳ᭄ᬦ᭞ᬤᬸᬓᬾᬗᬮᬶᬄ᭠ᬬᬾᬄᬜᭀᬜᭀᬦ᭄ᬫᬘᬦᬾᬫᬮᬸ᭞ᬦᬾᬧᬦᬓ᭄ᬦᬾᬦᬸᬗᬸᬤ᭞ᬲᬶᬓᭂᬫ᭄ᬩᬃᬫᬓᬢᬂᬗᬮᬶᬄ᭟
ᬩ᭄ᬯᬶᬦ᭄ᬳᭂᬦ᭄ᬢᭀᬳᬶᬩᬸᬭᬓ᭄ᬱ᭞ᬧᭂᬤᬲ᭄ᬬᬗᭂᬫᬢ᭄ᬬᬂᬢᭀᬦᬾᬗᬸᬦᬶ᭞ᬲᬗ᭄ᬓᬦ᭄ᬳ᭄ᬬᬫᬓᬢᬂᬗ᭄ᬭᬸᬭᬸᬄ᭞ᬘᬸᬗᬸᬄᬫᬢᬦ᭄ᬳᬶᬩᬸᬭᬓ᭄ᬱ᭞ᬳᭂᬜᬾᬦ᭄ᬚᬦᬶᬗᭂᬮᬳᬂᬳᬦᬓᬾᬜᬭᬸ᭞ᬢᬸᬃᬩᬶᬱᬵᬫ
ᬜ᭄ᬚᬸᬢᬶᬭᬸᬧᬵ᭞ᬫᬦ᭄ᬤᬤᬶᬬᬳᬦᬓ᭄ᬘᭂᬦᬶᬓ᭄᭟ᬲᬬᬦ᭄ᬢᭂᬍᬩ᭄ᬓᬬᬸᬦ᭄ᬳᬶᬤ᭞ᬫᬫᬶᬦᭂᬳᬶᬦ᭄ᬲᬶ᭠ᬓᭂᬫ᭄ᬩᬃᬢ᭄ᬯᬄᬚᬤ᭄ᬫᬭᬶᬭᬶᬄ᭞ᬳᬶᬧᬢᬶᬄᬤᬶᬢᬸᬫᬢᬸᬳᬸ᭞ᬤᭂᬫᬸᬂᬤᭂᬫᬂᬫ᭄ᬯᬂᬧ᭄ᬭᬫᬾᬦᬓ᭄᭞ᬳᬸᬮᬸᬩ
Kaca:Bali-lontar-gaguritan-indra-bang-induraja-300ppi.pdf/101
Kaca puniki sampun kauji-wacén
