[᭗᭘ 78B]
᭗᭘
ᬳᬧᬦᬶᬓᬂᬫᬦᬄᬫᬗ᭄ᬕᬯᬾᬲᬗ᭄ᬰᬭᬵ᭞ᬬᬦ᭄ᬫᬮᬦᬾᬗ᭄ᬭᬓᭂᬢᬶᬦ᭄᭞ᬧ᭄ᬭᬤᬾᬬᬦᬶᬂᬦᬶᬃᬫ᭄ᬫᬮᬵ᭞ᬢᬦ᭄ᬓᬢᬫᬦ᭄ᬲᬗ᭄ᬰᬭ᭞ᬲ᭄ᬫᬭᬓ᭄ᬮᬾᬱᬦᬾᬢᬦ᭄ᬓᬭᬶ᭞ᬲᬶᬤ᭄ᬥᬵ
ᬦᬶᬂᬫᭀᬓ᭄ᬱᬄ᭞ᬪᬵᬯᬃᬡ᭄ᬦᬯᬯᬸᬲ᭄ᬓᬯᬶᬗ᭄ᬓᬶᬂ᭟ᬢᬸᬗ᭄ᬕᬮᬶᬓᬢᬾᬓᬦᬶᬂᬰᬢ᭄ᬭᬸᬗᬭᬦ᭄ᬬ᭞ᬲᬶᬧᭂᬗ᭄ᬓᬸᬂᬫᬓᬚᬢᬶ᭞ᬢᬦᬦᬲᬲᬫᬦ᭄ᬬ᭞ᬰᬓ᭄ᬢᬶᬦᬶᬂᬧᬸᬗ᭄ᬕᬸᬂᬳᬶᬓ
ᬬᬦ᭄ᬧᭂᬗ᭄ᬓᬸᬗᬾᬗᬮᬶᬧᬸᬢᬶᬦ᭄᭞ᬗᬯᭂᬢ᭄ᬯᬂᬳᬮᬵ᭞ᬤᬤᬶᬮᬓ᭄ᬱᬡᬢᬦ᭄ᬩᭂᬘᬶᬓ᭄᭟ᬲᬗ᭄ᬓᬦᬶᬓᬂᬫᬦ᭄ᬫᬸᬲᬸᬓᬵᬮᬯᬦ᭄ᬤᬸᬄᬓᬵ᭞ᬲᬓᬾᬂᬧᬸᬗ᭄ᬕᬸᬂᬫᬓᬃᬤ᭄ᬥᬶ᭞
ᬧᭂᬗ᭄ᬓᬸᬗᬾᬲᬓᬾᬂᬮᭀᬪ᭞ᬓ᭄ᬭᬡᬮᭀᬪᬧᬸᬦᬶᬓᬵ᭞ᬲᬓᬶᬂᬧᭂᬗ᭄ᬓᬸᬂᬫᬗᬯᬶᬢᬶᬦ᭄᭞ᬲᬗ᭄ᬓᬦ᭄ᬲᬗ᭄ᬰᬭ᭞ᬲᬓᬶᬂᬧᭂᬗ᭄ᬓᬸᬂᬗᬯᬶᬯᬶᬢᬶᬦ᭄᭟ᬳ᭄ᬤᬳᬫ᭄ᬧᬄ
[᭗᭙ 79A]
ᬧ᭄ᬤᬲᬂᬦᬾᬫᬓ᭄ᬭᬡᬤᭀᬱᬵ᭞ᬲᬓᬶᬂᬮᭀᬪᬬᬫᭂᬦ᭄ᬢᬶᬓ᭄᭞ᬳᬗ᭄ᬓᬭᬳᬚ᭄ᬜᬦ᭞ᬜᬧᬓᬤᬶᬳᬓᬸᬢ᭄ᬕᭂᬲ᭄ᬦ᭄ᬬ᭞ᬫᬕᬸᬮ᭄ᬓ᭄ᬯᬢ᭄ᬯ᭄ᬬᬓ᭄ᬢᬶ᭞ᬧᬸᬗ᭄ᬕᬸᬂᬲᬗ᭄ᬓ
ᬦ᭄ᬬ᭞ᬧᬸᬦᬶᬓᬵᬧᬶᬦᭂᬄᬧᬸᬗ᭄ᬕᭂᬮᬶᬦ᭄᭟ᬦᭂᬮᬳᬂᬧᭂᬗ᭄ᬓᬸᬂᬫᬲᬥᬦᬓᬧ᭄ᬭᬚ᭄ᬜᬦᬦ᭄᭞ᬗᬭᬦ᭄ᬢᬸᬢᬸᬭᬾᬍᬯᬶᬄ᭞ᬳᬶᬤᬲᬂᬧᬡ᭄ᬥᬶᬢ᭞ᬧ᭄ᬭᬚ᭄ᬜᬦ᭄ᬢᬫᬭᬶᬂᬢᬢ᭄ᬯ᭞
ᬲᬶᬤ᭄ᬥᬵᬗᭂᬦ᭄ᬢᬲ᭄ᬯᭀᬂᬮᬾᬦ᭄ᬢ᭄ᬯᬶ᭞ᬩᬯᬵᬃᬡ᭄ᬦᬯ᭞ᬫᬲᬥᬦᬩᭂᬦᬯᬶ᭟ᬧ᭄ᬭᬳᬸᬓᬂᬯᬶᬦᬗᬸᬦ᭄ᬤᬾᬦᬶᬂᬓᬧ᭄ᬭᬚ᭄ᬜᬦᬦ᭄᭞ᬬᬦᬶᬂᬲᬶᬧᭂᬗ᭄ᬓᬸᬂᬚᬢᬶ᭞ᬢᬦ᭄ᬲᬶᬤ᭄ᬥᬩ
ᬳᬦ᭄ᬜ᭞ᬳᬧᬦ᭄ᬢᬦ᭄ᬯ᭄ᬭᬸᬳᬶᬂᬢᬢ᭄ᬯ᭞ᬳᬯᬓ᭄ᬦ᭄ᬬᬢᬦ᭄ᬓᭂᬦ᭄ᬢᬲ᭄ᬯ᭄ᬬᬓ᭄ᬢᬶ᭞ᬓᬮᬶᬂᬓᬾᬳ᭄ᬮᬾᬦᬦ᭄᭞ᬤᬤ᭄ᬬᬩ᭄ᬮᭀᬕᬾᬜᬓᬶᬢᬶᬦ᭄᭟ᬓᬤᬶᬳᬗ᭄ᬕᬦᬶᬂᬮᬸ
