[ ᭑᭐᭒ 102B]
᭑᭐᭒᭞
ᬦᭂᬄᬲᬚᬫᬶᬭᬶᬩ᭄ᬳᬶᬬᬵᬩᬦᬾᬫᬗᬧᬸᬲ᭄ᬩᬸᬦᬶ᭟ᬢᭂᬓᬵᬳᬫᬸᬓ᭄ᬳ᭄ᬬᬲᬚᬬᬂ᭞ᬲᬶᬜᬓᬧᭂᬲ᭄ᬳᬯᬓᬾᬤᬶᬢᬸᬫᬚᬸᬭᬶᬢ᭄᭞ᬳᭂᬤᬧᬶᬲᬦ᭄ᬧᬘᬂᬫᬦᬸᬗ᭄ᬓᬸᬮ᭄᭞ᬢᭂᬓᬾᬦᬶᬂᬳᬦ
ᬓᬾᬩᬚᬂ᭞ᬮᬫᬸᬦ᭄ᬦᬸᬗ᭄ᬓᬸᬮ᭄ᬫᭂᬮᬳᬦ᭄ᬢᭂᬓᬾᬦ᭄ᬲᬂᬧ᭄ᬭᬪᬸ᭞ᬚᭂᬗᬄᬦᬸᬗ᭄ᬓᬸᬮ᭄ᬢᭂᬓᬾᬦ᭄ᬳᬶᬬᬵ᭞ᬓᬮᬄᬩᬦ᭄ᬚᬢ᭄ᬫᬵᬳᬩᭂᬲᬶᬓ᭄᭟ᬳᬯᬓᬾᬳᬚᬓ᭄ᬳᬲ᭄ᬬ᭞ᬓᬾᬢᭀᬭᬯᭀᬲ᭄ᬧᬭᬫ
ᬦ᭄ᬢ᭄ᬭᬶᬦᬾᬲᬫᬶ᭞ᬫᬓᭂᬚᬂᬧᬥᬫᬫᬢᬸᬢ᭄᭞ᬧᬸᬧᬸᬢ᭄ᬯᬦ᭄ᬢᬄᬲᬧᬸᬦᬶᬓᬵ᭞ᬧᬋᬫᬸᬓᬾᬭᬶᬂᬲᬫᭂᬢᭀᬦ᭄ᬤᬦᬾᬤᬶᬢᬸ᭞ᬮᬯᬸᬢ᭄ᬦᬩ᭄ᬤᬩᬂᬲᬜ᭄ᬚᬢ᭞ᬧ᭄ᬭᬧᬸᬢ᭄ᬭᬦᬾᬲᬋᬂᬲᬫᬶ᭟ᬕᭂᬮᬶᬲ᭄ᬗᬦ᭄ᬤᬶ
ᬓᬳᬶᬦ᭄ᬩᬮ᭞ᬫᬗ᭄ᬤᬾᬦ᭄ᬗᬦ᭄ᬢᭀᬲ᭄ᬲᬜ᭄ᬚᬢᬲᬋᬂᬲᬫᬶ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬚᬗ᭄ᬓᭂᬧ᭄ᬓᬮᬶᬄᬭᬳᬶᬦ᭞ᬧᬳᬶᬗᬦᬦ᭄ᬤᬾᬯᬰᬦᬾᬧᬘᬂᬫᭂᬢᬸ᭞ᬳᬶᬗᬦ᭄ᬯᬢᬸᬤᬲᬳᬶ
[ ᭑᭐᭓ 103A]
ᬦ᭞ᬘᬬᬦ᭄ᬩᬶᬦ᭄ᬢᬂᬤᬸᬭᬸᬂᬫᬢᬶ᭟ᬲᬭᬶᬱᬓᬜᬶᬢ᭄ᬜᬶᬢ᭄ᬢᭂᬭᬂ᭞ᬬ᭄ᬯᬤᬶᬦ᭄ᬲᭀᬭᭀᬄᬩᬩᬸᬭᭀᬦᬾᬢᬍᬃᬓᬭᬶ᭞ᬭᬶᬂᬧᭂᬥᬫᬦᬾᬜᭂᬗ᭄ᬓᭂᬫᬸᬢ᭄᭞ᬤᬾᬭᬾᬂᬫᬶᬚᬶᬮ᭄ᬳᬫᬫᬗ᭄ᬰ᭞ᬧ᭄ᬭᬧᬸᬢ᭄ᬭ
ᬦᬾᬫᬤᬩ᭄ᬤᬩᬦ᭄ᬧᬥᬕᬶᬲᬸ᭞ᬫᬶᬚᬶᬮ᭄ᬫᬫᬃᬕ᭄ᬕᬶᬓᬧ᭄ᬬᬸᬥᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬧ᭄ᬭᬚᬸᬭᬶᬢ᭄᭟ᬩᬮᬦᬾᬢᬦ᭄ᬓᭂᬦᬾᬂᬯᬶᬮᬂ᭞ᬫᬕᬺᬤᭂᬕᬦ᭄ᬫᬧᬦ᭄ᬢᬧᬦ᭄ᬢᬫᬫᬃᬕ᭄ᬕᬶ᭞ᬩᬩᬭᬶᬲᬦ᭄ᬤᬾ
ᬭᬾᬓ᭄ᬢᭂᬮᬸ᭞ᬮᬯᬸᬢ᭄ᬤᬦᬾᬗᬦ᭄ᬤᬶᬓᬬᬂ᭞ᬗᭂᬩᬸᬕ᭄ᬗᭂᬡ᭄ᬥᬾᬢᭂᬗᭂᬭᬦ᭄ᬧ᭄ᬭᬂᬫᬕᭂᬕᭂᬩᬸᬕ᭄᭞ᬩᬮᬦᬾᬮᬯᬸᬢ᭄ᬫᬲᬸᬭᬓ᭄᭞ᬲ᭄ᬯᬭᬦᬾᬗᭂᬩᭂᬓᬶᬦ᭄ᬕᬸᬫᬶ᭟ᬓᬧᬶᬋᬂᬳᬦ᭄ᬢᬸᬓ᭄ᬲᬂᬦᬵᬣ᭞ᬫᬸᬜᬶᬦ᭄ᬢᬫ᭄ᬩᬸᬃ᭞ᬫᬸᬲᬸ
ᬳᬾᬩ᭄ᬯᬶᬦ᭄ᬦᭂᬓᬳᬶᬦ᭄᭞ᬲᬸᬭᬓᬾᬳᬢ᭄ᬭᬶᬕᬸᬫᬸᬭᬸᬄ᭞ᬤᬶᬢᬸᬮᬯᬸᬢ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬳᬶᬦ᭄ᬳᬸᬮᬸᬩᬮᬦ᭄ᬳᬶᬤᬤᬶᬢᬸ᭞ᬧᭂᬤᬲ᭄ᬳᭂᬦ᭄ᬢᭀᬲᬂᬧ᭄ᬭᬧᬸᬢ᭄ᬭ᭞ᬤᬸᬃᬫᬶᬢᬦᬾᬩ᭄ᬯᬶᬦ᭄ᬫᬩ
Kaca:Bali-lontar-gaguritan-indra-bang-induraja-300ppi.pdf/103
Kaca puniki sampun kauji-wacén
